這幾天很冷, 早晚氣溫都在零下十幾廿度。據說年廿九(明晚)深夜開始至翌日且會有超勁雪暴從美國殺到...大約會有30-40厘米雪!!!
希望星期三早上停課, 否則...上星期在商場見一臨時年宵攤檔有遮耳的皮帽賣, 看似幾好, 不過一看價錢...$39.X + 稅...搶錢?! ..望兩望走人...
大人今天又是PA DAY假期, 兩丁友去飲早茶。出門較晏, 去到茶樓即管打電話問廚神出來歎茶否(太早佢未起身!
), 哈, 居然一口應承。來到邊飲邊傾, 原來廚神上星期亦在該檔買了頂帽, 說有價講的...。飲完茶一齊出去攤檔 "哄吓", 摸吓又試吓, 試啱之後廚神出馬講價...
嘿, 如此價錢都賣得出, 可見標價食水甚深, 早前不買是明智之舉!!!
華人著名商場內的通道中間近日擺設不少臨時年宵攤檔
這個商場稍後三數天將會人潮如鯽, 車位難求, 我盡量唔入去貢...
揮春、財神、利是封...增添不少過年氣氛
賣帽
左側是肥仔檔主
買了這頂羊仔皮帽, 貪其皮軟, 而且可以遮埋耳仔和面頰
這頂絨帽是在嚴寒天氣時戴開的...裏邊還有一層底裡...。靚唔靚?
哈哈, 這頂帽是廚神親手所製, 我覺得手工好得很!!!
我覺得廚神出品靚d...
回覆刪除[版主回覆02/01/2011 10:18:00]代廚神多謝MISS...。 我都十分喜歡頂絨帽; 不過太凍及刮大風之時, 耳朵及塊面會覺得又凍又刺, 所以今日見有價減, 就買多這頂皮帽...。
Made in China?
回覆刪除[版主回覆02/01/2011 11:37:00]哈, 都冇留意添, 甚有可能...稍後看看...
嗯！我好憎企係街，廝磨講價....so embarrassing
回覆刪除價錢岩就俾 $，唔岩走人。
所以基本上我係悶旦，甚小 shopping，有需要才會去 mall
[版主回覆02/01/2011 11:43:00]呵呵, 我都唔會...所以上次睇見個標價就走投。 但廚神知道呢啲街邊檔通常可以講吓, 上次佢買的帽$30, 我今次重$27添
做o麥唔影張帶帽相俾我o地睇下o者!!
回覆刪除[版主回覆02/01/2011 12:30:00]哈哈, 恐怕要等我遞日買到頂飛虎隊的頭套才能滿足你哋的要求喇!!
正！ 好正！！！
回覆刪除[版主回覆02/01/2011 12:52:00]哈哈, 皮帽銀姑搞掂, 絨帽廚神傑作...算是各擅勝場!!
GM：搵勻頂皮帽都不見有牌子及註明何處製造...不知是否家庭式的手作?
回覆刪除個牌子多數縫在夾裡裏面, 你用紙刀開縫口, 翻過來便看得到!!
回覆刪除[版主回覆02/01/2011 15:23:00]你是否曾經試過捧住碗飯食緊, 有人說隻碗是康熙御窰燒的, 碗底有題印可證, 於是你擒擒青......
哈哈！ 肥仔 話你聽 羊仔皮 ，BUT...... could be made by puppy skin and manufactured from mainland China etc etc. 所以不如不知也罷.....繼續掛羊頭，做羊牯吧
回覆刪除Copying to 箭生.....你真係當卜主佢係 "Lu Lu" 嘛！
[版主回覆02/01/2011 15:52:00]肥仔沒說甚麼...憑手感斷估架咋... 頂帽不過是碎料..."一忽忽" 駁埋, 廢料利用啫, 就算是真的羊仔皮相信也不值太貴吧...。 甚麼皮也好, 反正一頂布做的喼帽在這裏也要買$10以上+稅, $27可以保暖, 唔使凍到頭刺, 羊牯就羊牯吧, 反正都當它是羊仔皮咯。 ...箭生常想將從前自身的 "補、貴" 經驗益人的...
(Empty)
回覆刪除[版主回覆02/02/2011 01:35:00]觀音...? 哈哈, 謝謝了!!!
I love that hat!! $27 is good price for a all leather hat like that!!! Good buy!! I have one similar, but no fur, that I wear to ride bike sometime...
回覆刪除[版主回覆02/02/2011 01:37:00]廚神出馬, 省回幾乎一半; 不過話說回來, 若無價減, 我就不買。
卜主當然唔係 "Lu Lu" 啦！
回覆刪除你估佢真係會用紙刀嚟咩！ 甘危險．．．！
佢會用較剪剪架啦！ 你放心都得！佢冇甘笨．．．．．！
你是否曾經試過捧住碗飯食緊, 有人說隻碗是康熙御窰燒的, 碗底有題印可證, 於是你擒擒青...... ＜ 笑到我標眼淚！
回覆刪除[版主回覆02/04/2011 18:38:00]哈哈, 康熙御窰的魔力...