不適+奄悶, 且去遊園

這兩天感冒似乎漸退, 不過就無乜食慾, 腸胃有啲谷住唔舒服...。

病君之體, 自然不敢/不想去健身室做運動。但終日唔郁, 相當奄悶。大人返工, 唯有自己過去公園散步一陣, 順便影吓相...。


公園剪草, 要出動重型機械; 昨天所見...

公園頗多禽鳥棲息, 夏天紛紛露面

------------------------------------------


今天晴間陰, 此刻密雲...

行不多久, 太陽出來了

繼續昨天未竟之工

剷青?

我自己慢慢行, 佢哋一大一小就單車游

行到微微出汗, 見愈曬愈 "行", 收工打道回府。



>>>>>>>>>>>>>>>>>>>>>>>>>>>>>>>>>>>>>>>>>


後記 14/6/11 19:03PM

昨天個人囉囉孿, 週身唔舒服, 打電話想約見白袍老友, 豈料最快星期四才有期(星期三休息), 嘿, 嚴重咪C得??!!

無辦法, 都要約住星期四下午先。

今日胃覺更脹, 腸又谷住, 重要捱多兩日...都係博吓, 打電話看看今日可否攝早些時間睇。

朝早打去叫晏晝再打...三時左右打去, 我話好唔舒服(真係架

)...希望今日睇到, 寧願嚟等吓冇所謂。接電話個姑娘好人, 肯畀我攝個四點幾的期, 不過唔好咁遲到。接大人收工即去, 去到原來卻不是那麼多人, 大人順便問埋, 一齊入去睇。

大人聲沙及咳嗽未好得晒, 老友話喉嚨重有少少紅, 今日剛食完藥, 畀多少少時間, 飲多些少水, 咳就可以繼續食咳水, 唔值得再食多劑抗生素...。

輪到我...

。

唔知你惹佢定佢惹你嘞...你係淋巴發炎。

終於走唔甩, 難逃一劫, 另加一劑腸胃藥。

都唔知心理作用, 還是啲藥對症, 祇食了兩粒胃藥、(一粒是今朝未肯定有得睇, 自己在藥庫的剩餘物料攞嚟食定頂住檔, 原來老友都係開呢隻藥, 所以話呢, 久病幾乎成醫)一粒抗生素, 已舒服過今朝...

白袍老友, 冇你真係唔掂!