冬至試菜

廚神夫家提早一日做冬, 叫埋我哋去試間新菜館 ~ 標榜魯菜 + 韓風...

又魯又韓? 自己少見多怪...。不管如何, 就算要返回戰國時代走一轉, 都一樣欣然赴會。


外出作客去吃飯, 有時不大好意思影相, 今次本沒帶相機。可是, 坐坐吓等人之時先來了幾碟韓風小食, 見賣相甚佳, 忍不住出去拎了那部放在車內的舊愛, 恃熟賣熟, 照影可也。

不過舊相機像素不夠, 恐怕未能盡顯餸菜的吸引力。

今晚天氣惡劣, 一時雨, 一時雪, 天又黑, 我都揸到...
有些人遲到, 無所謂。一邊食住, 一邊等人, 甚好! 慢慢都未遲...


先試韓風...
賣相甚佳, 味道尤其可口; 據說廚師是位韓籍華人, 妻子是韓國人, 如今一起在這裏工作。不禁想起了大長今(原來唔只我...)
隔離枱是說韓語的; 當中有位身高、容貎比長今略遜(只是略遜!!), 而在視覺比例上(實際未必)濶度稍過之的女士整晚嘰喱呱啦, 倍添熱鬧; 雖唔知佢UP乜, 總還不算討厭(多少是因為前文所說的 "略遜"...)。

到齊了...

我對食制沒甚麼研究, 只是一味為食; 乜菜都好 ~ 只要好食...
印象這個拼盤是有魯菜風格

在山東食完拼盤, 咁快由山東搭機落廣東嗱...?

是否只賣青島啊 ?

用的是遼參, 又似乎回去了...

魯、粵兩處走來走去, 咁搞法, 好攰啫...

失敗, 顧住食...
是松鼠黃魚的做法, 用的卻是海班
炸得香口, 肉質不乾;
汁芡沒松鼠黃魚的又酸又甜, 我和大人都比較喜歡現在的味道。好食!

地瓜拔絲
我對這類甜品興趣不大
而且...應該是已稍為攤涼了才拎出來, 拖水之時完全見不到..拔絲, 連睇頭都缺如...

更失敗的是, 終於都影漏了道雙龍蝦!

這樣的一圍酒席似乎尚難作定論;
有機會要再去試吓佢哋的小菜、麵點和小吃, 以及另外的一些 "韓風" ...


不過, 應是 "師傅" 作祟的外出食飯通病, 食完口腔有啲唔係幾舒服, 剛才要飲杯奶茶解毒...