打算今日整樣餸帶去弟弟家, 早一日做好準備功夫。
材料分別浸發、出水、燜腍...
早前有些薄身的花膠用剩放在雪櫃, 食埋佢先...
今次買的鵝掌夠大隻
去油之後, 留番些許膠質甚重的鵝掌水
大人一早先上去戥腳開枱, 味餸就要勞動 "大" 廚炮製。本來預備喺屋企煮好晒才拎上去, 不過發覺雪櫃樽 "陳年" 蠔油已過了最佳食用日期...三年
。我哋平時少食蠔油, 費事買過樽, 於是拎晒啲嘢上去細佬屋企整。上到去趁未食飯
, 上埋磅先...哈, 在關口邊緣徘徊喎, 以這個HAPPY HOLIDAYS咁食法, 都唔算太差咯。
磅完就開工咯...
因住收場時間,
到咁上下調埋味(至緊要落夠佢哋成班都鍾意的蠔油)...搞掂
今勻和小饞拍住一齊喺廚房搞搞震...
我一邊睇住煲花膠鵝掌, 一邊睇住小饞整其他的餸...
佢煮嘢時淡淡定定, 真係甚有台型
...不過就比較大開大闔, 不顧小節---唔多理整污糟啲地方和傢罉囉---看來最好要搵個人跟佢手尾做洗抹小饞個人的杰作...
矮瓜煮肉碎---收汁乾身入味, 難得。
焗吉列豬排
冬瓜粒湯
風捲殘雲---弟弟話食剩咁少, 不如食埋佢...喎, 卒之祇剩番啲...汁。
最後非要提這個士多啤梨批不可...由小饞自己搓粉造皮, 用新鮮士多啤梨打爛造醬焗成..., 哈, 真的無話可說!
It's so nice to have two great cook in the family!! You sure are lucky!! Happy holidays!!
回覆刪除[版主回覆01/03/2012 09:47:11]HAPPY HOLIDAYS!
難得吾侄有興趣煮嘢食...
阿大...早晨呀...:)....兩位大廚都好得....^^
回覆刪除[版主回覆01/03/2012 10:57:16]MISS早晨...小饞真係幾得; 我就...哈哈...8-P
祝阿大新年快樂^__^
回覆刪除食得是福！
[版主回覆01/03/2012 12:56:18]大家咁話! 8-)
阿大...早晨呀...:).....你都好得...好食得....^^
回覆刪除[版主回覆01/04/2012 10:09:02]早晨!...MISS明見萬里...8-目
食”家”出小饞兼大廚，DNA使然﹗
回覆刪除[版主回覆01/04/2012 19:28:43]8-)
[shadow回覆01/04/2012 17:46:51]...之餘，仲可以包伙食賺外快... :-DDD
[版主回覆01/04/2012 17:28:23]且看佢今年遲啲報讀大學之後的造化...我哋無乜所謂, 若是萬一佢要去偏遠的大學寄宿, 至少唔驚佢會冇啖好食, 可以自己顧自己有餘。 8-)
[shadow回覆01/04/2012 15:54:46]令侄年青有為，你地有排食﹗
[版主回覆01/04/2012 13:16:24]哈, 盡興而返咯...
可能; 真係成家人都為食...8-)
農曆新年將快來臨，各款美食紛陳，你要努力向下調低最少5lb，否則你冇空間進補，少了許多口福呢！
回覆刪除[版主回覆01/04/2012 13:52:22]今日咁得閒? 8-))
食自己時的閒餐就節制一些, 留啲QUOTA食大餐...;-)
食多 D 鵝掌，好油爪
回覆刪除[版主回覆01/04/2012 17:28:55]近來英雄無用武之地...
第日唔知誰家女孩咁有福氣可以做到小饞太太囉 ! 啲花膠好厚喎，香港近年花膠脹價得好犀利，似樣啲好要六、七百元一斤。
回覆刪除[版主回覆01/04/2012 19:13:13]哈哈, 希望是華裔喇...8-)
用來煮呢味餸我嫌稍薄, 厚啲就口感會好好多(當然+$$)...見早前煲湯用剩就食埋先。每次回港, 都發覺海味乾貨愈來愈貴...=_=
做小饞太太，有福氣囉，一家人都愛食好嘢！
回覆刪除[版主回覆01/06/2012 12:34:35]哈, 呢樣嘢實在難說得很...然而總希望到時佢搵到個大家啱夾的, 就兩個都好...8-)