大人週初感冒併發喉痛、咳嗽(咳到甩肺咁滯, 又唔識咳痰
大人有事, 通常我亦難獨善其身。近幾天常會有些頭刺、肌肉痛、腸胃谷住唔舒服...; 還好應該沒有喉嚨發炎(?
), 就梗係費事去搵白袍老友。覺唔舒服就食粒感冒丸緩解不適, 似乎暫時都尚頂得順。聽網友所說, 連日叫大人間中整杯檸檬水飲吓。今日又一人一杯。
鮮檸檬汁...
喺屋企, 加蜜糖好飲啲
檸蜜---大人熱飲, 我試完味先放入雪櫃...
朝早飲完茶去買魚煲粥; 今朝飲茶胃口仍幾好
不過食完就頂住好耐, 好晏才再食...下午茶---凍檸蜜 + 半個叉燒包算數
大人除了返工, 回來之後, 幾日郁都唔想郁...歎完下午茶, 趁日頭漸收, 捉佢一齊過去行一陣公園
活動吓, 郁吓或者佢可以咳都咳得有力啲, 咳清些痰, 早啲好; 我就可以增強腸胃蠕動能力, 維持出入口平衡...
唔舒服, 兩隻虧精都無乜胃口, 食清啲...
而家d咳一起就有排搞，我咳咗成十日，醫生都睇咗四次，食緊抗生素，昨天弟婦俾咗D 猴棗散我食，希望搞掂﹗
回覆刪除[版主回覆06/13/2011 09:49:00]咳的確比較難搞... 有啲係敏感, 有啲喺發炎; 我覺得作咳, 就食定屋企的儲備咳水, 睇吓止唔止得, 一兩日唔得就去睇。 我自己怕辛苦 , 有唔妥就早去睇醫生, 早睇早舒服...
食清啲！？哈哈........
回覆刪除魚頭......中國人深信加强性功能啊。
但西方人就以確認膽固醇超高。
睇你鐘意開边瓣啦。
PS 嘻嘻！我冇逃學呀, 我放早下晝冇堂而已
[版主回覆06/13/2011 20:46:00]哈, 神龍見首不見尾 "學" 當然你是不會逃的, 至於第樣(？ )會唔會逃就... 虛不受補啊 ; 副偈損耗已甚, 日久失修, 就算用些甚麼超級潤滑油及特級靚汽油都不能提高...性能...的喇., 至多可以捱耐少少啫; 呢啲細魚頭其實都冇乜嘢食, 而且, 魚頭一向是大人專用的...
仲可以飲咸金桔喎.....我之前都咳咗成兩個禮拜...不過就一路係咁咳痰...
回覆刪除[版主回覆06/13/2011 20:57:00]我和大人都怕飲鹹金桔, 大人尤其是; 我寧願飲24味、食咳藥水... 有痰咳到出嚟會較舒服, 好過乾咳(敏感咳?!); 輔以化痰的咳水會快啲清(不過就會飲到烏烏吓... ), 啲痰清得咁上下就止咳...
唉!唔怪得個市今日升啦,原來啊大起作用, 唉!啊大早點對個大人好啲,就不用7連跌啦
回覆刪除咳千奇咪學我,股就七連跌,我就住足七日院
[版主回覆06/13/2011 21:02:00]對大人有乜咁好? 我又唔可以替佢咳的... 有需要而入健康營住幾日, 都是對身體有益的... 個市連跌幾日, 調整一下對個市係健康的...
There is a lot of virus out there due to the weather patterns, plus this is allergy season in most places!!
回覆刪除[版主回覆06/13/2011 23:21:00]可能去年尾打的感冒針藥效已過, 自己又潺, 一到夏天...
俾個偏方你試下呀! 我同法師都試過嫁!重幾WORK添!!!!
回覆刪除試完再講俾我知啦!!
燉橙
材料 : 橙一個 , 鹽半茶匙
做法 : 先張橙既頂部切開 ，界十字 . 加半茶匙鹽 . 用牙籤固定蓋上頂，放入碗內隔水蒸 20-30 分鐘
* 記著食晒個橙 D 肉同埋汁 ( 會有少許苦澀味嫁 !)
[版主回覆06/14/2011 10:39:00]多謝先! 偏方係醫虧精的感冒? 還是對咳好?
都話我都有試咯! 硬係醫咳好啦!!! 真係可以一試嫁!!
回覆刪除[版主回覆06/14/2011 11:00:00]哈哈, 有此一問, 是因為我唔知你試此偏方之時, 心目中係想醫乜的啊...
呢件嘢，我都有。壓橙汁都可以，十分方便。 另外一枝意大行出品，係白塑膠，貴到 。 沖柑桔蜜，韓國出產＞有大大甕賣，＄６５ｈｋ。
回覆刪除[版主回覆06/14/2011 16:00:00]可能細個食鹹柑桔食怕了(沖水), 大咗...咪搞...
日本人－研究到食魚眼可以抗癌。（？） 魚脑可以增加記憶。 －好似又好有道理，ｄ魚每年由幾千公里，游返出生地河流上游產卵，孵化出ｄ魚苗，又識游出大海，不斷循環。
回覆刪除[版主回覆06/14/2011 19:41:00]日本人－研究到食魚眼可以抗癌。（？） 哈, 對於這些研究我是姑聽之...就算是真的(??), 都唔知要食幾多, 萬一食得太多, 又可能話第樣唔妥 . 食魚就應該比食紅肉好, 不過正如樓下網友說, 魚頭雲的脂肪和膽固醇含量較高...