這個星期沒有正正經經煮過飯, 今日沒處去, 買餐餸孵在家裏煮...
溫哥華蝦難得減價, 買了磅幾...
多倫多祇有這些來自溫哥華的紅蝦是游水的, 比較好食, 現在應該是大造;
天冷是沒貨的, 有時打邊爐想食都無得賣。
見頗多, 提議一蝦兩味, 用蒜茸蒸幾隻, 其餘白烚...
煲個鯪魚+豬肉+葛+去濕豆湯
節瓜炆排骨
蒸茄子
食完重剩番咁多...
我祇敢食...五、六隻, 可蝦頭的膏卻吮了不少...
2011年5月16日星期一
2011年5月13日星期五
隱形戰車
今早被摷醒送大人返工, 烏吓烏吓。途經一間學校之前的小街路口之際, 大人緊張的說："入面有隱形戰車, 小心"。 當時我已駛過, 沒看到甚麼。
所謂隱形戰車, 是說化了裝的警車。那些隱形戰車是專用來捉快車的, 或在路上巡邏, 或在內街守株待兔。
心裏八卦, 回程時特意原路去看看。沿途當然提高警覺, 小心翼翼
果然, 說時遲, 那時快, 已經見到一個穿藍色制服的高人從前面街角處走出, 揸住枝 "槍(測速架咋
! 高人已指著HONDA駛向右邊路旁...我亦慢慢轉出左線駛過, 見到內街停了一部白色的車, 車頂沒有那座閃燈裝置, 車身亦沒有警方的徽號...有的祇是個很淡的POLICE字樣, 其他駕駛者很難察覺。那處是捉快車的黑點, 因為附近時速限制祇有四十公里, 幾年前我都在那裏領過嘢, 當時行到六十公里有多
另外還有一次被抄牌的紀錄, 是在居處附近轉左, 等對頭直行線黃燈停晒後, 我第4架(!!
)趕埋轉出去, 剛啱衰到應, 大路的行車線有架等燈的警車見到...閃燈、調頭...。在後鏡見到警車調頭, 已知不妙, 唯有停埋一邊...。
順便說說, 早前香港好像有人倡議將時速限制降至30公里(?)。
大佬, 有冇搞錯, 30公里(??), 咪即係想見到通馬路都係龜?
有時真係服咗佢哋...
2011年5月12日星期四
二合一
小饞這個月生日, 其母亦然。今晚去食二合一生日餐。
又去搵歌星老闆娘...
吾侄小饞...以前重為食過我, 喺屋企不停摷嘢食, 致身形甚圓。近年一標高(全家族最高!), 翩翩少年矣...
。少時則慕父母, 如今可能開始慕少艾
, 側聞似乎更有少艾慕他
, 故現在求型(忍口?)不求食...?! 
呢兩樣鎮店之寶, 佢地未試過...
今次比上次更正
今日非假日, 或者ORDER冇咁擠擁, 老闆娘見我哋去到先吩咐開始炸雞
今晚有蠔...唔夠大隻
生炒排骨, 個個喜歡...
中式牛柳...肉質幾好, 難得個芡汁味道恰可。
青班近來價俏, 食店唔賣正常; 又食班尾囉...
叫伙計埋單, 單到正準備攞錢之際...老闆娘走嚟追番張單, 又畀九折...
2011年5月10日星期二
同命、錯配
今早起來大人有咳, 並說喉嚨有些涸...。返工後不久, 學校可能見她咳得厲害, 未到11點就打發她回家 "休息" (當然不免打擾我在黃金時間的好夢
)。約了下午去看白袍老友, 我亦順便睇埋, 攞些尿酸丸。而且, 這一兩天都覺得有些少頭刺, 腸胃不適, 似乎又有些少感冒(去年尾打的感冒針半年之後似乎藥效已過?!週初做完運動的肌肉痠痛亦可能是因為感冒而不關運動過勞?...
)。去到一齊入房, 先睇大人, 當然是喉嚨發炎。輪到我, 先請老友寫番啲尿酸藥, 然後漫不經心說好似有些感冒咁...。例牌照吓喉嚨, 白袍老友即說： "你個喉嚨重紅過佢喎..." , "吓, 我唔覺喉嚨痛架喎", "每個人的忍痛能力唔同架..."。當時有衝動想問, 會不會每個人的喉嚨 "紅" 的程度都唔同架? 諗係咁諗, 自然不敢駁嘴
, 唯有又食一劑
。我的是深水炸彈, 大人的是一劑兩效---有隻手指整損發炎, 佢嗰劑啱手指、喉嚨兩者齊齊消炎...。同命(病)鴛鴦就一齊要捱七日。
呢劑喺我歎的...
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
剛才第一場馬的位置賠率有些不尋常, 似乎出現難得的錯配情況, 趁機買了十蚊3號位置...
今場出馬四匹, 有兩個位置派彩
買的時候, 位置賠率：1號=1.0賠(派$10.1), 2號=3.X倍, 3號=7倍, 4號=12倍(若以這個賠率, 買齊2、3、4號位置(所費$30), 就算1號必入圍, 還有一個位置派彩, 2、3、4號是但那隻入圍都封了蝕本門(較熱的2號都派30幾蚊!)...咁大隻蛤乸? (不過預計賠率在最後階段會變的...)
買完之後, 最後變成這様...
當然不會買齊三隻咁憨居, 於是揀買3號!
(對賠率的分析：2號熱唔透, 4號太冷有機會不會冇人吼, 所以買3號囉, 我唔知乜馬嚟的, 哈哈...)
果然!
| 8309 | 10-05-2011 12:30 | 沙田 星期二 | 位置 | 1 場 3 幸運金龍 $10 | $10.00 | $45.00 |
早知瞓身喇(不過咁就可能畀我打熱晒, 冇45蚊派的了...
乘勝追擊...
| 8333 | 10-05-2011 15:02 | 沙田 星期二 | 位置 | 6 場 5 不老英雄 $10 | $10.00 | $48.50 |
| 8336 | 10-05-2011 15:36 | 沙田 星期二 | 獨贏 | 7 場 14 精算拍檔 $10 | $10.00 | $156.50 |
| 8337 | 10-05-2011 15:36 | 沙田 星期二 | 位置 | 7 場 14 精算拍檔 $10 | $10.00 | $48.00 |
| 8340 | 10-05-2011 15:37 | 沙田 星期二 | 連贏位置Ｑ | 7 場 6 金瑞 + 14 精算拍檔 $10 | $20.00 | |
| 8343 | 10-05-2011 15:38 | 沙田 星期二 | 連贏位置Ｑ | 7 場 3 玩具神話 + 14 精算拍檔 $10 | $20.00 | $1,446.00 |
| 8346 | 10-05-2011 15:38 | 沙田 星期二 | 位置Ｑ | 7 場 8 飛魚駿王 + 14 精算拍檔 $10 | $10.00 | $145.50 |
人弱, 贏馬之勢不弱... 當真有豐茲吝彼這回事
? 今日成功以戰養戰, 現在亦已屆平日收工時間, 宜乎鳴金收兵,
去也!2011年5月3日星期二
專遞
來多倫多讀書的小朋友今年畢業了。一轉眼已經四年...
過兩天他飛返香港陪家人過來參觀稍後舉行的畢業典禮。大人請託他順便帶兩張賀咭給外母, 小朋友今晚專誠上來取咭, 臨走前當然一齊吃餐飯。
食食吓先記得影相...
西洋菜陳腎湯---不是例湯
骨香龍脷球---知道小朋友怕LUN骨, 於是叫了條骨香龍脷球, 雖是急凍貨, 炒球居然略有溏心的口感, 甚佳。骨蘸粉炸, 即食香脆---不過骨大條, 食到尾後的, 攤凍了就覺得滲油...。
黃油雞半隻---有味且滑
欖菜肉崧四季豆---大人愛吃, 價平, 都炒得算乾身, 好食。
樣樣都食唔晒...
送完小朋友去地鐵站, 回家途中經過麥記, 買杯 ICE COFFEE(C$1), 一邊開工一邊歎....
訂閱：
留言 (Atom)