11回港之旅之八

22/07/11
遠征東涌

今晚和大人各自有約。我自己入東涌搵一位曾經做過幾個月同事, 在其轉換職系後又成為波友的朋友食飯, 敘一敘舊。

 

小食

食材算唔錯, 不過兩個人都吃得不多, 又講多過食, 有蝕水的感覺....

 

>>>>>>>>>>>>>>>>>>>>>>>>>>>>>>>>>>>>>

23/07/11
疲兵屢戰

...

略貴; 懷舊兩字, 值得花多十元!

 >>>>>>>>>>>>>>>>>>>>>>>>>>>>>>>>>

飲完茶大人先赴同學之約, 在大熱天時去體驗吓 "剎那" 的農耕生活 ...(相信間中去玩吓和真正務農為生是完全不同的感受)

我亦稍後過海, 早大人一步去柴灣與一眾友好匯合。

大人所拍的...

>>>>>>>>>>>>>>>>>>>>>>>>>>>>>>>>>

今晚的大餐...

這是上湯年糕

未有耐起程, 友好已訂下今餐之約, 盛情可感... 

搭錯兜路隧巴兼逢塞車, 遲到了; 近三點鐘仍在車上, 饑腸轆轆, 胃又噯氣, 幾乎暈得一陣。終於去到, 下午茶時段, 嗱嗱聲整碗特價叉燒瀨醫肚。一邊飲茶, 一邊等畀廳, 打番幾圈。幾年沒在香港地域射雀, 且看技術有否回塘...。打打吓大人現身, 開夠兩枱, 嗰枱技術較為參差。

夠鐘開席咯, 力保不失, 沒輸牙較, 尚有幾個大餅落袋幫補車資。最終是沉默贏金...! 
匆匆埋位, 十三人熱鬧擠在一席, 老中青三代(包括輩份和年紀)都有。又食又傾, 一高興就食過籠喇...梗係!

食完意猶未盡, 慫恿今日半退隱的法師、明日的曲藝大師和粵劇小花旦合唱一曲...<鳳閣恩仇未了情>...兩位唱到投入之處, 伙記忽爾開始拆去間廳圍板...變成露"天"無遮無掩的場地...相信是徇外面食客要求, 以便大家欣賞吧...

一曲唱罷, 博來熱烈掌聲。

始作俑者最後畀人捉上轎, 要整番枝喎...雖期期以為不可, 但咁高興, 也罷, 任你哋同我揀歌喇---反正邊隻都一樣......唱唔掂的了。

人家唱來易如的<分飛燕>, 自己荒腔走板, 難為了合唱的小花旦...的慈親和聽眾, 哈哈!