閒話

家裏的天窗雖不能打開, 卻可透光...所以說的仍算是亮話; 不過...有時說來會顛三倒四罷了

莫辜負清風艷陽...

路過......"精神" 也移民?
第一代的黃師父..., 年前仍可在這邊的中文電視台周日粵語殘片得睹黃師父的 丰采
長壽片集中, 印象最深的是鐵雞鬥蜈蚣---新舊兩代拍的, 兩套都算幾好睇

-----------------------------------------------------


這個長周末, 三天假期
又包場...


本周上磅
哈, 沒多沒少
今次影得好啲嘞卦?!

鋸扒

又是埋機時候...
冬天四、五點已開始暮色四合;  夏天接近九點仍見夕照餘暉

接完放工在鬼佬超市見減價, 即興加餸, 買了一PACK(兩塊), 趁新鮮今晚先食一件。
近年已不大敢獨力一餐搞掂咁大塊肉, 要就住嚟食。
唔想煎到成屋味, 洒些少seasoned salt 及黑胡椒, 放在焗爐烤之哉。
將一半切條, 就咁佐飯。肉質OK, 大人調味確有兩度散手, 相當好味。咁樣的一塊, 兩個人都搞佢唔掂, 食淨半舊切了薄片, 稍後可以用來夾麵包。

隔夜嘢

莧菜湯

也是剩餘物資...開了瓶不宜放得太耐嘛...

----------------------------


後記

睇睇吓..., 大人有召, 原來還有下文......一杯解毒石榴汁

以煲易煲

星期日搭單在弟弟家食餐算數, 現在佢哋亦簡單了好多。

我哋整了煲紅酒牛尾;  小饞就自己整咖喱雞(+雙丸---牛筋丸和墨魚丸, 我哋本來拎啲去畀佢試吓, 誰料佢即刻加料)。

事前叫佢整多些少咖喱汁, 食賸畀我拎啲番屋企。我哋就例牌每次炆一大煲, 等佢地可以食多一兩餐, 有餸有汁。

高位稍為回落... 星期六嗰餐看來影響不大?!
仍須警惕, 繼續努力!

日誌

昨夜精神爽利, 整晚在網上埋首和寵物打交道, 當然亦得與其幕後鬥智。

難得昨日冷品頗多, 本來啱晒波路。可是有些冷得真的太冷了, 影響信心---度完放棄有之, 拖到亂籠有之, 總是差那一點點, 致收獲不豐, 徒呼荷荷。

還幸好頭好尾, 唔使進貢。玩畢全程, 匆匆瞓覺, 瞓到日上三竿。

醒來正合時間同大人去食個日式自助午餐...

日頭 "正" ..., 落簾。

沒食早餐, 肚子餓了...

牛筋腩拉麵, 臨尾多數留位整番碗(飽都食)

(今次啲湯濃到似汁!! 所以)...咁食可以食少啲湯

終於搞掂晒

相信是提早慶祝母親節了...
母女都年紀不輕---阿 "女" 應該年過60(?), 若然, 白髮媽媽應該至少八十開外了。老人家衣著光鮮, 儀容整潔; 看來身體壯健, 紅粉緋緋, 兼且齒力猶掂, 胃口頗佳。留意到她全程不停動筷, 生的、炸的...乜都食, 臨尾還歎了個紅豆雪糕 (阿 "女" 食兩個添!!)。老來如此, 豈不令人欣羡!!!

WASABI 雪糕?...

趁陽光不猛, 食完出嚟要去散步鬆吓...

不遠處有個狗公園

呵呵, "交頸" 咁親熱...

 "哄" 咗一陣, 過馬路去另一個公園行兩圈...大人邁開大步, 我掛住影相

等陣喇...

小鳥兒混在新葉之中, 唔多覺眼; 見到就拎相機想影, 但在鏡頭又好難搵番位置所在;
搞咗一排, 還好冇飛走,  終於影到; 所以要大人等囉

拋餵麵包

七口之家

也足消磨半天

回程再經狗公園, 另外一邊的入口...

忽然...引擎聲大作...
一隊廿幾架電單車在外面馬路經過...

美哉...

---------------------------------


稍後再度出門, 去STARBUCKS 歎番杯, 坐街...

我的ESPRESSO SOLO, 喜歡其濃其苦, 又唔使飲到成肚水;
不過呢度竟然冇細隻杯, 用大杯奉客實在格格不入, 又快涼, 唔過癮...

大人的...

至於晚餐嘛...