今晚飯堂開餐

已許久沒幫襯飯堂, 今晚...


中、西餐湯各一

什果沙津

雞扒餐分汁

大蝦牛扒餐分汁

雞扒例牌去皮而後食; 牛扒亦去了條膏...

一杯堂飲, 一杯拎走...

川貝炖水晶梨

食親呢味野, 都知衰乜喇...

流鼻水流了個多星期, 冇睇醫生, 諗住睇吓捱唔捱得過......近兩三日更加開始咳, 食咳水都似乎冇乜起色, 明天又要去搵......

大人見屋企有梨, 今晚學人整味止咳野我歎住先, 不過整出黎個樣似乎麻麻...

都要焗住食......


打爛川貝

水晶梨挖心

炖了個半鐘

川貝都好似未溶得晒...

後記

東岸時間
28/7 15:40

.."擘開個口睇吓......睇黎早幾日已經感染左架罅, 個喉嚨紅左, 食劑抗生素喇..."
.."哦, 係呀, 已經流左十幾日鼻水; 咁D咳照食番屋企D咳藥得架嗱?"
..."得架罅。唔係好緊要啫, 放心喇..."
...(俾你睇完, 攞左藥食, 梗係放心啦, 不過又要捱七日啫...)

為食日誌

今早和大人嘆茶完畢, 例牌又去巡超市。這間超市賣的貨式較靚, 比較企理, 當然價錢亦貴一些。
(買完餸離開超市時, 在車上聽到收音機新鮮熱辣的報道, 一間本地主流超市集團剛以2億多加元收購了這間全國共擁有17間店舖的華資超市。 嘩, 發達...  )


這碟就是早前提過, 不是經常可以吃到的雞絲粉卷; 我喜歡它的質感和味道---多多木耳、些許薑絲...

韮菜豬紅、蘿蔔牛肚兩溝; 特意叫多兜飯, 拎走。(成日食食吓先記得影相...
所以韮菜不見了! )

去到超市, 見到魚缸水清, 有許多深色靚仔大條青班, 賞心悅目。(近日其他超市賣的都是頂多一磅左右、顏色較淺的青班仔; 受大人家傳的食魚文化薰陶日久, 識得食魚一般寧大勿太小(?)..., 反正都價錢不平, 所以甚少買一磅以下的來食。)

當時缸內有幾條大班已經半浮半沉, 不時轉換仰泳撥水姿勢...。伙計醒目, 趁尚賸番半條魚命, 未瓜得晒, 見我們駐足而觀, 指指點點, 問我們要不要, 說計平一些。本來我們還未打算是否在家開餐, 不過既然有此食緣, 見有着數, 不如......就決定買條今晚打邊爐!!

不堪利誘, 暫時算執到條襪帶; 可當然還有下文..., 另外又買多隻溫哥華蟹(兩磅以下的又平D喎, 在蟹堆中(難免有D觸景傷情! )終於畀大人揀到隻2磅零DDDD...、不過是單鉗的, 未食心理上的滿足感已令我們沾沾自喜...); 再買些上次用作豉椒炒、大人猛讚的溫哥華蜆..., 買著買著, 嘿, 終於累得身家又唔見一橛...。不過想起天狗食日重創事件, 食左點都好過畀人搶...。

今晚打邊爐, 中午當然要就住就住。大人趁得閒, 下午整了杯藍莓香蕉奶昔頂檔就算。

打開露台門透風(外出廿三度)......預備開動...

大人和我同心......合力同佢搏鬥良久, 才能掰開個蓋。

魚要大; 蟹都要大(難怪從前在澳門某些場合, 經常聽見有人咬牙切齒地說： "老虎蟹都要大!" )才多膏多肉, 然後好食。

芫西、唐生菜、西洋菜

冰箱珍藏的肥牛

都唔算太多野啫...

兩個人淥淥吓, 例牌由大人掌爐, 我食半殘廢餐

龍頭向屬沙吒利(

哈, 唔怕卦, 大人應該唔知出處的...), 饞人推稱怕LUN骨

以前不大喜歡吃芫西的, 亦是被大人同化了...

呵呵, 哈哈, 嘩哈哈...希望明天唔好腳痛...

饞人壓肚的最後一......大綑稻草

咪又話食得多, 有得剩架...

解藥......知道是甚麼東西來嗎?

咁又一天...