小饞這個月生日, 其母亦然。今晚去食二合一生日餐。
又去搵歌星老闆娘...
吾侄小饞...以前重為食過我, 喺屋企不停摷嘢食, 致身形甚圓。近年一標高(全家族最高!), 翩翩少年矣...
。少時則慕父母, 如今可能開始慕少艾
, 側聞似乎更有少艾慕他
, 故現在求型(忍口?)不求食...?! 
呢兩樣鎮店之寶, 佢地未試過...
今次比上次更正
今日非假日, 或者ORDER冇咁擠擁, 老闆娘見我哋去到先吩咐開始炸雞
今晚有蠔...唔夠大隻
生炒排骨, 個個喜歡...
中式牛柳...肉質幾好, 難得個芡汁味道恰可。
青班近來價俏, 食店唔賣正常; 又食班尾囉...
叫伙計埋單, 單到正準備攞錢之際...老闆娘走嚟追番張單, 又畀九折...
又有得擦,話之個市塌,
回覆刪除啲菜確係好正.
[版主回覆05/12/2011 13:21:00]點跌都要食架喇...老兄 得意盡歡當然正常; 失意更加要搵樣嘢嚟彌補, 否則好難平衡...
你有冇徵得你侄兒同意去『出賣色相』..........
回覆刪除而且很有點不道德，還强加妄語。
[版主回覆05/12/2011 13:50:00]當然, "我擺上BLOG架喎" "OK"... 我的是妄語, 你的是妄想...
正呀...d餸同亞侄仔都係... ...嗰邊d細路唔知係咪活動得多...好多都好高下...上次有個小朋友返嚟...13歲都差不多6呎高...
回覆刪除[版主回覆05/12/2011 14:11:00]佢都差不多6呎...父母都不矮(高過我! ), 佢更青出於藍。 平時飲奶當水...可能又為食呢(若我以前發育時期有咁豐富及營養嘢食, 我都可能高好多, 咁就唔使打工, 去打NBA... )
阿大...無得打NBA唔緊要...去打麻雀囉...
回覆刪除[版主回覆05/12/2011 14:26:00]哈, 牛脾同蚊脾咯..MISS; 打NBA輸咗波都照出糧, 打出名氣重大把贊助、廣告, 豬籠入水; 打麻雀一輸就要入肉...
打NBA壽命唔耐...打麻雀可以打到七老八十...
回覆刪除[版主回覆05/12/2011 14:49:00]打NBA壽命唔耐... 搵到咁上下都應該金盆洗手, 唔好咁搏, 否則真係會壽命唔耐... 至多或者做吓指手劃腳的教練之類...) 打麻雀可以打到七老八十... 咁咪即係有機會輸到老、輸到C...
靚仔似一個韓國明星。
回覆刪除[版主回覆05/12/2011 20:12:00]謝謝! 我叫他 "靚仔" 而不名...
全部都啱食，（雞食少少），個冬瓜去濕湯＞正呀！
回覆刪除[版主回覆05/12/2011 20:10:00]例湯來說, 佳! 此食店的家常菜味道OK, 雖然有些執得唔係幾正---例如生炒骨的芡汁太寬, 不過成班都一樣吃得津津有味...
似乎你鍾情唐餐
回覆刪除[版主回覆05/13/2011 00:00:00]原則上我自己係 "有食無類"... 中式、日式、西式, 甚至越式、印式...等等; 自助餐、碟頭飯, 以至粥、粉、麵...都啱食。 不過一家大班人一齊食, 除了佢哋喺屋企自己整(我哋就唔會 )就多數去食唐餐的...。
有食無類 (慮 )
回覆刪除你好嘢吖
剛復原又大吃大喝了
快活人呢
[版主回覆05/13/2011 00:42:00]未完全復原架...還有四日抗生素要捱... 今餐不太大啫, 慮多則累, 正如你說, 多憂何為?!
阿大...早晨呀... ....亦都有機會嬴到老嘛...
回覆刪除[版主回覆05/13/2011 10:02:00]早呀... 次次御用魚腩有份打就機會高啲 ...之前一早約了星期二喺屋企打一枱, 點知星期一已病了, 大人因 "病" 提早收工, 於是神雀俠侶帶病輪流上場(今次輪都輪到我哋播菌嘞卦---不過我有發出帶菌警告! ), 御用又飲恨18底, 我哋贏最多...
都話阿大d藥勁架啦...又嬴馬又嬴雀....
回覆刪除[版主回覆05/13/2011 14:27:00]都驚啲藥太霸道...又唔對症... 贏馬、贏雀, 但贏唔到喉嚨發炎啲菌就麻煩...