復工前的衝刺

今天本來打算買魚煲粥, 不過在超市見游水青班既細且貴, 遂打消念頭。大人提議不如煲湯煮飯, 順便整煲小饞至愛的咖喱魚蛋明天冧他。

這個長周末(星期一公眾假期)是大人復工前的最後三天假期, 看來大人已盤算好---今日做餐懵; 明天家庭日去弟弟處開枱玩一日; 星期一就修心養性, 真真正正休息一天, 蓄銳然後才返工捱世界...。(不知蛔蟲是否準確揣摩大人心理?  )

大人 "幼承庭訓" , 一向信奉煲湯/燉湯養生。今日居然捨得在北極夾萬摷了一樣珍藏的藥材來煲個尋常住家湯水 --- 淮山芡實北茋黨蔘豬展螺肉湯  + 十零條冬蟲草(嘿, 水蛇春---呢樣係話個湯名長, 並非其中材料)

在香港時冬蟲草雖然都貴, 尚不算太離譜。近十年八載升完又再升, 目前價錢竟直逼飾金, 叮噹馬頭。 唉, 愈來愈唔捨得食, 而且亦食唔起了...
...何況功效說到底無從求證, 究竟值唔值咁貴呀

這些存貨是上次返港之行, 回來時靜雞雞帶入境的...

都唔理是否真如係所說的咁有益, 貴成咁, 成條食晒落肚心理上才覺得唔會嘥...
食完呢碗野, 飽了幾成...

食過番尋味, 大人又炒蜆; 不過今次有一兩隻似乎有泥味
D豉椒炒到攻鼻, 打了幾個大乞嚏, 搞到成屋都係味, 歷久不散...
好食都係咁話, 下次出去食罷喇

池魚新鮮, 果然幾好(又由我試味先); 節瓜冬菰肉絲

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>


近年每逢暑假, 這裏總會有一兩個亞洲街頭美食節舉辦, 除非我們返了香港, 否則例必帶吾侄小饞掃場。他最愛吃咖喱魚蛋, 在場內巡來巡去, 食完一串又一串...(通常給錢讓他單獨自由行動 , 鍾意食乜就食乜, 無所顧忌, 反正冇幾何!  )。今年只由我帶他去過一處美食節, 那次大人另有節目, 小饞似乎吃得不甚過癮, 給他的錢居然沒吃清光。

暑假已盡, 齊齊開學之前, 大人話整煲杰野JUNK FOOD給小饞歎吓...。

噫, 魔鬼 "嶄露頭角"...


美食節魚蛋檔檔主介紹, 他也是買這種現成咖喱汁開的

發水魷魚

發水豬皮

主角
煲野夠唔夠 "杰" ?

遞日大人退休, 或者可以客串租個攤位開檔...

明天家庭日我們的POT LUCK
東岸時間：星期日晚上9:50PM
後記： 呢兜野以為今晚晚餐應該食唔晒, 點知最終竟然通通掃光; 不祇小
饞喜歡JUNK FOOD, 原來家庭成員個個都鍾意, 下次要整多D...

這兜是另外醒廚神吾妹的...