今天又是網雀戰期，且是月結前重要一仗, 與網友由早上打至下午，結果輸了幾千......分, 一心想嘗嘗紅衫的願望又告落空, 為之長嗟短歎。
鳴金收兵之後, 悵悵然和大人去吃下午茶餐，然後又循例到超市巡視。赫然見大隻龍蝦又平又生猛, 尤其有隻身形粗壯、大過一磅、小二磅一點點, 雖被魚檔大哥紥了雙鉗, 仍在伸鬚舞爪，捉起之時被其拮了一下略覺吃痛；其也文也武之勢，彷彿正是今早仇人。反正分都輸左, 紅衫既然吃不成，更觸動痛處, 索性不惜花錢買了"疑似仇人" 回家慢慢炮製, 發洩一下......。
這隻野是小二磅一點點
當時雖也文也武, 吹鬚碌眼, 但不堪困頓, 一陣已噱噱地
點樣炮製? 哈, 先篤佢一篤, 同佢放尿
幫吓拖等佢痛快淋漓, ...留起竟有成樽之多
然後同佢開邊
再落蒜茸醃之吊味
落鑊蒸之, 至面、身俱呈紅色
隻野多食禾米, 尤喜一食就食13粒, 故夠肥多膏啖啖肉。
......嘿嘿, 今早也文也武丫嗱, DAP完條氣當堂順番!
(此乃笑譚, 如有雷同, 純屬巧合, 切勿對號入座!)
小二 哈啤好飲嗎﹖
回覆刪除[版主回覆08/17/2008 01:18:00]食完肉同膏, 果樽精華留俾你歎!
食完呢隻小二磅既龍蝦之後,有d乜野感想???
回覆刪除條氣順D, 起碼唔會變啞!
回覆刪除你就好啦....可以順番條氣...我都仲chop 住chop條氣....不過起碼都好似你咁...唔會變啞....
回覆刪除等陣去街市搵隻食吓, 補身下氣....
回覆刪除搵隻海星，同佢放血。
回覆刪除[版主回覆08/19/2008 10:30:00]三個一齊放血, 自己痛之餘, 你地望見其餘兩個尚有些少安慰, 豈不美哉!
同隻海星放血之時,順便買埋d毒藥,毒啞埋隻馬騮...唔該!!!
回覆刪除[版主回覆08/19/2008 10:31:00]小猴今日應是抑鬱發作期!
話你唔識計數就一 d 都無錯！ o 既然係斷秤黎買，你揀啱之後，理應叫隻龍蝦去一去厠所先，若果佢放一篤有成樽之多，你有做到我提點果一步，一上磅佢就肯定得翻一大磅無零！再唔會同小二磅的多扯上任何關係，果時你大頭佛食大頭蝦，大頭踫釘頭自相殘殺與人何干！宜家你計錯左數，致令俾貴左錢仲攪到成屋都係 …… ，正是陸雲亭睇相，唔衰攞黎衰咯！
回覆刪除捉起之時都有 "殊佢兩殊" , 想等隻野輕番幾兩先過磅(就算減幾兩都係小二磅一點點!), 不過隻野可能春秋日高, 前LIST腺增生, 殊極都冇反應, YOUNG來YOUNG去, 一滴都唔出, 係要返到屋企篤佢一野先一洩如注。奈何! ! 反正幾千......分都輸得, 唔爭在果幾兩囉! 糟質疑似顛, 不惜腰間錢!
回覆刪除糟質疑似顛 , 不惜腰間錢 !
回覆刪除正劫今宵至，莫謂早不言！
[版主回覆08/18/2008 17:21:00]睇唔到果兩句大作喎???! 連字...都有增生, 想出都出唔到?
糟質疑似顛 , 不惜腰間錢 ! 正劫今宵至，莫謂早不言！ 早前看不到此兩, 原來天機早洩, 因為全不靈驗, 所以看不到...哈哈!
回覆刪除哈, 今次食龍蝦.... 下次咪要食龍躉....
回覆刪除[版主回覆08/19/2008 22:25:00]龍躉恐防有雪茄毒喎!
呢d咁鬼煩嘅嘢，我寧願出街食算數了，平時食蝦同蟹都係清蒸算數！因為新鮮清蒸最原汁原味嘞！
回覆刪除[版主回覆08/23/2008 04:38:00]我地都係架, 全部蒸之哉!!
Lobster, great!!!
回覆刪除[版主回覆08/23/2008 13:52:00]好味!!!