昨日開始, 大人有三天長假期(星期一乃感恩節), 心情大佳。
今日是假期居中的一天, 大人大概已培養好煮飯的興致
, 早上飲完茶就去超市買餸。見到青班已沒早陣咁貴, 貨多且有大條的。上次特意往吃生滾粥而敗興, 不免略有怏怏。善觀大人心意, 於是提議---唔煮飯---改而煲粥, 買條大青班嚟淥粥。大人欣然。
若果煮飯蒸魚, 兩個人通常買磅半左右的。淥粥要將之起肉起腩拆骨, 就盡量買大條的才見食和好食。
大字標價C$6.88/磅, 原來尚有細字跟尾...劏就$7.28, 脹然。咁大條自己點劏? 嘿, 逢商必奸...
超過2磅半...
臨開餐再出去FOOD COURT買碟炒麵
冇買油炸鬼了, 因為朝早飲茶已經食了碟炸腸...
終於樣樣都食唔晒...
咁多...緊係食唔晒啦...
回覆刪除[版主回覆10/11/2010 10:37:00]哈哈, 有魚當然有剩; 大人唔怕隔夜魚腥, 佢包囉...
第一跑車今日續上
回覆刪除[版主回覆10/11/2010 17:29:00]據聞最近研發成功新的大馬力車頭下線(觀這幾天的勁度, 可能還秘密裝配了TURBO ), 近幾天在股場路演展示實力都未定。(講笑) 應該是十二五會議接近, 憧憬續出扶農政策, 市場炒定先; 以及A股上市就快成事...(講真) 個心十五十六, 前車之鑑, 又驚再抱恨...; 但沽沽吓愈嚟愈少, 又買唔番... 。 金夫人早前曾提過跌到5.X考慮買些, 究竟你哋有沒有貨?
我想這些是〝青班〞，在香港，我們叫〝加州鱸〞，味道一般，但價錢便宜 est @HK$25-40 一條，所以加國賣成七蚊磅，我會覺得頗 unreasonable。
回覆刪除但超市也很好，沒有詐財，因它也是寫 green bass not garoupa。
[版主回覆10/11/2010 18:14:00]哈哈, 其實我唔介意係乜魚, 私意認為在多倫多就數這種魚(活的)比較上最好吃---起碼啱我(哋)口味; 其餘乏善足陳。 呢種淡水魚叫BASS---大口巴, 去釣魚常可釣到, 野生的更加好吃(我諗這些是養的), 另有一種較細口的。BASS是屬鱸魚科, 超市好多野都亂咁安名的, 知道這並不是所謂的"班"(GAROUPA)。 說逢商必奸, 是因為平時劏唔劏都同一價錢, 現在名義上減價, 但要劏(大多數都要劏喇)就加番幾毫...
That was a very healthy breakfast!!!!
回覆刪除[版主回覆10/13/2010 02:53:00]哈, 相信你哋不會在晚餐食粥的吧...
Sorry, once i wrote the last reply i realized that you can also have that at any meal...my mistake!
回覆刪除[版主回覆10/15/2010 03:13:00]都是一餐啫...
大青斑淥魚粥>好食喎!+好富貴!
回覆刪除[版主回覆10/17/2010 20:35:00]非關富唔富貴的啊 , 祇因大人最愛吃魚。價錢略貴是因為買得大條啫 , 兩個人一餐其實食唔晒的...點都抵過出街食吖 。