大人趁開學前仍比較得閒, 近日頻頻煲些不同的湯水送往姪女處...
今天除魚湯之外, 還有這尐尐私房雞汁 ~ 幾舊大雞胸僅蒸出咁多
食完飯講開薑; 諗起以前在油麻地一條很短的橫街食過碗幾好的薑汁撞奶(我要勁薑汁 ~ 夠薑夠辣, 食完胃都慶埋!
) 
大人都叫做識整, 不過就...有時要撞手神...
口痕, 於是問侄女屋企有冇傢罉和材料
食尐薑對姪女有好處, 即興叫大人整次讓大家試下...掂唔掂?
佢地有個咁嘅磨
, 但似乎尚欠一個電動磨薑器去配合 
(一講磨嘢, 不期然又諗起我的母親...以前用個橢圓沙甸魚空罐釘穿了, 自製(?)過一個 "磨" 。咪話, 雖然粗糙, 都幾好用, 效率還挺高的 , 印象都用之有年;
只是我每次磨完嘢之後(多數是薯仔或芋頭 ~ 我喜歡食臘味蝦米煎薯仔餅和芋頭煮魚腸), 雙手(磨到攰要換手)總難免有多少損傷, 有時還會連皮帶肉唔見一兩 "忽" ...)
有排磨...
成功!!
胃寒(?)如我, 若齋飲奶或就算食燉奶, 個胃都會唔係幾舒服。
加了薑汁咁食會好好多, 而且自己覺得更加好味!
可以自創雞汁撞奶
回覆刪除[版主回覆08/25/2013 11:28:20]只求啱自己口味, 乜汁(鮑汁、墨汁...)撞奶都得 ~ 問題係, 撞落去可唔可以 "混凝" 得嚟, 唔變土, 唔變水/漿...
嘩！支狼牙棒好勁啵，薑汁撞奶，方便好快有得食，正，用乜奶？脫脂奶得唔得？
回覆刪除[版主回覆08/25/2013 13:34:27]補充：奶煲好前加糖; 沖好後眼看手勿動 ~ 直至 "凝" (成功的話...)
[版主回覆08/25/2013 13:28:55]從齒形看, 這枝並非狼牙棒, 或者是
麻麻地好用, 用來磨少少蒜茸、薑茸是OK的, 若是大舊嘢或要磨好多, 應該唔多啱使; 不過就肯定比以前用的沙甸魚罐安全, 唔會輕易磨埋一大忽肉。
我地今次用的是2%奶, 低過2%的未試過, 也未用過全脂奶整。自己想當然, 奶的含脂量愈高愈易成功, 食落口感亦會好食尐和香尐。
根據歷次成功和失敗的 "觀察" 所得經驗, 奶要夠熱(剛滾)。不要太猛火, 邊煲邊搞, 至起滾泡上下; 滾太耐也未必好, 而且易滾瀉。試過用微波爐叮, 偶然會失敗, 可能那次係唔夠熱, 或是叮出嚟尐奶熱度不勻。
今次並非完美, 僅可凝到。現在事後檢討, 唔知舊薑是否從雪櫃攞出來的(稍後會問大人), 若然, 薑汁可能是凍過室溫的, 或者就冇咁好(?)。否則就是關乎奶的含脂量了...
若兄台稍後有機會試整, 請說說如何...
薑汁撞奶 I have heard it so many times but never try it. Next time I will!
回覆刪除[版主回覆08/27/2013 02:03:49]喜歡奶類甜品, 又不抗拒薑味, 不妨一試。
好叻！
回覆刪除[版主回覆09/01/2013 13:29:53]其實做法不難。