無心睡眠

今天戰情較為吃緊, 又有些少唔舒服, 趁中午休息時段瞌了一陣, 咁就衰咗...。

收工之後像平時一樣, 立即撻落床, 爭取睡眠時間; 可是躺了一會, 竟未能...。

昨天開始覺得虧虧哋, 不敢怠慢, 已經啪住感冒丸。個人唔舒服自然比較奄悶, 多少影響睡眠...。 唯有索性起來再開機去周圍 "目及" 吓嘢, 鬆弛一吓。反正都係, 寫幾句添囉, 頂到等陣送完返工、歎埋早餐先大覺瞓。(大人重弊過我, 昨晚收工喉嚨沙晒, 又痛(有理由相信, 我又做了 "池魚"! 但大人都要明天看看能否約到白袍老友才有得睇, 我唯有即時在藥庫整劑抗生素佢頂住先, 稍後向白袍老友 "自首"...))

時近聖誕、新年, 隨後十天八天又是假期, 又是半日市, 應該會相對靜啲。有時一忙就幾邊揈來揈去, 難免精神比較緊張, 稍後應該可以抖抖咯。