今早起來大人有咳, 並說喉嚨有些涸...。返工後不久, 學校可能見她咳得厲害, 未到11點就打發她回家 "休息" (當然不免打擾我在黃金時間的好夢
)。約了下午去看白袍老友, 我亦順便睇埋, 攞些尿酸丸。而且, 這一兩天都覺得有些少頭刺, 腸胃不適, 似乎又有些少感冒(去年尾打的感冒針半年之後似乎藥效已過?!週初做完運動的肌肉痠痛亦可能是因為感冒而不關運動過勞?...
)。去到一齊入房, 先睇大人, 當然是喉嚨發炎。輪到我, 先請老友寫番啲尿酸藥, 然後漫不經心說好似有些感冒咁...。例牌照吓喉嚨, 白袍老友即說： "你個喉嚨重紅過佢喎..." , "吓, 我唔覺喉嚨痛架喎", "每個人的忍痛能力唔同架..."。當時有衝動想問, 會不會每個人的喉嚨 "紅" 的程度都唔同架? 諗係咁諗, 自然不敢駁嘴
, 唯有又食一劑
。我的是深水炸彈, 大人的是一劑兩效---有隻手指整損發炎, 佢嗰劑啱手指、喉嚨兩者齊齊消炎...。同命(病)鴛鴦就一齊要捱七日。
呢劑喺我歎的...
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
剛才第一場馬的位置賠率有些不尋常, 似乎出現難得的錯配情況, 趁機買了十蚊3號位置...
今場出馬四匹, 有兩個位置派彩
買的時候, 位置賠率：1號=1.0賠(派$10.1), 2號=3.X倍, 3號=7倍, 4號=12倍(若以這個賠率, 買齊2、3、4號位置(所費$30), 就算1號必入圍, 還有一個位置派彩, 2、3、4號是但那隻入圍都封了蝕本門(較熱的2號都派30幾蚊!)...咁大隻蛤乸? (不過預計賠率在最後階段會變的...)
買完之後, 最後變成這様...
當然不會買齊三隻咁憨居, 於是揀買3號!
(對賠率的分析：2號熱唔透, 4號太冷有機會不會冇人吼, 所以買3號囉, 我唔知乜馬嚟的, 哈哈...)
果然!
| 8309 | 10-05-2011 12:30 | 沙田 星期二 | 位置 | 1 場 3 幸運金龍 $10 | $10.00 | $45.00 |
早知瞓身喇(不過咁就可能畀我打熱晒, 冇45蚊派的了...
乘勝追擊...
| 8333 | 10-05-2011 15:02 | 沙田 星期二 | 位置 | 6 場 5 不老英雄 $10 | $10.00 | $48.50 |
| 8336 | 10-05-2011 15:36 | 沙田 星期二 | 獨贏 | 7 場 14 精算拍檔 $10 | $10.00 | $156.50 |
| 8337 | 10-05-2011 15:36 | 沙田 星期二 | 位置 | 7 場 14 精算拍檔 $10 | $10.00 | $48.00 |
| 8340 | 10-05-2011 15:37 | 沙田 星期二 | 連贏位置Ｑ | 7 場 6 金瑞 + 14 精算拍檔 $10 | $20.00 | |
| 8343 | 10-05-2011 15:38 | 沙田 星期二 | 連贏位置Ｑ | 7 場 3 玩具神話 + 14 精算拍檔 $10 | $20.00 | $1,446.00 |
| 8346 | 10-05-2011 15:38 | 沙田 星期二 | 位置Ｑ | 7 場 8 飛魚駿王 + 14 精算拍檔 $10 | $10.00 | $145.50 |
人弱, 贏馬之勢不弱... 當真有豐茲吝彼這回事
? 今日成功以戰養戰, 現在亦已屆平日收工時間, 宜乎鳴金收兵,
去也!
Congrat on your winning!! Hope that you recover soon!
回覆刪除[版主回覆05/11/2011 00:24:00]謝謝! 潺佬年中慣了要食幾劑抗生素...
恭喜！恭喜！留番D彩金年中回港派比我地港友啊！
回覆刪除[版主回覆05/11/2011 01:34:00]稀客! 稀客! 到時請手下留情啊...
阿大...早晨呀... ...你隻藥食完會嬴錢咁犀利嘅....
回覆刪除[版主回覆05/11/2011 09:28:00]早晨呀MISS 唔知係咪白袍老友見我虧, 畀啲違禁藥我食, 所以神起上嚟... 好在贏錢唔使拎啲PEE PEE去驗, 否則可能要嘔番畀馬會。
唉！我食咗「消炎藥」同「抗生素」差不多成個月，都仲未好呀！喉嚨發炎的情況反反覆覆，一時喺左邊、一時喺右邊，有時連耳膜都痛埋，吞口水都唔得！
回覆刪除諗落都係時候要搵個「耳鼻喉」專科睇睇至得！
[版主回覆05/11/2011 10:00:00]若是一般細菌性的普通發炎, 通常一劑應該清到...身體抵抗力唔好, 就可能會過一兩日再領新嘢... 呢邊食抗生素一定畀足一個療程(多數七日, 視乎個別藥物而定, 亦有三日的), 吩咐要食完。但香港睇一次醫生, 多數攞兩三日藥, 食完好啲就未必會去再睇, 有時未清得晒, 唔好彩的話, 領一次嘢, 可能反覆都清唔到, 亦有令細菌有抗藥性的危機。 你的情況, 最好由一個醫生跟耐啲時間, 問他若是簡單的喉嚨發炎(?), 點解咁耐唔掂, 看看他怎麼說。
阿大又好嘢,又斬到馬會一頸都係,條冷門梁偉德所贏的馬,都比你中晒100%,騎既都無你咁龍咁威.
回覆刪除[版主回覆05/11/2011 10:02:00]梁偉德點祇騎咁少馬吖?!畀佢害五、六次, 益番我一次咁囉...
老胡塗打錯,梁明偉至真.
回覆刪除不過梁偉德你又識唔識呢?
哈, 病病哋, 我又跟你講梁偉德... 我係資深馬迷, 梗係識喇, 梁偉德亦是發毛騎師, 好像還是練馬師張學文的女婿...
回覆刪除哈!連係張學文個女婿你都知,真係資深,真抵你贏咁多錢好嘢
回覆刪除啱摷到料,有人咁講.
2010年5月27日 insider 尚無評論
上週日當一眾馬迷欣賞精釆賽事之際,—位女仕到馬會行政大樓外請願!
此女仕乃前騎師及前副練馬師(於姚廄工作多年)”梁偉德”之妻子!
“梁偉德”較早前報稱因工作時受傷,已休息一年多,皆因做第二副練無人要,而副練是要每年由練馬師續約,無人要就連宿舍都冇得住,就連同期同班的”姚本輝”都唔要佢,有問題?
而馬會幾年前亦已批準他降級做馬伕領班,但幾季後又找不到練馬師收留,仲攪到班手足話佢神憎鬼厭,何苦呢!
其實馬會對員工都算唔話得,好似幾年前有個騎馬人,工作時受傷而不能再騎馬,馬會亦安排他於寫字樓做文職工作!\
其實在馬會工作已好幸福,但很多馬房兄弟食慣,歎慣,以為馬會欠佢地!如果自己平時努力工作,腳踏實地,唔好作威作福,馬會及其他工友點會睇住自己死呢!
[版主回覆05/11/2011 10:29:00]人是良莠不齊, 有啲勤力盡責, 有啲練精學懶。尤其在馬圈, 誘惑大, 古惑嘢多, 許多(口靚)仔時入去, 卻不能潔身自愛, 習染埋啲衰嘢。功夫得唔得喺一個問題, 把口夠唔夠密同埋有冇出古惑、食夾棍..., 操守才是最重要。一個人到處不受歡迎, 事必有因。
上星期(六?)精算大師出過一場, 冷過今場, 已買了一次, 前面快放至入直路, 以為得米, 臨尾輸些少, 好似跑第五六過終點, 輸幾個馬位。事前曾在馬會的賽事片段睇了兩三次, 今次見仍冷(買時24?倍), 輸都要追多一次...
回覆刪除
回覆刪除哩場馬, 唔知點解想起早前係 ATV, 睇許氏兄弟卅年前舊片(!?)
落重隻大熱, 實情係在其余幾隻 P 揾食。
戲如人生人生如戲
老千計......唔怕舊......最緊要受....
又係一班老千
[版主回覆05/11/2011 10:40:00]馬圈的古靈精怪嘢, 三日三夜都講唔晒...更有許多根本不足為外人道的。 很懷念以前董驃鬧馬鬧人的肉緊法, 佢識得多, 雖然有時講得未必符合實情或略嫌過火, 但過癮!
董驃先生也是我以故摯愛 Uncle 愛看的評馬人，只可惜歡情太暫，否則也許他也會是本馬圈活字典
回覆刪除[版主回覆05/11/2011 11:49:00]説來也不算太短暫了, 離開時應該有七十多歲了(?)...。 他大半生在馬圈打滾, 見盡裏頭暄涼百態。 評馬人點叻, 祇能根據馬匹的操練狀態及實力選馬, 但鞍上人及幕後的心意, 才是關鍵, 此乃賭馬之難, 故馬可賭而不能狂賭...
對不起，你誤會了.
回覆刪除只可惜歡情太暫 ，是指我和 Uncle 情緣。
他走時, 才剛六十歲............
[版主回覆05/11/2011 18:06:00]呵, 是誤會了 該我說 "對不起", 六十歲, 比較上是走得早了點...
阿大...早晨呀...
回覆刪除[版主回覆05/12/2011 09:40:00]早晨!
香港醫生唔太喜歡開抗生素,因為D菌順哂,連抗生素都無有怕. 祝兩位早日康復. 最近大陸有人扮馬會高層,名人,招收會員,呃入會費.一睇就知道係大陸人樣,講國語,又會有人中招被呃.(死蠢!)
回覆刪除[版主回覆05/13/2011 19:38:00]謝謝! 唔開抗生素, 咁食乜醫喉嚨發炎? 單單中了感冒病毒唔使亦唔應該食抗生素, 病毒引起的唔舒服如頭痛、肌肉痛等可以食另外的感冒藥舒緩不適, 就算唔食, 頂得住沒有引起其他併發症, 過幾日慢慢會冇事; 但若是上呼吸道已經感染細菌發炎, 好似我咁潺的就要食消炎藥(抗生素)。 啲人或者以為係香港馬會在大陸設的支部?