上星期管理處打電話來說有人聽到我們的單位以乎有不停的滴水聲...(咁好耳? 我哋都聽唔到...)
早前已經換晒幾個廁所水箱的泵, 睇過浴室亦無漏水, 莫名其妙...
早幾天心血來潮, 拉開爐房度門一看...大鑊, 通地水。
急忙善後, 搵個漏斗, 買條膠喉套住放在漏水位, 引水至去水喉, 唔使滴到成地濕; 不過天花那塊TILE已經索到淋凜冧, 一拎落嚟已經爛晒。
假期問唔倒管理處...唯有自己周圍問吓人先, 搵到個以前幫我哋整過嘢的, 話...上來睇, 話咗幾天都唔見人, 谷鬼氣; 今天唯有搵管理處講。
介紹了一間華人冷凍工程公司, 好在溝通容易。打電話去講, 十分鐘已來到。
戰戰兢兢問乜事...大唔大鑊? 梗係杰撻撻喇...
原來是氣糟內的一個COIL穿了, 要換; 其他單位亦曾發生過同樣問題, 鑑於屋齡不淺, 到時到候就呢樣嗰樣, 無計了。公司算是做慣做熟, 可以比較放心。不久公司來電說原廠新COIL有貨, 約了星期五上午來搞, 咁又唔見千幾囉!
漏斗加膠喉, 引水至去水喉位
灰色的是熱水+暖氣爐; 米色的是軟水鹽筒(軟水鹽將硬水轉化成軟水, 比較好用)
用防水膠布黐住個漏斗
黐黐吓就甩甩漏漏, 墜落嚟...用繩兜住似乎好啲...
水不斷從夾角罅隙漏出來...暖氣著時就漏多些。
久不久就整劑煩嘢, 大佬, 幾時才有啖安樂茶飯食呀...??!!
阿大...早晨呀...:).......佢緊係知你收咗6000蚊...想分番份...:P
回覆刪除[版主回覆12/08/2011 09:32:00]MISS早晨! 8-) 未收到手已經在香港老吾老(不及人之老 8-P), 幾乎送晒出去...; 現在呢筆係在乞兒兜攞錢咯...
落力辦好呢件事，然後又可以慰勞一番
回覆刪除[版主回覆12/08/2011 09:43:06]哈, 大人善觀氣色, 見我為此囉囉孿, 今晚已請我食了一餐...;-)
我都好鬼怕搞呢D嘢，最怕遇人不淑，越搞越“wor” (.\/.)
回覆刪除[版主回覆12/08/2011 19:21:43]好似甩底兜友咁, 你唔得閒或唔想做可以出聲, 唔使一日推一日阻住我另外搵人...
現在管理處介紹呢間, 就係諗住佢在這裏做過不少同樣工程, 所以比較放心。
You have the central air system and yes, once they leaks, there is problem! The sheetrock has to be replace and make sure that there is no rust up there that could become a future problem.
回覆刪除[版主回覆12/09/2011 01:02:49]到時會提佢哋同我 "執掂晒" 啲嘢...不過要點做的細節真係唔識...:-S; 希望佢哋夠交帶, 做得妥當企理, 唔使跟手尾喇。
阿大...早晨呀...:)...攪完都要慰勞下自己....係時候自助餐喇....^^
回覆刪除[版主回覆12/09/2011 09:48:07]MISS, 早晨; 都有此意...嘿, 破財千幾, 唔爭在食多幾十...。不過, 這幾天不知是否又有些少感冒纏身還是因為單嘢搞到頭大, 腸胃欠佳哩, 等恢復狀態就... ;-)
我試過俾樓下投訴話我廁所滴水，又試過俾樓上滴水，攪到我成個衣櫃濕晒，好煩。好彩擾攘了一輪，最後都冇事。唔好勞氣，依家總算攪掂，財散人安樂呀，哈哈 !
回覆刪除[版主回覆12/09/2011 23:01:05]財是散梗的了, 能夠搞掂晒安樂就好羅...剛剛來開始整緊...一拖二, 工頭帶住兩個師父仔, 不過工頭睇咗一陣, 就走去驗身喎...嘿...