弟弟一家三口(侄仔移民後才在加國出世)早我於93年移民, 當時姪女尚讀小學, 是個活潑蹦跳的小女孩。轉眼之間, 今年已大學畢業，出來工作..., 並且結婚了!
安慰之餘, 自己能不感慨------歲月催人老?!
2008年8月8日是個好意頭的日子, 在她居住地區的市政
會堂舉行婚禮!
附近環境優美
婚禮在這座摩登水榭內舉行
男方家長簽字
小饞的舅仔鞋
新郎哥的自用座駕權充花車
觀禮完畢部份親友一起去飲茶, 新娘子換了紅衣。
8月8日舉行註冊儀式，明年才擺酒。
飲完茶後當然又是家人餘興的開枱時間, 晚上只當家庭日
求其整餐自己人食；一對新人自己去WET。
湯料：腐竹豬脷豬肚；另外一碟是廚神特意炮製的鹹蝦
蒸豬肉，這碟舊時佳味限於本地材料, 嫌蝦醬味不濃......
當然不及大澳土產冶味!
此煲是冬菰、海參、花膠、蠔豉集燴, 香焾好食!
難得執到比較企理, 對鏡玩吓自拍......卻效果甚差!
點解唔俾新娘子真面目示人﹖
回覆刪除咁快﹖今年畢業今年結婚﹗
回覆刪除[版主回覆08/10/2008 17:50:00]新郎哥是她中學同學, 拍拖時間不短。今年畢業即結婚, 部份原因是因為弟婦......
呵呵, 驚後生女面皮薄, 不敢假我手將她的靚樣示眾的呀! 不過可以側寫幾筆......早幾年曾笑說提名她選此地的華埠小姐, 或有機會代表多倫多回港參加無線搞的那個甚麼...華姐選舉; 日前化粧師不約而同, 亦有此語......
回覆刪除好易記，北京奧運。
回覆刪除[版主回覆08/10/2008 22:06:00]日子易記、加埋奧運開幕, 哈哈, 的確係好日子!
咩喜慶, 咩節日,咩假期都要<開枱>?
回覆刪除好野, 點都要摸下 144隻!
無第二樣野可以玩o既咩?
[版主回覆08/10/2008 22:16:00]哈哈, 有人好此道, 有人不；可以說這是我們的家庭節目之一。平常我們一般只在星期日上去玩一次，有甚麼特別事人齊又正經事辦完才會湊夠兩枱, 玩幾個鐘, 也不是壞事啊!
張自拍相就真係影得好...........................差.....會唔會係你手震得利害呀?..大伯.... 淨係影得上半身,仲要連個"大"頭都唔出鏡,係咪怕我地响網雀地食左你個"大"頭呢?......
回覆刪除當時喺廁所面鏡前...一邊打冷震一邊影, 咪又郁又盛, 連個頭都影唔到囉!
回覆刪除嘩.....廁所....鏡前...打冷震???..你响廁搞乜野呀...大伯....
回覆刪除咪影相囉...你唔見咩...?
回覆刪除响廁所影相咁騎呢??..你有辟好鐘意响廁所影相架??
回覆刪除對住個鏡先可以自拍丫嘛, 咪點自己影自己?
回覆刪除自拍呢.....可以單手申長揸機....拍自己囉....
回覆刪除[版主回覆08/11/2008 10:36:00]手短伸盡都唔掂, 而且又睇唔清楚!
咁呀....仲有一個辦法...就係帶定個腳架...SET定10秒自動拍咪得囉...又唔駛走入廁所影...一陣比人見到你响廁所影...以為你變態都未定
回覆刪除[版主回覆08/11/2008 11:17:00]大佬呀, 呢個係自己屋企個廁所黎架, 學你咁變態咩! 出門口之前貪過癮影架, 去到現場想影自己搵個乜人都得啦, 黐線! 我專登唔影個頭, 第日番香港只有我伏你, 你唔識我! 哈哈!
哦...原來係自己屋企個廁所... 伏我??..咪制添呀...我學過太極架...你一嚇我,自然反應咁反擊打傷你就唔好啦...
回覆刪除星伯你做o麥未經我同意就擺我張相出來呀! 擺都擺係法師個blog嗎。哼!
回覆刪除哎吔~!!!..係喎...未得相中人同意post左出黎添....唔好嬲...唔好嬲...嬲對女仕黎講喺唔好架....sandy媽...
回覆刪除揼佢!
回覆刪除點可以話郁d揼人架??..大伯 你已被我點相...請del左張相佢啦...大伯...
回覆刪除[版主回覆08/11/2008 17:53:00]你咁鍾意點我相, 等我第日整張正野擺上黎先任你點啦, 好過呢幅令其他三位靚女芳容無端曝光丫嘛!
你唔揼我咪唔駛點你相囉....
回覆刪除不過而家至怕就係比呢三位靚女揼就真...
回覆刪除