今晚妹夫夫婦宴請釣魚之友, 有幸叼陪末席。曾經和那班釣友一起玩過幾年, 唯是技差一皮, 多數辛苦徒勞。年前終於心灰意冷, 已沒續魚牌, 絕迹釣艇, 連魚竿也過戶給了妹夫...。
廚神吾妹在港最高紀錄在600餘呎的府第曾經宴請30餘人, 墟冚場面, 令人咋舌。今次不過廿人左右, 自然談笑用兵。
菜單：
自家新鮮園蔬
廚神下午已開始準備...
餐前DAP番杯, 敘吓舊...
咖哩大魚頭
齋
崧子西芹龍蝦肉
百花節瓜甫
煀鵪鶉釀膶腸(見鵪鶉而思禾雀, ...
)
蘆筍螺片
燒焗排骨
海蜇手撕雞
杯盤狼藉...
飯後甜品幾款...
時近中秋, 且吃一角月餅迎節
馬荳糕和馬蹄糕
紅豆沙
薄醉微酡, 為消酒氣, 餐後順理成章再言不及義的吹水一輪, 才驅車上路, 以免觸犯駕駛條例。
嘩...樣樣都正... ...唔駛食甜品都夠晒...
回覆刪除哈, 現在方記起, 還有H牌雪糕雪條...; 當時掛住吹水, 竟然忘記叫主人家拎俾我食。
回覆刪除開檔私房菜.
回覆刪除哈, 見笑; "吾家廚神" 乃我戲封舍妹之號..., 她頗有興趣鑽研烹飪之道; 不過手藝當未如總廚了..
回覆刪除好利害!
回覆刪除幾認同!
回覆刪除絕跡釣艇，改釣水魚﹖
回覆刪除水魚超市有急凍貨, 卑錢就予取予攜, 不勞垂鉤; 而且呢班釣友樂水, 不好射雀, 有餌都無用武之地。
回覆刪除吹水一輪, 才驅車上路, 以免觸犯駕駛條例。
回覆刪除我一向都唔知咁係得嘅..! 以後放胆飲啤啦! 謝謝老大教路.!
看來你飲奶居多, 所以沒留意這方面的 "常識" 。
回覆刪除嘻嘻！東風不與周郎便。
回覆刪除因住舊愛新歡 "滋妹"和 "风哥"又嚟揾你
[版主回覆09/21/2009 12:39:00]哈哈, 希望從此 "風滋不與饞郎見, 同嚼鵪鶉別二人。"
我通常同朋友去酒吧飲酒都係一路飲一路吹水嘅...............!!
回覆刪除等我以前重成日怕吹波波唔敢揸車........唉!...真係冇常識...!!
駛唔駛咁騰雞呀? 我諗你係酒吧吹的梗係肥皂水喇。你老早...自己投案吹定波波, 又睇住D波波爆破, 所以嚇到水向下流, 驚賴野...頂...喇...
回覆刪除嘩,咖哩大魚頭同燒焗排骨睇到都流晒口水,我又要偷師,中秋節做節時試整呢兩味,希望能學整到貴妹廚神2/3之味道?.....
回覆刪除[版主回覆09/21/2009 13:32:00]祝你成功, 駛唔駛叫廚神過D料卑你? 先提一下, 咖哩大魚頭的神髓---那些咖哩是一位馬來籍友人特意送給廚神的, 一包包庄, 煮起幾香幾辣的, 十分好味。據說加拿大搵唔到邊處有得賣。你可以看看香港邊隻咖喱正, 睇定先。煲內綠色的那些是潺茄喎... 燒焗排骨就比較簡單易整...。
嘩!你個妹好真係好犀利啊,真係中西名菜乜都識.好嘢
回覆刪除鍋咖哩魚頭滑一滑,咖哩汁撈飯,想唔食撈多兩碗飯都唔得.
齍賣相了得.
叻過我咁啦... 正如愛貓姐忠告, 恐怕風哥滋妹和林伯糾纏不休, 昨晚已不敢咖喱汁撈飯, 認真嘥料..
回覆刪除Ever never call me 貓姐 again！！因以前公司有一八婆，叫此名字，因此唔好影醜 / 衰我隻愛貓米高。
回覆刪除BTW who's 林伯？？希望遲啲唔會連 "度叔"都嚟探你啦！
咁點稱呼你至啱聽呀? 愛貓(?) 林伯=淋巴 度叔又係乜症候黎?
回覆刪除"度叔" 係支肛門探熱針個名...!!
回覆刪除有冇老點?
回覆刪除冇! 原本係林伯專用.....而家借俾你用!
回覆刪除"度叔"只是大眾遠房親戚統稱，好比 "舅舅、姑姑"，不過，可能阿箭豬山你叔叔，愛子侄情切，每次造訪都先和你探熱一番，才有此謬誤，搞錯哂啫！
回覆刪除[版主回覆09/21/2009 19:49:00]哈哈, D圖好鬼過癮! 好彩有你澄清, 否則又卑兜友亂UP一通老點! 現在歸化潮汕者似乎通街都係, 潮語大行其道; 方外之民, 有時幾乎無以應對。
哦!....原來係遠房親戚自由行, 黎....渡宿.....
回覆刪除寫清楚D嘛! 一舊舊...!!
[版主回覆09/21/2009 19:58:00]是啊, 你個親戚度叔來探你, 投你所好, 捨正路而弗由...
非也，此"度叔"的 "度"字是讀廣州話的聲、韻、調九音中嘅第二語調「陰上」聲，音類似 "dou"，故並非你所講嘅 渡宿 。
回覆刪除唔講了，反正講左你都唔明，有距離。
[版主回覆09/21/2009 20:24:00]度水(借錢)、量度之度? 咁是潮語所賦新義咯, 印象從前所說的度叔, 一指此人常問人借錢; 一指孤寒, 所謂孤寒 "度" ...
d 加國蕃茄我諗好食過香港好多....
回覆刪除[版主回覆09/22/2009 10:34:00]自種那些都OK的(唔知邊度種黎架 ), 廚神久不久就醒些意大利青瓜、番茄、黃瓜等給我們作餸或煲湯。不過大人煮茄汁, 喜歡買長形的羅馬茄; 至於香港的番茄..., 哈哈, 要食番先比較到。
亞大,
回覆刪除我發覺自從响呢度同你搭爹之後, 愈黎愈蠢!
[版主回覆09/22/2009 10:38:00]可能近得我多卦...?! 不過都蠢唔晒, 起碼你自己都知!
以前好食好多....
回覆刪除而家最近幾年d蕃茄得個樣, 完全唔掂又冇蕃茄味 ....
除非買到牛茄似番個真係有蕃茄味, 但唔係時時有貨...
咁就應該呢處的番茄好食過香港的了; 呢處好多意大利人, 在番茄大造之時, 一簍簍咁買番去自製茄醬的... 牛茄唔知係點樣的...
回覆刪除哈, 又比功課我做 ..... 不過好彩又比我 find到 ....
回覆刪除有時是一串串<2~8>買的... 深橙紅色, 多汁, 香甜....
係我街市買最平果時 $8一斤 ~~~
羅馬茄好貴之時, 大人似乎都用呢種黎煮餸, 煮起較多汁; 廚神屋企那種大茄或者切片伴碟、生食會啱D...
回覆刪除靚既蕃茄生食煮食都好 ....
回覆刪除有廚神點整都好好食啦 ....
廚神有時都難為無米炊的呀, 這邊許許多多食材不及香港, 單以雞來說, 我就覺得點整都不及香港的好吃!
回覆刪除而家香港出冰鮮雞多咯.... 再唔係打針雞 ....
回覆刪除講起雞而家想食走地雞, 黃油雞 .....
第日返香港, 看來咪要轉折走上大陸搵食?
回覆刪除哈, 咁啱我今晚就上大陸搵食 ....
回覆刪除嘻, 幫大哥食埋你果份又點話 ....
哈, 番黎UP吓食過甚麼正野喎...
回覆刪除Nice to have a great chef in the family!!!
回覆刪除[版主回覆09/26/2009 20:54:00](Empty)