七月一日是香港的回歸紀念日, 也是加拿大的國慶日。
在國慶日當天, 我和家人興高采烈地做了件儍事...
一間名為MANDARIN的自助餐廳, 慶祝開業三十週年, 特在國慶日免費招待加國公民。對於為些少著數而去排隊排餐懵的事, 一向敬謝不敏。不過小饞對此頗為雀躍, 大家投其所好, 打算到時即管去看看 "盛況", 太多人時才打退堂鼓。
十時許扺達, 人龍已經去到...
...我們排在咖色建築物的大約中間位置...後面續有來者...
龍尾.???
好在天色晴間陰; 沒雲遮擋之時, 太陽伯伯威力仍猛, 事後發覺晒到頭頂及額、顴都紅晒(現在開始甩皮
)。....好不容易, 終於到了門口, 小饞枕戈待發...
入到餐廳, 小饞餓到急不及待, 擺位之時已率先發難。
他的左邊咀角上端若隱若現的那粒據說是 "為食" 墨(?)...
陸續有人成功搶灘...
食完出黎, "半斤" 和小饞拿著餐廳送的國旗搞搞震...
"半斤" 是甚麼意思?
---半斤者, 八兩也。小饞稱大人為伯娘, 永遠讀成 "伯兩" , 故吾戲稱為半斤。 吾妹廚神在其夫家更身重許多.... "此地無銀" --->三百兩
儍更更興師動眾花幾個鐘頭去排隊食餐免費自助餐, 算是感受一下國慶氣氛...
將此儍人儍事擺上網
This is my way of saying ......
THANK YOU CANADA !
THANK YOU MANDARIN !
Morning ~ No. 1 ~
回覆刪除[版主回覆07/05/2009 11:00:00]早晨, 貓姐 !
能與家人一起玩耍, 就算身處茅厠, 都覺開心. 何况更 "興高采烈"去飧廳?
回覆刪除老大好積福...!
切勿極力為家人謀幸福...衹要你能令家人感覺幸福就可以!
[版主回覆07/05/2009 16:14:00]是是是..., 山兄所言極是。 一向儍吓戇吓、渾渾噩噩咁做人, 從沒指望自己可以謀到甚麼的所謂 "幸福"、"快樂"..., 也不懂如何去 "謀" (包括陰謀與陽謀 !), 若果...真能沾到那麼一丁點兒的話(?), 肯定都不過是好彩偶然碰上的...。
嘩!咁墟撼,喂食餐咁嘢,咁排法,真係咪攪我.
回覆刪除咁多人食,啲伙記嘛做既做懵,龍尾排到幾時呀? .
啲餐具又要清,啲食物又添加,嘩!真唔知排幾時有得食.
咁攪法,不如整好一盒盒派,又快又乾手淨腳.
[版主回覆07/05/2009 16:42:00]呢餐照計不過加幣20蚊左右, 值不值得花這許多時間精力去排隊食, 真是見仁見智...。 我說是儍人儍事, 事後想來, 覺得的確有股儍勁在才能為此區區一餐捱幾個鐘排隊之苦。 話說回來, 餐廳特意揀在國慶日回饋社會, 這是他們的一番心意, 亦頗有意義。我們今次參與其中, 都很開心。雖然免費, 餐廳仍然如常運作, 一絲不苟, 這是他們尊重客人...。
咁你地排咗幾耐呀?...
回覆刪除10點幾去到, 2點幾入去坐低...足足四個鐘!
回覆刪除香港七一如果有免費餐，條龍肯定長過加記，遊行人數大減。
回覆刪除這廂遊行人數大減, 那廂可能釀成暴動...
回覆刪除等咁耐，有無人嘈呀，如果喺香港等咁耐，一定拆門呀。
回覆刪除除了有些少人會插隊在人龍識得的先頭部隊之中 , 使龍身某處突然變得粗壯之外, 大部份人都算肯安份守秩序, 沒有不滿嘈生晒。我也是因為對這裏的排隊文化比較有信心, 才...
回覆刪除Wow, with that long line and usually takes about 45 minutes for one meal...how many people actually get to eat???
回覆刪除[版主回覆07/07/2009 04:11:00]有人轉述, 據翌日報紙說, 全部21間店舖, 當天由中午12點開始, 至晚上八時半最後一批, 總共招待了3萬人左右...
如果香港肯定打架,當年排B.M.O都打餐懵啦.
回覆刪除[版主回覆07/07/2009 09:10:00]若無鐡馬攔住及警察(目及)實, 相信就算唔打架都多數會混亂不堪。
雖然排咗咁耐隊，有返唔錯既食物補數，算係打個和啦！
回覆刪除[版主回覆07/07/2009 11:58:00]吾侄想去, 我們又都想見識一下在加拿大排隊食免費餐的實況, 於是騎上虎背... 儍中尚有些許 "終於俾我食到" 的阿Q式精神勝利
記得之前你有寫過,你侄仔12歲(還是我記錯?),但睇相佢好高大呀,已經高出佢伯娘成個頭,似個16-17歲0既小朋友,係唔係營養過剩....
回覆刪除[版主回覆07/07/2009 15:27:00]早前有篇大饞說小饞..., 記述吓侄仔年前的兒時趣事和為食法, 好像沒確提年紀。 佢現在15歲咯, 以前圓碌碌, 有個肚腩... , 我們擔心他會痴肥的, 點知這兩三年發育後一路標高, 竟然成個拉長晒。佢平時牛奶當水喝, 從前又為食, 當然不愁營養, 只怕偏食而已。