近日陸續見到不少人對今年的財政預算案口誅筆伐!
我這仍然持有香港身份證的名義上的 "香港居民", 不妨也湊熱鬧亂說幾句。
自己覺得這份預算案本來並不算很差。今年還罕有的大手筆派錢, 每個MPF戶口注資六千大元! 相信財爺事前當認為此舉應會博來一些掌聲, 可實際卻反倒引來許許多多人不滿, 實在是始料不及吧
若果如澳門般有身份證就有錢派(數額可以斟酌---到時我都會有?!
問題可能就是出在注資MPF這個環節上。政府不吝慳囊, 今年打算每人派$6,000給大家(並非全部每一個人, 我就冇嘞!
香港環境比較特殊, 稅基較為狹窄。政府一向奉行的是量入為出---"正常" 情況下, 最好還要有盈餘---的財政預算。經常性的福利開支要建基於經常性的稅收之上, 所以香港的基層一向福利不多, 亦不敢多。政府祇敢在收支盈餘多的時候(通常是該年度賣地成績好、股市旺), 係咁意派些一次過的非經常性的小恩小惠給香港市民。
面對民情洶湧, 隔岸且看今次財爺如何善後, 以安撫人心...哈哈, 沒甚麼微調空間???
本來想 '醒' 你，但慳番啖氣....
回覆刪除MPF 係 65歲先有得攞，但退休年歲係香港係 60 歲 (in general)，咁個五年食風呀 !?
行政費 貴 ?? 咁注入 MPF ，Handling Fee 由供款人俾，唔貴咩?? 咁只係 pass the buck...
嗰六千蚊咁皇恩浩蕩，我唔要喇，因亦唔會謝主隆恩，所以我情願佢地搞吓民生
十五年免費教育
補貼清貧學子補習、課餘活动或食物卷費用等
造就職位和扶危濟困中小企以紓解民困
制定指標以減輕日益嚴重的貧富懸殊
全民退休保障
等等等等......
[版主回覆03/01/2011 04:53:00]我不是財爺, "醒" 我盞嘥氣.. ; 我 祇是湊熱鬧亂說幾句... 相信香港人不蠢, 除MPF之外, 自己都 盡可能 另外留些儲備, 作為退休生活之用的。不是每一個人都有MPF, 而且MPF供款額及年期各各不同, 回報亦無準, 若是每一個人都大安旨意退休後可以單靠MPF過活, 可能會過份樂觀...; 自求多福比較實際。 行政費貴, 祇是我猜想的原因之一; 財爺自己說是直接派錢恐怕刺激通脹... 你說的那些, 都是有助香港社會和諧和改善民生之舉, 我百份百贊同政府應該做; 祇是要達到這些目標當中的細節以及預算支出, 哈哈, 相信小姐暫時也說不出一個所以然來吧... 。 香港政府的確有百般不是, 許多時根本爭唔落。我也不是說這份預算案好。近年看到一些歐、美國家的財政狀況及經濟環境, 香港一向的驚青保守財政預算(SARS一役, 應該印象猶深吧...?), 批評之餘, 或者有時也要諒解一二。 對於今次派糖僅止於此, 我沒有意見, 不過就對派錢的方式---注資入MPF不以為然。
早晨呀... ...點都有人唔高興...我都懶得理...
回覆刪除[版主回覆03/01/2011 10:07:00]早晨...順得哥情失嫂意, 從來都是如此... 我都係求其UP吓啫...
240億注入全民退休保障計劃作種子基金更好。 政府早前提出全民退休保障計劃諮詢，有評論人指出政府只願意一次過出資500億，10年、20年...用完就算，有人提議成立基金滾存，生生不息，長使長有，但政府似乎無意實行。今次這240個億為何不作此用﹖這想法對否﹖高人有以教我 此預算案最為人詬病係全無願景和規劃，先益基金佬﹗派錢無論如何都會順得哥情失嫂意﹗錢派一大筆，但給人的感覺係亂使亂fing，用得寃枉﹗若稍後修訂為全民退稅上限六千元，打工皇帝們需要這雞碎嗎﹖真係倒錢落鹹水海，幫不到需要幫助的人﹗ 這個特首/政府已諗住夠鐘就起身走人，而家可能已在收拾細軟﹗
回覆刪除[版主回覆03/01/2011 11:06:00]全無遠景規劃 ...英殖時代還好一些, 那時的其中兩位財政司比較有料, 在制訂預算案時較具前瞻性。 全民退休保障計劃對市民來說是好, 不過我諗政府覺得財政負擔太重, 所以不敢輕易上馬。你看如今新聘的公務員已斬去長俸, 一葉知秋...。 有人提議成立基金(240億?!)滾存，生生不息，長使長有，但政府似乎無意實行。 若無持續注資, 單靠240億, 用唔到幾耐肯定乾塘 。不清楚全民退休計劃的細節, 但長俸公務員幾年前每年的長俸支出預算已逾一百億元之多。出面的工資應該不如政府咁高, 但人數多好多... 。 其
實講福利, 最基層、生活艱難的市民應該是優先受到照顧, 這是社會的公義。等而上之的, 就難免要睇餸食飯。政府在福利方面當然做得不足和不夠好,
不過年前政府放風開徵銷售稅, 許多政客和市民都期期以為不可, 若單靠地產市場好景增加賣地的非經常性收入來維持經常性支出,
像SARS那年的赤字就高得嚇C人。加拿大的福利當然好過香港好多, 但徵稅亦重得厲害!! 事情總是一體兩面的...。 我不是高人, 不過是亂UP回應。
對不起﹗我的資料搞錯了 注資500億的是 「自願參與醫療保障計劃」 明報2010年10月6日李先知 ： “... 政壇傳來耳語謂， 特首去年承諾為此撥出的 500 億元，並不是一次過撥款去成立基金長期支援這項計劃， 而是逐年撥出 20 億至 25 億元，直至累積金額達到 500 億元上限，資助計劃便終止。 ...” 咁把鬼咩﹗
回覆刪除[版主回覆03/01/2011 14:33:00]退休及醫療都無乜分別, 相信政府都傾向不會 "獨力" 承擔, 因為條數就算現在計得掂, 將來都一定唔掂; 人口逐漸老化, 開支會愈來愈甘---加稅/開徵新稅不受歡迎, 難以實行, 那就用者自付/起碼自付部份囉。 午餐都冇得免費, 何況...
我建議將 700 億全都撥俾澳門, 等佢地頭痛.....!!!
回覆刪除[版主回覆03/01/2011 17:58:00]700億係乜? 你的捐款??
唔係!
回覆刪除係香港好頭痛唔知點使果700億!
[版主回覆03/01/2011 19:13:00]不必, 倘若財爺有乜依郁(99倍大冷), 隊你...上去頂佢...個位, 你到時才拎過澳門...一舖過, 掂就每人派萬二, 多成倍, 實冇人出聲; 瓜咗呢, 拍手無塵, 亦唔使煩。
其實睇長遠Ｄ，所有強積金，到退休時，通漲＋扣除管理費後，都係不足以養老。 而家，政府近年請人與大，細公司絕大多數已經無長俸，退休後要食自已或淪為綜援階層。 長俸公務員有長糧食，唔應該為＄６０００去遊行。好悲涼！
回覆刪除[版主回覆03/02/2011 11:03:00]政府的長俸及好些福利是英殖時代遺留下來的歷史問題。英國行這一套, 管治香港的英國官員照跟...(當然佢哋自己利益最大...) 現在當中有些不合時宜的福利已經取消了... 移民之後這許多年, 我仍視自己為香港人, 不過都從沒機會(?)受惠派糖的好處... , 有時冇得計較的。
Are you able to get the 6000?? Send your HK ID back so your friends could collect for you.
回覆刪除[版主回覆03/03/2011 03:03:00]已移民海外的有冇份仍未有人說清楚, "點樣攞法" 的詳情亦不知道... 你有沒有HK ID?
I turned in my HK ID when I immigrated at the age of 14.....
回覆刪除[版主回覆03/03/2011 07:51:00]ic...