言必有信

今晚學校開會, 大人晏走; 而且有同事要搭坐 "順風車"。之前和大人提過, 送完佢哋返歸, 不如順道去食自助餐。

雖然早兩天一齊有的唔舒服, 好在不大嚴重。問過大人掂唔掂, 佢話 "掂"...。掂就言出必行, "大" 丈夫豈可失信於大人?!


"屋有爐而常閉, 囊無水而恆澀" ...此兩句乃是我哋成日出街食的寫照!

大人唔食得幾多, 得閒同我 "執"嘢返嚟食;  嘩, 啲芒果肉加千島汁, 好酸...酸到盲公都開眼...

大人就住食, 重自製杯檸檬水醒胃

哈, 都是我的...

我都花啲時間搞啲細藝, 停吓食吓...

食完出嚟都未天黑...

默契

星期日大人焗了兩塊肉眼扒。

焗好打開焗爐蓋拎出嚟...又衰咗, 煙霧警報器又鬼殺咁嘈---驚心動魄;
其實都冇乜煙, 又已經打開了露台門, 唉, 警報器實在太敏感了...

一聽見響, 大人立即飛撲上樓上搵扇...
我亦即時隨手攞本雜誌撥住先, 撥了十零吓, 好在止得咳, 冇再響了...
大人搵到扇落嚟接力, 繼續...撥...撥...撥多一陣

一再為食累事
焗冇煎的賣相咁靚, 不過肉質都算OK; 有些肥膏, 都唔會鞋喇...不過食時就飛晒啲膏

----------------------------------------------



星期一早上大人起床話有啲唔舒服...頭刺、又有幾聲咳, 知道多數領咗嘢。
我晏晝瞓醒都有啲唔妥, 打了幾個大乞嚏, 有鼻水...
啪感冒丸囉...食了四次, 現在似乎舒服啲、精神番啲。大人今晚亦咳少咗...

呢幾餐都食得唔多;
剛才的宵夜, 清清哋...

 早前重諗住明晚同大人去食自助餐添... 唔知掂唔掂...

獨食獨行

星期五送完大人返工回來再睡, 慣性瞓到日上三竿。

幾日沒煮飯, 雪櫃都沒甚麼殘羹冷飯可吃了。反正大人早前交託了一個任務在身, 於是...


一個人去食自助午餐(所以應該 "難肥" 卦? )

這是最後的一張優惠咭。
早前另外的一張, 在儲夠印花食半價及免費的兩餐之時, 都給了小饞享用, 等佢同老豆一齊落嚟食。因為小饞試過呢間之後, 猛讚好食。
大人交託的任務就是...叫我幾時一個人去食, 待戳埋最後一個印花, 下次免費就一齊食晚餐喎。
順利完成了任務; 期待下餐......之後恐怕會少啲幫趁了。

食完休息一陣, 要去辛苦吓咯---行番四十分鐘步行機



--------------------------------------

今天有啲風, 天氣幾好。大人打完波回來攤抖煲劇, 我繼續郁吓, 黃昏自己過公園散步。

天氣好就熱鬧

 開水運會?

蝸、蟻各據地盤, 河水不犯井水

草蚊(?)玩X字懸垂?

並非晨鳥才有嘢食架, 幾時去搵都有機會!

唔怕人, 企定任影唔嬲

雲泥

剛剛過去的星期一(五月廿一日)是維多利亞日---年中幾個重要的公眾假期之一。

政府規定一般的商場內經營的店舖在這些公眾假期都要休息。不過, 特別劃作遊客區的商場地點所在, 裏面的商店則可以照常營業。

於是...


這廂...
好些商場、超市等門前的停車場水靜河非

這廂...

人頭湧湧
天氣轉熱, 最好生意的是賣果汁、珍珠奶茶和拮魚蛋的小舖, 居然間間都要排隊。

晚上有節目添

同大人周圍岳, 逛了半天, 食埋晚餐先返歸
兩個人坐咁大張半圓卡座...不過, 唔係幾好坐---枱面高、座位矮(當然也由於我哋身型唔夠高大)

薺菜餛飩

豬排湯麵

主菜---元蹄
兩個人都叫呢味嚟食? 想C乎???
哈哈, 梗唔敢食晒, 亦諗住一定食唔晒的。...其實心中還另外有人嘛, 留番啲精華部份, 食完即時拎去孝敬小饞...