知道早前提過的小粥店已經重開一排, 大人心思思...今天放工 "乘機"
要去試試。從前這間粥店黃昏便收舖, 幫趁要早。
門庭依舊, 似乎人面已非, 應該是換了老闆了...。
我們覺得這間的粥最有香港的大牌檔生滾粥風味...
大人愛吃艇仔粥。
粥底依然尚好, 而且似乎比以前少落了些 "味"...。
以前有兩三 "PAT" 炸粉絲撈碎牛, 現在就祇有較大粒的淨碎牛, 口感差咗少少
未到初七, 都食碗及第粥先...
豬潤爽滑, 最正。
在這邊食及第粥, 至憎是那所謂的肉丸...間間都是用好像批發牛丸般的那些不知所謂肉丸, 全無肉香肉味...
以前老豆自己整的肉丸, 肥瘦適中的刴肉加些冬菜(?)
布拉腸粉質感比以前還好; 以前滑是滑, 失諸太削...
昨日跌幾百點, 大人未有獲利, 不過昨夜都回吐...只敢吃蝦米腸...
炸腸都可以落些少葱花和蝦米碎的呀?!
當然咯, 老黃賣瓜, 自家的青班粥仍然許之為加粥之最!!!
--------------------------------------------------------------------------------------
一邊開工, 一邊再整碟生果雜拼
新春流流食艇仔粥！千萬唔好＂坐艇＂。 食 及弟 好好意頭！狀元及弟
回覆刪除係都不過反映事實... 昨日坐到隻大飛, 快速一衝而下, 轉眼已經離岸甚遠... 今日順勢漂浮, 又在漩渦打轉, 不知何處、幾時...可以泊艇埋岸...
回覆刪除Good luck on your stocks! The congee looks good, I wish we have that around here!!
回覆刪除[版主回覆02/09/2011 01:34:00]升升跌跌, 一向都係咁的了...。 呢邊也是可遇而不可求, 始終生意額不大, 做做吓隨時 "收檔"...。
阿大...早晨呀...我鍾意食蝦米腸...
回覆刪除[版主回覆02/09/2011 10:16:00]早晨... 新鮮的即拉腸粉, 基本上乜腸我都鍾意食, 係齋腸就覺得寡咗少少
嘻 嘻！今日人日，做 〝大車〞，還是狀元紅呀 ??
回覆刪除恭 喜恭 喜
[版主回覆02/09/2011 15:00:00]大飛仍未肯停...重恭喜? 哼...
足食
回覆刪除[版主回覆02/09/2011 18:53:00](Empty)
〈昨日跌幾百點, 大人未有獲利, 不過昨夜都回吐...只敢吃蝦米腸... 〉
回覆刪除使唔使咁誇張呀
又
蝦米腸都貴過淨腸噃
[版主回覆02/10/2011 02:26:00]呵, 是我寫得亂籠, 令蘇蘇誤會了... 回吐的意思, 是大人食完晚飯之後真係回 "吐", 而且吐了兩次! 所以暫時食清啲---蝦米腸, 冇得食炸腸 ; 至多稍後才撩她去食自助餐...
恭喜人都要俾人
回覆刪除唔恭喜咪就恭起囉！
嘻嘻！出年唔好食艇仔粥啦！食〝發財好市潤脷粥〞吧！？
恭起恭起
[版主回覆02/10/2011 02:31:00]恭起恭起 ... 咁睇起嚟舒服啲... 謝謝!! 其實過年前後都食了幾餐好市發財大利咯喎?! 下次食艇仔粥, 另加10隻雞翼, 睇吓撈埋飛唔飛得飛..?
你又借夫人來過橋
回覆刪除anyway
新春快樂！
股票賺多 d ！
最緊要健康！
[版主回覆02/10/2011 03:58:00]大人亦樂於答應的呀 新的一年大家都身體健康, 心想事成喇!!
佢呢間粥店轉左手,d腸粉同粥都難食左,仲要無左我最愛的炒河
回覆刪除[版主回覆07/09/2011 16:27:00]Hi, 謝謝來訪, 大家都是加拿大友... 我那次去是 "裝修" 後重開首次光顧, 和以前是有些不同, 感覺還可以。現在似乎連黃三記都不怎麼樣了, 很難苛求。 是啊, 從前未轉手時除腸粉外, 還有炒粉麵, 午市好像還有飯, 選擇較多。