星期日去了弟弟家黐餐, 侄女夫婦搞燒嘢食。
我和大人仍食緊藥(大人食緊第二劑較強的抗生素
), 本來不宜參與。不過, 既然可以一齊高興吓, 咪就住食、甚至講多過食囉...
一樣試啲, 味道應該幾好... 祇是自己有點兒食而不知其味...。
-----------------------------------------
管理處説今天有人會來查看露台滲水的情況。
事緣早一兩年發覺近露台趟門的BASE BOARD有些水漬, 之後曾在外面填灰, 算做得幾好。不過仍然唔掂, 水漬愈來愈多, 日子有功, 連塊BASE BOARD都廢廢哋了。
早前管理處叫承建商嚟睇過, 索性連塊BOARD部份都抝走了。也好, 唔使遮住, 可以睇到點漏水法。不過拗走之後, 天氣難得連續多日無雨, 於是拖至今日才有人嚟測漏。
肉酸都無辦法, 要整好出面的漏水才再整入面。
人造大雨, 射力甚勁。一個射, 一個睇...
由地下射起...冇漏;
升高啲、再高啲嚟射, 都冇漏;
究竟由邊處漏入嚟的...
最後射向門邊, 很快見到門框有水流下來木板...再沿夾隙流下地台...
原來問題是出在趟門裝嵌未盡妥當。
趟門有事, 都唔知係屋主還是管理公司負責, 若果要自己出錢換, 杰咯...
今朝場人造雨幫我哋洗埋露台
-----------------------------------------
近來心情欠佳又奄悶, 喜歡出去行吓, 今晚又捉埋大人陪我散步
別人的花園...
夏天活動多...
呢個應該冇咁吸引, 周末會和小饞去 "TASTE OF ASIA" 掃街...
回覆刪除漏水問題真係令人幾困擾，我媽咪屋企廚房天花板居然出現「鐘乳石」現象，擺明係啲咸水結晶，重經常有咸水沿鐘乳石滴落來，管業處來睇咗幾次，又上樓上單位睇咗幾次都搵唔出原因！
幾個月了，問題仍未得到解決，遙遙無期！
[版主回覆06/21/2011 11:52:00]查找不出原因, 就難搞!
我以前住處窗台滲水，年年都搭棚搞一次﹗仍然唔掂，接手的業主未知搞掂否﹖
回覆刪除[版主回覆06/21/2011 14:51:00]出了問題就難搞---有時都唔知整邊忽, 有時所造的補漏又唔知有冇預期果效, 很煩。
回覆刪除早晨！早晨！
我咪仲慘
大陸屋又漏水
上層漏下來
又唔肯整
HK 屋又漏水
俾上層鑿穿地板
漏下來
有排搞
頭都大
唉
[版主回覆06/22/2011 13:32:00]午安! 你兩間屋都漏水真係重慘... 買多間頂層的喇...應該冇事...嘞卦?!
呢單嘢，我受過，樓上浴缸底地板穿窿＞俾上層鑿穿地板，漏下來。
回覆刪除[版主回覆06/23/2011 09:38:00]點漏都係煩!!!
阿大，今次要做蜑家雞，大部份都係ＢＢＱ，感冒仲未清，小心飲食為妙。
回覆刪除[版主回覆06/23/2011 09:39:00]拈拈下, 食少少, 太焦的又飛晒...
BBQ food is alawys tasty!! Love it! Simple and quick!
回覆刪除Yes, the sliding door most likely has a small gap, they could replace the rubber seal and problem should be solved.
Take it easy, you will get better soon...14 days at the max for any flu symtoms!!
[版主回覆06/23/2011 22:04:00]現在又等人今朝嚟睇度趟門...希望早日搞掂。 14 days at the max for any flu symtoms 一波暫平, 希望另一波唔好咁快又嚟...