今晚又去吃逢星期二減價的自助餐。這間餐廳離住處稍遠, 咁耐我們還是首次光顧。
在攞蠔的短短人龍之中, 不意竟然碰見一位舊朋友---是麻雀枱上的故知。
來加不久, 有段時間和他在雀枱交手甚頻。他在報館工作, 像我一樣習慣了顛倒黑白, 愈夜愈精神。每逢星期六他放假多數會來弟弟家打夜牌, 通宵達旦, 當返工...; 那時會叫埋我上去打。計落他是輸多贏少, 屢敗屢戰, 且絕不發脾氣, 好腳來也。不知是否真的輸得太多, 打打吓...終於都偃息旗鼓。稍後他為安排兒子入間好學校而搬家, 之後就甚少見面了。
今晚喜相逢, 一謦之下, 原來兒子已讀完書, 故此最近又搬回士嘉堡了。他比較寡言, 夫人則十分健談, 今晚食食吓其夫人不時過枱講幾句, 更放聲氣有麻雀打可以搵佢老公喎......
...
花開兩朵, 各表一枝; 講完故知講番呢餐...
這間餐廳比星期一、三、五減價的那間多嘢食及好食...
大人慫恿, 於是破例...
翅湯+雲吞
紫米露、豆腐花
雙皮奶
阿大...早晨呀... ....食自助餐遇番見魚腩...可喜呀...
回覆刪除[版主回覆05/18/2011 10:01:00]早晨呀MISS... 哈, 細佬曾謔而稱之為唐僧---人人爭食其肉... 有時見他真係輸得頗多, 我都有些不好意思, 希望佢贏番一兩場...
唉!阿大,賭錢真係贏到無朋友架.
回覆刪除[版主回覆05/18/2011 13:38:00]哈哈, 誠如老兄所說... 講真落場就冇得留手, 所謂獅子搏兔 , 必盡全力嘛...
"大人慫恿, 於是破例..." 真的
回覆刪除[版主回覆05/19/2011 02:25:00]真的!! 所謂破例者, 是平時兩個人出去 食自助餐不少, 未試過叫啤酒佐餐的 。主要因為在外面飲覺得太貴, 入口啤酒賣成5蚊/瓶, 一也 (一班人食唐餐, 想飲些少酒多數自己帶紅酒的;不過今次優惠價C$2.99/瓶咋 , 於是...); 飲完啤酒啲氣又頂住個胃, 好快收工, 二也(呢樣無所謂喇); 食完餐要揸車走, 有乜依郁, 驚可能被捉酒後駕駛, 三也(大人最近已經有牌, 現在必要時可以頂檔!)...所以今次...破例囉...
阿大...早晨呀...
回覆刪除[版主回覆05/19/2011 09:02:00]早晨呀, MISS 今日特別精神咁喎...
TsinTao is my favorite, I like the Chinese beer much more than the American/Canadian beers...
回覆刪除[版主回覆05/20/2011 09:58:00]我都係...