食絮

今天飲完早茶逛了三間超市...。

大人歎了半個月假期, 返工前買餸、煲湯整番一餐, 不過冇煮到飯。

今晚淨食呢兩樣...

冇煮飯, 焗了幾片蒜蓉包

雜菜湯

雞脾完全冇郁過, 是大人預備帶返工的餸

DAP番些少

其實對身體正常的人來說, 龍蝦肉並不算傷身(不過我就有些問題...)。一隻磅多的龍蝦, 大約祇得三幾舊較大的肉, 而且脂肪不多(?)。我諗傷身的是那些龍蝦膏...
淨番的, 多過食落肚的好多好多; 既知那些龍蝦膏傷身, 唔敢一餐食晒咯...

呢煲湯好味
...材料：腩碎、小南瓜(BUTTERCUP)、茴香、洋葱、乾葱、西芹、紅蘿蔔、羅馬茄...
為求多些肉味, 大人還買了一包幾舊的火雞頸(不用都應該夠味, 因南瓜夠甜), 有南瓜亦不必用薯仔, 選用較瘦的碎腩沒那麼多脂肪。
先略炒香材料才落煲...
此湯可以飽肚, 呢兜飲剩, 可以晏晝代餐(撈啖飯一齊食, 去做運動都唔怕血糖低), 或許可以調節一下平日的暴食???

今天在超市見有 "金黃無核石榴"---無核? 就算搵笨都要試吓...
深色的是早前買的特大石榴, 淺色的是今天買的, 買一個試吓。大、小明顯有別, 價錢卻差不多。

肉較細粒, 核亦然---其實不是無核, 是核沒深色的那麼硬, 又細粒, 連我咁OR GOR的, 都可以輕易咬爛吞埋; 雖細個, 亦幾甜。
咁可以剝開放入雪櫃分開慢慢食, 唔使打汁咁要一杯飲晒, 亦食唔到渣。

上次在廚神家打邊爐食過的韓國魚餅, 大人覺得幾好, 今天搵到買了兩包, 一包諗住給小饞試吓...
95%魚肉...(?)

中間橢圓的相信就是網友說的疑似...鮑魚物體