食親呢味野, 都知衰乜喇...
流鼻水流了個多星期, 冇睇醫生, 諗住睇吓捱唔捱得過......近兩三日更加開始咳, 食咳水都似乎冇乜起色, 明天又要去搵......
大人見屋企有梨, 今晚學人整味止咳野我歎住先, 不過整出黎個樣似乎麻麻...
都要焗住食......
打爛川貝
水晶梨挖心
炖了個半鐘
川貝都好似未溶得晒...
後記
東岸時間
28/7 15:40
.."擘開個口睇吓......睇黎早幾日已經感染左架罅, 個喉嚨紅左, 食劑抗生素喇..." .."哦, 係呀, 已經流左十幾日鼻水; 咁D咳照食番屋企D咳藥得架嗱?" ..."得架罅。唔係好緊要啫, 放心喇..."...(俾你睇完, 攞左藥食, 梗係放心啦, 不過又要捱七日啫..
.)
大人整呢味野係志在宣洩對你嘅不滿：煎你個皮、挖你個心、塞你個胃......
回覆刪除......親夫?
回覆刪除係唔係甜架?...
回覆刪除川貝略苦, 冇落糖, 靠梨D甜味...一二三牛趙牡丹快快趣趣吞鬼晒佢...
回覆刪除梗係呢排响金魚肛賺唔少，以致財多身子弱定啦﹗唔駛去睇醫生，你將d錢過落我到就即刻會好番曬架啦﹗
回覆刪除過都過D傷風感冒咳俾你先喇......接野啦---->呵、咳...咳...、乞 .........嗤!!!
回覆刪除金魚肛...??? 亞大做咗午夜牛郎...??? 揾快錢???
回覆刪除咦! 可能其實唔係俾你飲老大..... 係用黎洗肛架咋........!!!
回覆刪除[版主回覆07/28/2009 14:18:00]屋企冇養魚!
噫, 滋事搞局者又聞到徐黎哄罅... 我從前打皇家工, 並非在香港交易所工作...
回覆刪除" 肛 " 唔係要嚟養魚......係要嚟..............!!!
回覆刪除[版主回覆07/28/2009 15:17:00]請說經驗..!
川貝炖梨，亞媽話要加D水炖架。
回覆刪除我都有此懷疑架, 不過大人乃據家長所說...經過今次, 我諗下回(?)佢會加些少水炖罅卦...食到D川貝, 咬落仍頗 "口感" 的...
回覆刪除炖個半鍾川貝應該未能完全溶化喎!!同埋份量好似多左咁
回覆刪除記得海馬講過話... 如要川貝溶化至少炖要 3個鍾...
咪所以搞到非驢非馬囉......難吃 ...都要甘之如飴 !
回覆刪除Does it work??????????
回覆刪除川貝只吃了一次, 暫時很難證實療效呢。昨晚食完(夜晚瞓著覺就完全唔咳的!), 今朝諗住晏D睇醫生, 已沒吃咳水, 似乎咳得比較稍為 "舒服" 左DD。睇完醫生食了兩次抗生素, 瞓左一小覺, 個人開始鬆左D...咳少左, 鼻冇咁塞... 我覺得若是病後手尾咳, 唔斷尾, 川貝應有一些療效, 不過若是今次般喉嚨發炎引致咳, 就要治本為先, 清左喉嚨發炎才易為功, 若唔食抗生素, 喉嚨繼續發炎, 單是川貝就唔止得咳。
回覆刪除係唔係...流感呀...
回覆刪除係囉...可能去年尾打的流感針藥效已過。不過都好, 身經百感, 26字母+10數字的混合體各型流感我體內應該大多都有抗體, 或者第日成了百毒不侵之身都未定。世衞都話, 5X年前出生的人, 似乎無咁易感染近來談之色變的豬流感, 有亦病情比較輕微, 所以中國有句老話：小病是福, 信焉。
回覆刪除老大, 你去世衛揾馮富珍賣抗體都揾到啖吃!!
回覆刪除係呢...老大, 梅毒抗體你有冇? 我有個朋友染到, 重末好...!!
回覆刪除從前的人自己有問, 常假託別人, 我的朋友...... 你是第?期, 諱疾忌醫, 不是良策!
回覆刪除過來人即係過來人........呃你唔到!!....係呢, 有邊間疹所好介紹??
回覆刪除從前在香港打皇家工時, 知道尖沙咀有間紅屋仔, 當時屬社會衞生科, 唔駛錢的。不過據那邊同事說, 醫療過程比較辛苦, 你即管去看看該紅屋仔尚在否?
回覆刪除紅屋仔去過....佢介紹我去紅梅谷......揾你!!
回覆刪除甚麼? 拒收添呀? 咁應該已是末期, 冇得搞的了。...介紹你去紅梅谷, 那處從前確是風水福地, 只是目前過度發展, 難覓.......了。不在其位, 搵我都冇用, 幫你唔倒了。
回覆刪除我05年2月咳到入院,留醫14日,醫生都幫唔到,出院後每半覆診,至今都未斷尾,日日都要吸類固醇叫做好啲,冷又唔得辣又唔得空氣唔好更唔得,一食一吸有排咳.
回覆刪除以前無辣不歡,e+無份LU.
冇話乜事咩? 氣管過份敏感?
回覆刪除