周六兩項鐵人賽
月前回港省親的舊老細歸來多日, 同事等餓雀多時, 立即搞兩枱雀局以迎佳腳。 主事者幾經努力, 郵電交馳, 無奈終未能成事。
兩枱唔掂, 退而思其次, 上來我家開一枱就好易話為。
是日大人自己有雙打節目---和家長打完羽毛球再打雀, 於是分道揚鑣。
和同事飲完早茶, 立即開始首項鐵人打雀賽...
......
"漸黃昏, 餐角咕咕, 都在空腸", 於是先往醫肚。例牌的潮州仔, 例牌的幾樣嘢...胡椒豬肚湯、半隻鴨、火腿紹菜、薑米炒飯、沙爹牛河...例牌的食唔晒。
由於今天冇得瞓, 打到後來, 已有點烏眉瞌睡兼眼澀, 茶、啡都頂唔住。好在班次實在有距離, 精神不足都唔使輸。除清兩餐使費, 小勝C$18, 總算又食又拎。
散場之後, 稍為瞌陣, 又參與第二項鐵人賽, 跑......香港馬。
今天馬會中段神神地, 投注常買唔到。好在中的那場順利, 執番多少。買唔到的卻是輸的, 都算有些運氣。稍後網上投注恢復正常, 係咁意玩多兩場, 再無佳績, 就鳴金收兵,
去也。>>>>>>>>>>>>>>>>>>>>>>>>>>>
周日打邊爐
今早天氣頗冷
凍凍哋自然思飲思食, 諗住打邊爐...
在茶餐廳食完早餐, 即去巡了兩間超市買嘢。
呢檔圍埋咁多人, 搞乜鬼...? 咁墟冚, 唔使錢架咩...
這些青蟹仔, 我哋不吃的, 唔關我哋事。
我們買了青班、溫哥華蜆、響螺、羊肉、蘿蔔、菜、豆腐、麵根...
咁大隻麻雀，你們打的是港式麻雀吧！香港最近流行打〝廣州牌〞， no good 無乜技朮可言，反而〝蘇州牌〞很是優雅。
回覆刪除[版主回覆11/01/2010 03:37:00]當年移民新買過來, 要了副稍大的, 打落方知攰... 雀腳有兩位慣戰者有時會去打吓台灣牌。打雀除求勝外, 我自己亦求手、口過癮之樂(故此喜歡與熟人打), 不慣台灣牌太多規矩, 這又唔得, 那又唔得, 故此無緣無心於彼, 安於港式雀例。 我們打的是四番起糊, 四四制, 打到10番或12番, $5底而已。
雀林高手...
回覆刪除[版主回覆11/01/2010 10:06:00]哈, 倒不敢妄自菲薄...
Good win!! Chinese supermarket is always crowded, people just push their way in all the time, I very seldom want to go inside!
回覆刪除[版主回覆11/01/2010 23:18:00]我都好怕假期行超市, 尤其入去你熟悉的那個太古/城市廣場, 因為好難搵車位。
又參與第二項鐵人賽, 又參與第二項鐵人賽, 跑......香港馬。 我未睇完成句時， 你隻天殘腳點去参加鐵人賽，原來＞跑－－－香港馬。
回覆刪除[版主回覆11/02/2010 10:10:00]哈哈, 偶然開開玩笑, 聊以解悶啫...
生活好港式
回覆刪除[版主回覆11/04/2010 22:00:00]是是是..., 身在番邦心在港!