今天買餸行經涼茶檔, 省起整杯廿四味降吓火, 不過就唔知是否對症下藥,
有冇效咯。
今晚食乜呢?
大人有一排冇煲湯, 今晚淮山茨實節瓜豬骨湯。
在超市見有大隻溫哥華蜆, 用手撥之, 見識噴水, 於是買了磅許, 大人話豉椒炒之...
剛剛飲了涼茶, 唔怕卦?!
...先用水滾熟幾成...
再落鑊炒...
蜆身相當飽滿, 味道鮮甜。一邊食大人已經一邊話, 下次買黎用上湯(雞湯)浸...
在外頭吃一碟, 用美國較細的蜆, 都要10蚊8蚊, 肉細又冇乜鮮味, 尚冇呢碟咁大; 溫哥華蜆4個幾一磅, 咁就磅幾, 要近7元, 但的確好食好多。
XO醬蒸茄瓜, 有了這珍貴的XO醬, 配乜都特別好味喇!!
焗了兩塊香草雞扒...
去皮切件
望落都冇食過......D殼!
飯後果
食雞唔食皮咁健康呀......個飯後果咁扁嘅...
回覆刪除食白切雞, 雞扒等全部去皮, 已實行有年; 例外者......就係食靚的脆皮炸子雞 , 忍唔住會連皮食...兩三件。 扁塌塌呢個係......蟠桃黎喎...(都幾甜)!? 唔知係咪齊天大聖去偷食果D...經過基因改造而成。
回覆刪除呢餐就豐富又健康啦,其實有節瓜豬骨湯及蒸茄子,0個半碗生菜不需要啦,還是大嫂每餐都中意食少少?
回覆刪除首先自己話左自己先, 喺屋企食, 我比較喜歡多一兩款餸, 寧願每款細碟D的 。 此外, 大人都慣左。平時要返工, 一星期平均最多煮兩三餐, 大人的心態是, 一係唔整, 反正整就整多些少, 不錯係一餐肯定食唔晒, 佢預左要帶飯, 有多我都可以食多餐午餐。有時又買埋買埋, 到咁上下驚放得太耐, 心血來潮, 幾時整埋, 咪又多D囉...。
回覆刪除呢餐就豐富又健康啦 PS 不過明晚可能又會去食日式自助餐罅, 都成兩三個星期冇食... , 要食番D生鮭魚, 令D壞膽固醇唔好咁高(醫學資訊說的...)
回覆刪除用xo醬黎蒸小菜.... 哈, 我食左咁耐都未try過喎....
回覆刪除大人落埋落去蒸; 我諗先蒸熟茄瓜, 才落XO醬熱食, 或會更佳, 下次試吓。
回覆刪除我煮茄瓜食法係先清蒸茄瓜<可在瓜皮上界定片or段> ~ 乾蔥切碎, 淋上滾油後加生抽同美極豉油, 再放"少許"沙糖來醀點食 ~
回覆刪除大人傾向食少D油, 所以淥菜, 屋企整餸就蒸煮焗多, 煎炸都少, 連蒸魚魚身都唔 "贊" 熟油, 僅整碟仔熟油+薑葱俾我蘸。現在我都俾佢同化, 食得比較清淡。
回覆刪除食炒蜆都怕熱氣，所以要飲定杯涼茶﹖ d蜆淥熟幾成再攞o黎炒,會唔會無咁鮮味啊﹖點解唔由生炒到熟呢..咁會鮮味d架喎..應該
回覆刪除呢排個口好易生痱滋, 所以經過飲杯涼茶。飲完涼茶才去買餸的...咁啱, 都好, 先打底解毒, 食完豉椒濃味, 暫時個口都冇事。 住家爐火較弱; 由生炒到熟, 有排炒, 既耐又整到成間屋好大味,分分鍾熟唔透。現在都算OK, 因D蜆本身鮮味。其實烚都應該好食。
回覆刪除你就好啦,餐餐都咁豐富,xo醬蒸茄子,我就得腐乳蒸咋 蚊脾同牛脾LU
回覆刪除7蚊磅加州蜆,計港銀定加幣呀,若果加幣就加敝,計港紙嘛49蚊磅,好敝好敝呀
個湯真係正,食節瓜夠禾味啦
我平均幾日先出一餐黎見人咋喎, 點算得餐餐呀?
回覆刪除都話大人一係唔整, 整就整多少少, 一星期整兩三餐, 你平均除開, 每餐其實奀過奀茄。 蜆是4.59磅, 係加幣, 今日匯水高, 覺得貴D 。若然回落至5算, 就OK咯。現在匯水咁高, 我都覺得好幣, 份生活費愈駛愈縮。 普通家庭湯水, 節瓜冬瓜我都鍾意食。
哈, 呢d係我煮法姐 ...
回覆刪除呵呵, 你想蘸 d 醬油大嫂都唔肯過你啦....
清清淡淡咪幾好咯...
哦, 蘸 "豉油" 呢方面...大人總算有足夠 "自由" 俾我............自己選擇。
回覆刪除飲完涼茶先至食豉椒炒蜆當然可以收到中和之效啦!..重使講...!
回覆刪除就正如亞大你, 返到屋企, 先來個滾水淥身, 再來個冰水沖涼, 咁咪就等於沖咗個好舒服嘅暖水浴嘮! 一樣道理!
[版主回覆07/17/2009 21:53:00]哈, 三溫暖乎? 柏文泳池更衣室有個桑拿室, 但我咁耐以來, 一次都冇用過。泳池也有暖水按摩池, 我貪過癮僅浸過兩三次。在屋企就費事麻煩, 通常唔會分兩次, 二合一, 直頭用暖水一次過搞掂。唔知第日用涼茶烚蜆, 連湯連渣一齊食晒, 會否有同樣中和效果?
至於 蘸 "豉油" 嘅自由, 你邊度有啫? 咪又係要蘸大人買定擺响廚房果d, 唔通你可以蘸第二個牌子嘅豉油咩..!!
回覆刪除[版主回覆07/17/2009 22:03:00]你說的果種情況, 似乎係： 蘸 邊隻 "豉油" (口既)自由..........。 而我屋企起碼有三隻豉油, 一隻鹹味普通豉油, 一隻蒸魚稍甜豉油, 一隻辣椒豉油, 是不同牌子的, 咁你話...
Nice and healthy dinner!!
回覆刪除[版主回覆07/20/2009 06:53:00]網友都強調呢餐健康..., 乜平時真係食得好唔健康?