獅子銀行
20/7
前早往住處附近的城市廣場吃了個西式早餐和粥餐(不過D相因用了閃光燈衰左...
)
閒日通常有班晨運客在此跳舞
噫, 設於商場內的匯豐究竟想搞邊科...
舞獅綵青?
...>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
雀局耍樂
21/7
昨天又約了舊同事飲茶雀局, 今次大人有份
。有兩位專程只參與上半場, 飲完茶, 吹完水, 就先行告退...。雀局兩枱麻雀, 每位收$15元。晚飯任揀六個小菜; 送煲例湯, 白飯任裝。
雀房寬敞靜局, 價錢十分抵玩。
午茶另計
這些 "擺設", 十年如一日。
雀房
每次都差不多是那六樣餸：半隻鴨、半隻雞、海鮮玉子豆腐煲、雙菇菜苗、蒸鱲魚X2...
據說今年犯太歲, 昨天更兼逢天狗食日, 果然出師不利, 竟然輸了.......三十幾底!!!
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
水落石出
22/7
昨日被人(手禁)住搶晒D錢, 今朝唯有一早去銀行 "攞" ; 見到......
這個商場(城市廣場)原來稍後重建, 屆時匯豐將面目一新。現先為新中心徵求中文名稱。若大家有心水, 不妨 "醒" 給我, 參加贏到機票就和大人盡快返香港玩番轉。
重建模型
左邊是太古廣場, 不會變動; 重建的是右邊的城市廣場。
...噫, 重建之後, 不知會不會帶動附近的物業價格...
No. 1 ~~~
回覆刪除天狗食月不利 ....莫非是否閉關巳久呢....
近期越洋戰鼓偃息 , 不過本地仍有零星廝殺, 應未致完全荒廢。看來都是時運不濟...
回覆刪除Hope you win!!
回覆刪除[版主回覆07/23/2009 09:59:00]根本都唔知佢地揀REMINGTON呢個名, 背後有甚麼意義, 點參加呀?
唔講以為你o係香港添﹗
回覆刪除[版主回覆07/23/2009 10:23:00]昨天飲茶吹水傾開, 席上有人說(梗係唔係我! ), 香港人移居海外, 總體上多倫多及溫哥華應該可算是數一數二的選擇......。 說法雖未完全苟同; 可是, 就真的覺得這裏(士嘉堡)儼然小香港的風情, 對我這個頑固唔化及奄尖的人, 頗為適合。
真係...唔知嘅會以為係香港......
回覆刪除你以前有沒有在呢 "忽" 附近出沒?
回覆刪除你在東時我在西......同埋我喺d鄉下地方...邊有你咁嘆吖......
回覆刪除噫, 在西岸那邊...。年輕人適應力強, 唔似我地積習難返。小鎮有更多的真正田園風味, 是住在香港所難得的生活體驗。
回覆刪除咪一樣難改...一放長假就聯群結黨出溫市吃喝玩樂......咁小鎮又真係別有一番風味嘅...渡假真真唔錯...長住就有d悶囉...
回覆刪除[版主回覆07/23/2009 14:57:00]一放長假就聯群結黨出溫市吃喝玩樂 ....正常之至 !!有幸負笈海外, 讀書之餘, 唔趁機玩吓就笨! 當時的校園生活片段, 想必永銘心中, 回味無窮。
初初一睇以為香港添,咁多中文招牌,又會晨運客在商場內跳舞,以為雷曼友抗議添,
回覆刪除嘩!輸成三十幾底,好金啵, 全松無限番呀?.
唉!我都無打麻雀拾幾年LU.
係呢?加國獅子行,有無港股戶口開架?
[版主回覆07/23/2009 15:22:00]晨運客在商場內跳舞 .....與人方便啫。 打全銃12番, 首回合已經在心有戒備之下, 鬼使神差般出了舖13么, 從此一沉不起...。 衰到搵大人頂舖檔, 都輸舖小三元...唉。 我喺香港都冇乜打, 跑馬居多 , 過左黎先同班舊同事聯絡, 個個鬼咁得閒, 間中咪做D無聊又無益之事, 吹吓水, 打吓雀, 消遣吓, 過吓日辰咁囉。 加國獅子銀行梗係可以炒埋港股, 不過買賣徵費頗費(比美、加股貴)。
the remington centre 本身都可以叫 "雷明頓中心"啦喎(已經唔錯)..仲要改名??
回覆刪除[版主回覆07/23/2009 15:25:00]哈, 如此簡單, 就想贏人兩張機票?!
呢個係我上次講過既 "炸燒肉" ...
回覆刪除送比大哥你同大嫂 "目食" 啦 ....
多謝貓姐 好正的住家風味燒肉...
回覆刪除