上星期管理處打電話來說有人聽到我們的單位以乎有不停的滴水聲...(咁好耳? 我哋都聽唔到...)
早前已經換晒幾個廁所水箱的泵, 睇過浴室亦無漏水, 莫名其妙...
早幾天心血來潮, 拉開爐房度門一看...大鑊, 通地水。
急忙善後, 搵個漏斗, 買條膠喉套住放在漏水位, 引水至去水喉, 唔使滴到成地濕; 不過天花那塊TILE已經索到淋凜冧, 一拎落嚟已經爛晒。
假期問唔倒管理處...唯有自己周圍問吓人先, 搵到個以前幫我哋整過嘢的, 話...上來睇, 話咗幾天都唔見人, 谷鬼氣; 今天唯有搵管理處講。
介紹了一間華人冷凍工程公司, 好在溝通容易。打電話去講, 十分鐘已來到。
戰戰兢兢問乜事...大唔大鑊? 梗係杰撻撻喇...
原來是氣糟內的一個COIL穿了, 要換; 其他單位亦曾發生過同樣問題, 鑑於屋齡不淺, 到時到候就呢樣嗰樣, 無計了。公司算是做慣做熟, 可以比較放心。不久公司來電說原廠新COIL有貨, 約了星期五上午來搞, 咁又唔見千幾囉!
漏斗加膠喉, 引水至去水喉位
灰色的是熱水+暖氣爐; 米色的是軟水鹽筒(軟水鹽將硬水轉化成軟水, 比較好用)
用防水膠布黐住個漏斗
黐黐吓就甩甩漏漏, 墜落嚟...用繩兜住似乎好啲...
水不斷從夾角罅隙漏出來...暖氣著時就漏多些。
久不久就整劑煩嘢, 大佬, 幾時才有啖安樂茶飯食呀...??!!
食過籠, 運動不足, 增磅就是必然的結果。趁未一發不可收拾...
。 