近來少到健身室做運動。今天見精神尚好, 反正 "早" 醒了, 想過去郁吓, 於是...
多日沒來, 原來又添置了一部新的跑步機。原本已有三部, 以前我通常在下午二時許去做, 做完就接大人放工。不過後來那段時間愈來愈多人, 三部跑步機常會 "客滿" 致無機可用, 有時要被逼玩另外一些器材, 所以現在已將時間提早些許, 想去就一時半左右過去...。
哈, 得我一個...今午居然包場。
健身室的各類器材設備都已不少, 最近又更換了兩部新的單車機。現在多添了一部跑步機, 似乎擺得有些擠逼的感覺...。
平常我祇玩跑步機和這部 "巨無霸"(唔知正式叫乜機
); 今日無人用, 於是捨跑步機而就...這部機雖獨一無二, 都不會太多人用, 因為有些老人家覺得較難平衡。
踩得 "行" 都幾索氣的, 比跑步機好的是對腳板的繭和厚皮沒那麼刺激, 而且對膝蓋關節略有屈伸的活動。
耐冇做, 今日祇做了四十多分鐘就收工...
係咪近日股市, 金市大上大落.........會員忽窮忽富............
回覆刪除健身室有見及此.....特別增設了跑步機....??
[版主回覆05/25/2011 09:53:00]別來無恙乎? 意思係練定走佬...?
有備無患...!!
回覆刪除[版主回覆05/25/2011 10:13:00]呢邊走佬靠行/跑唔係幾掂, 一來街道既長且直, 二來人又唔多, 目標好難走得甩......難以如在旺角或銅鑼灣鬧市, 一貶眼已可以消失於人潮之中
你果度有冇得睇亞視?
回覆刪除我地拍咗個懷舊小特輯.....四季養生堂.....四節其中第四節, 約15分鐘.
每次有閒談及唱两首歌. 每星期一的早上10:50分.
好似話播六個月. 已播了二集.
[版主回覆05/25/2011 10:18:00]亞視自己拍的特輯, 似乎甚少在這裏播; 多數播無線的甚麼...財經透視、星期X檔案之類。 會留意吓... 香港暫時未有得LINK嚟睇?
阿大...
回覆刪除早晨呀... ...訓練有素...阿大平衡力應該唔錯....股市起落都可以企得穩....
[版主回覆05/25/2011 10:34:00]早晨呀MISS ---有乜E郁, 揸住碌竹囉, 玩呢部機, 我一如坐地鐵時的提示---緊握扶手; 不過有時都真係故意練吓平衡, 兩手一齊鬆開的...咁就要踩慢啲
That is called a Elliptical machine, which trains your upper and lower body at the sametime.
回覆刪除I just bought a spinning bike (Livestrong Spinner), check that out on Google, it's very good for your heart! I like to invest in exercise machine because you only live once, and your body is more important than anything else, worth the investment!!
[版主回覆05/26/2011 06:01:00]謝謝資料。 英文我偶然見過一次, 驚鴻一瞥, 之後祇記得是El...字頭的 , 其餘就記不清楚了...; 所以說呢, 人家是過目不忘, 自己則是過目即忘... (中文名稱至今仍未知點叫呢... ) 以前返工從沒鍛練身體的習慣。移民不久, 醫生有一年告誡是時候要做些運動了, 才的起心肝開始過去健身室郁吓, 不過都係懶得就懶嗰種 。 你住大屋, 一向又有玩開健身, 見你的器材甚多...; 所以你咁FIT囉。
我以前去做gym最鍾意玩呢部機，我叫佢太空踏步機，冇咁傷膝，上下肢一齊郁，後來因月費太貴而退出。 最近報了名學長跑.....始終到了咁上下年紀
回覆刪除[版主回覆05/26/2011 09:44:00]退休之後, 無所事事, 反正得閒, 都要逼住做些投資在健康之上囉... , 尤其自己咁鬼為食添。 你重有排...不過預早準備定都係有益的事...
唔該＞要就住，就住對天殘腳！
回覆刪除[版主回覆05/26/2011 13:08:00]有心...謝謝! 對天殘腳自己唔痛, 以我一向的小兒科運動勁度來說, 就應該點搞都冇事的; 發作痛起上嚟就想行過去做都唔掂...