今朝一早工程小隊準時上門...
帶了個新COIL
呢劑使唔使舖 "紅地毡" 咁隆重呀, 工頭阿叔...
阿叔一拖二, 帶住兩位師傅仔...嚟; 佢就響度指手劃腳, 兩位師傅就落手落腳
站台十零分鐘點檔, 要去驗身咯喎...
等工頭走了, 先醒少少畀兩位師傅仔..., 大家中國人嘛。
新舊交替
舊機的那些銅圈有一個穿了, 所以行機時裏邊不停流轉的水就漏出來..., 氣槽底舖的保溫棉索到飽和, 由夾角宣洩...
阿叔話成C$800個喎, 重要周圍搵...(?使唔使咁貴呀)
因要燒焊, 拆開暫時令附近天花的煙霧警報器失效
裝好個新COIL, 用毛巾盡量索番乾少少保溫棉的水份...搞咗接近兩個鐘, 大功告成。
開番暖氣, 果然冇再漏水了...
膠喉乾番晒...不過唔拆住, 觀察多三幾日...
下午開始清理現場...上上落落, 騰來騰去, 辛苦過做運動多多聲。
跟住接大人放工, 然後再兜埋廚神一齊去ESPRIT的臨時減價場睇吓有冇平嘢執喎...。個場把鬼, 擺得亂糟糟, 貨色冇乜好嘢。價錢都唔算平, 中碼貨色又似乎冇晒, 佢兩個兜了一陣都冇心機睇了, 空手而回。
廚神叫去佢處食飯...; 也好, 想去買龍蝦, 得番幾隻都唔知夠唔夠一磅的, 邊有肉食。於是斬隻鴨和少許生腸喇 ... 噫, 煩事一去, 居然添了小半碗飯。住家飯有度好, 略多菜, 近來似乎吃得纖維不足, 個人食了三份一碟清炒大白菜...
影咁多相，搜證乎﹖工頭非我族類﹖
回覆刪除[shadow回覆12/12/2011 09:16:28]^o^!!，原來如此。
[版主回覆12/12/2011 09:05:10]哈哈, 喺阿叔企都未企暖就走咗, 開工都冇預佢份...
[shadow回覆12/11/2011 23:19:05]啊~ 呀~ 唔夠青靚白淨，所以冇貼士﹖﹗陰功，手作人都要講面口....
[版主回覆12/11/2011 00:43:54]全程一方面睇住佢哋點做, 又請教吓些家居冷、暖氣的常識, 順手影幾幅相囉...講起露台部冷氣機多年都冇維修保養, 明年開之前多數會叫佢哋公司嚟認真清洗一次...。工頭略失青靚白淨, 不過都係華人...8-)
阿大...早晨呀...:)
回覆刪除安樂晒...當然好胃口啦...辛苦過後...要慰勞下自己咯...^^
[版主回覆12/11/2011 10:47:19]MISS早晨! 咁凍就咁早起身呀...8-) 之前為四圍搵人執漏有啲心煩, 兼又有些少感冒咁款, 腸胃麻麻地, 這兩日好番啲。
來日方長，要及時止洩
回覆刪除[goldmine回覆12/12/2011 16:09:04]手續費都慳番
[版主回覆12/12/2011 16:01:06]食了...7.18..8-), 好過齋坐....
[版主回覆12/12/2011 15:28:06]說過隻嘢識預告指數走勢...今早升一升, 然後跌突, 預示指數不能再進或保持, 如今倒跌添, C就C, 剛才7.01買了...;-)
[goldmine回覆12/12/2011 15:16:59]下午突然急轉直下
[版主回覆12/12/2011 12:13:09]沽得好... 8-)
[goldmine回覆12/12/2011 11:53:50]上星期7.75沽咗囉，而家等位入番先
[版主回覆12/12/2011 10:56:49]來日方長, 要唔要現在止蝕?
咁大劑,要成個coil換?
回覆刪除[版主回覆12/12/2011 11:25:30]穿咗個大窿...; 我諗就算有得補(?), 補番都唔慌用得耐, 而且呢邊人工貴...乜都換新的比較乾手淨腳...
Glad that it is all over, now you can have a relaxed Xmas!!
回覆刪除[版主回覆12/13/2011 07:33:16]總算搞掂...:-P
好囉！安樂晒！有個暖笠笠的聖誕假期！
回覆刪除[版主回覆12/13/2011 22:36:27]"好囉！安樂晒！"...自己的心聲耶...? 8-))
我最怕維修＞煩＋勞累。
回覆刪除[版主回覆12/16/2011 19:27:39]事後執手尾的勞累都尚頂得順; 可怎及一個 "煩" 字傷身...=_=