早前雪暴掩至, 地面積了幾十厘米的雪, 出入狼狽。
昨天稍霽...
朝早仍有陣小雪, 去完飲茶、買餸回來, 架車咪咁囉...
出街泊在露天地方, 一陣已經 "雪花蓋車", 咁款已經算小兒科罅;
見雪不大厚, 懶得用雪刷掃雪; 前開水撥、後開發熱線、絞低幾隻側窗少少... 清到大概睇到就算...
一落雪架車就變污糟貓!
-----------------------------
去行間鬼佬超市, 見有一小兜新鮮帶皮羊腩甚靚, 且平; 質、量、價俱合意
鬼佬似乎唔識食腩, 佢哋可能當 "下欄" 賣
回來以冬菇枝竹炆之, 甚佳。
私家餸, 私家餐...
-----------------------------
再記
30/12/12
日前打邊爐大人取了些蝦殼回來。
焗香煲個雜菜湯, 以增香味。
在超市買了兩包煙三文魚, 先吃一包;
摷了枝似乎是存放了好些日子的白酒, 不理其酒精濃度了(樽上的數字看不出眉目, 自己唔識唔敢肯定, 可能是15)
BROIL牛扒, 雖冇煎咁香口, 都肉質腍滑, 且夠肉味
凍到汽車都霜凍。ＨＫ明晚除夕夜＞８度，放煙花。鬼佬唔識食羊腩，暴殄天物，好暖身。
回覆刪除[版主回覆12/31/2012 00:19:26]香港8度都算凍了, 一方面多數係由10零度急降唔 "慣", 其次一般家居未必有 "取暖" 系統; 漫漫長夜, 要加衣或加被了...; 如此一來, 除夕或者更添氣氛。
現在華人多, 以前冇人要、唔使錢的東西, 如今都要畀錢買, 好些還不便宜呢。
好多嘢食......新年快樂!!...
回覆刪除[版主回覆12/31/2012 09:29:07]新年快樂!!
大人放假得閒, 整啲嘢食...
超市買兩包煙，先吃一包，又摷白酒飲，做乜咁頽廢﹖
回覆刪除[版主回覆12/31/2012 10:47:08]做乜咁頹廢? 多數都係因為廢廢哋先會頹, 頹頹吓就愈來愈廢, 造成惡性循環囉。
We got hit pretty good yesterday, 13 inches of snow! Happy New Year!
回覆刪除[版主回覆01/01/2013 03:14:41]嘩, 勁過呢度好多...
新年快樂!!
Happy New Year!
回覆刪除[版主回覆01/01/2013 19:27:58]新年快樂!
今日回暖，過兩日又凍過....後生時望天氣冷過節有氣氛，而家十一二度就0雪0雪聲，冇晒心機，著件大羽絨上身，論論盡盡咁
回覆刪除[版主回覆01/02/2013 11:13:34]我以前在香港時乜都冇...
現在啲電器愈嚟愈先進好用...想當年, 那些用發熱管的老爺暖爐, "近之則太慶, 遠之則不暖" (聯想起...... ), 而且十分乾燥, 慶到塊面又紅又爆拆, 自己覺得唔舒服, 所以那時寧願捱吓凍都無諗過買嚟用。
現在啲暖爐正好多, 家有老幼的買部來暖吓, 差好遠。
[shadow回覆01/02/2013 10:40:37]而家凍起黎都開暖爐架罅，老媽幾十歲又唔郁，所以電費都唔平... 最憎就係落地鐵，焗到死，最易領嘢﹗
[版主回覆01/02/2013 00:03:38]香港認真凍之時比較難抵...因為一般家居冇暖氣, 日間穿衣暖夠了身還好, 夜晚瞓覺...嘿嘿, 對腳在被竇有排唔暖; 沖涼的前後亦要快手快腳...
這邊天冷在室內就舒服好多, 不過家居的暖氣燃料費會好甘。出街就好易領嘢, 在屋企暖慣了, 有時冇睇天氣報告, 外面凍至零下十度八度又大風都無留意, 又係平時咁上下衫, 出到去...落車行一陣入室內都幾係, 覺得啲冷風吹入肉, 寒寒哋..., 可能已經領咗嘢。連去幾處地方重弊, 又暖又凍, 騰出騰入...; 於是乎幾時覺得頭刺、骨痛..., 咪又要啪丸囉。