昨晚約了姪女夫婦吃飯。弟弟等去了遊船河尚未返, 在此期間她們要留守度宿看屋。反正大家家裏都無飯開, 趁機約她們出來食餐。
搵間地方較雅緻的上海館子
大人至愛------雞絲粉皮, 麻醬另上
蒜泥白肉, 色雖濃而味不鹹
半隻香酥鴨, 果然肉香皮酥
不大辣的擔擔麵, 適合吃不得辣的麵痴
姪婿洵屬靈長類食肉獸, 且是上海人, 提議來個排骨炒年糕
豬扒夠鬆化, 年糕透心熱, 頗佳!
食物差不多全部清場, 問做不做高力豆沙?(因晚上有不做
點心的前科!) ......做! 咁來一客......
邊談邊等, 廿多分鐘之後, 終於......
一客六件, 體形偏大, 剛上枱新鮮熱辣, 漲卜卜, 猶如小波
蘿包一般......
火候、味道俱不錯, 不過豆沙想是用罐頭現貨, 質感略覺
遜色。
WOW, what a great meal!!! Toronto, here I come!!
回覆刪除[版主回覆08/28/2008 08:30:00]哈哈, 睇到饞蟲發作罅......
呢d咁唔好食,賣相又差既餸菜唔好post出黎啦....大伯.... (睇完好想食添.... )
回覆刪除[版主回覆08/28/2008 10:02:00]不理好醜, 食咗落肚先講, 這才是饞人本色!! 除左為食, 我重有一樣......就係唔敢點嘥野, 哈哈!
唔嘥野咪好囉...好習慣....好耐無食過上海野添..搵日去食返餐先...
回覆刪除[版主回覆08/28/2008 10:29:00]記得影相喎!
影影影....不過講搵日,係唔知邊日....
回覆刪除[版主回覆08/28/2008 10:45:00]食都有食緣, 隨緣囉。
响香港有無邊食上海野既餐廳介紹?
回覆刪除[版主回覆08/28/2008 11:06:00]早兩次同大人返香港, 好似都冇專登去搵上海野食......好多年前記得尖沙咀近海防道/廣東道左近(?)有間叫老地方(?) , D野唔錯, 不會劏人, 不過......而家可能唔喺度咯, 哈哈!
唔記得幾多年前响粉嶺食過一間叫"三六九"(好似係)....味道幾好...不過唔記得點去..
回覆刪除三六九, 我地呢邊都有丫, 灣仔有間喎, 喺皇后大道東, 近GM做野果頭, 你問吓佢... 我夜晚幫襯過一次咁多。
回覆刪除三六九好似有好多分店...但應該唔係間間都咁好食呢...
回覆刪除中午 , 跟同事外出午膳 . 在電梯裹有個十多歲的少女 ,
回覆刪除抱着一個盛裝大娃娃 .
我讚了一句 : 嘩 ! 好靚 !
後來 , 同事問我 : 你剛才點解讚個公仔靚呀 ? 好普通啫 ….!!
我話 : 哦 ! 冇 , 佢抱得個公仔出街 , 一定係好鐘意佢 , 覺得佢好靚架喇 ! 我係尊重同支持佢嘅選擇唧 ! . 而且 , 我係話我讚完佢個公仔之後 , 佢嘅心情好靚 ……..!!
[版主回覆08/28/2008 15:19:00]嘩! 好幽默!
灣仔三六九，執咗好耐囉﹗而家變身連鎖咖啡店。
回覆刪除金十山兄...我諗你係一位情場殺手黎都未定...咁識得氹水仔開心....
回覆刪除間上海館都無嘜人幫襯咁，個湯麵跟年糕好正喎 。
回覆刪除[版主回覆08/29/2008 19:32:00]影相之時尚早, 未夠7點, 所以未係好多人。 不錯, 兩樣野都幾好食, 麵條彈牙, 湯就味濃而不辣(嗜辣者當然冇癮囉!)； 炒年糕是初嘗, 夠熱而冶味......只是返屋企就難免有D口渴咯!
請恕我直言，賣相沒有香港正宗上海小館的精緻，但見您地掃得咁清，相信應該好好味！
回覆刪除[版主回覆09/02/2008 12:38:00]你說得不錯呀, 香港是食的天堂, 非常正宗、以至高級的上海菜所在多有。這邊限於食材、人才、消費習慣和價錢, 很難和香港相比, 事關未必養得起它們。許多東西徒具其形, 精髓蕩然, 有些甚至連形都說不上。然而身處異域, 目前的情況已經比初來時的搵食艱難好得太多了, 就算馬馬虎虎, "好味" 之餘, 食完有些口渴 都要妥協, 難以苛求了, 而且說真的, 此店價錢尚不貴呀!
我唔鍾意粉皮......
回覆刪除我D老友成日叫我.....你條粉皮...死開D啦.....!!!咁!
我好唔唔鍾意!
[版主回覆09/04/2008 17:11:00]粉皮唔鍾意......咁粉頭鍾意嘞卦?!
粉頭係咩嘢？ 係咪即係讚人好有分寸，做亞一哥哄解呀？
回覆刪除等我以後叫佢地做粉頭， 讚下佢地，等佢地開心下，對我好D!
唔好再虾我................!!
粉頭係咩呀？ 係咪即係讚人好有分寸， 做亞一哥哄解呀！
回覆刪除等我以後叫佢地做粉頭，讚下佢地，等佢地高興下，唔好再虾我！
粉頭係咩呀？ 係咪即係讚人好有分寸， 做亞一哥哄解呀！
回覆刪除等我以後叫佢地做粉頭，讚下佢地，等佢地高興下，唔好再虾我！
一講粉頭, 都唔駛一連回應幾個咁興奮呀?! 粉頭係咩? 既有粉皮、粉面、粉腸、粉團、粉絲、粉末...我諗應該有粉頭呢樣野卦?!有云：寧為粉頭, 莫為雞後丫嘛!!!
回覆刪除咁即係點唧! 我讚佢地係粉頭會唔會收到預期嘅效果唧...!!
回覆刪除[版主回覆09/05/2008 10:44:00]咁要視乎你對男定對女講......對男講就差不多人地叫你做粉皮大家咁上下反應; 不過你對女講, 對方若明白, 就會......都幾大劑! 哈哈!!!
我老婆見到我咁多個回應......問我隻手係咪好粉痕........!!
回覆刪除[版主回覆09/05/2008 10:48:00]呢邊天熱就話多人有E型花粉症啫, 香港石屎森林, 咁難中你都領左H型花粉症?
老大, 唔掂噃...! 今日一早見到班友响一齊, 我嗱嗱聲去討好佢地......!
回覆刪除唏! 你地班粉頭, 一早响度, 又攪邊科呀...........!!
就係咁......被佢地抦咗成個鍾...............!!!!!!!
[版主回覆09/06/2008 16:08:00]我講左俾你聽個 "估計反應" 咯喎... 咁你都重要自討苦吃, 我都冇計格! 其實粉頭不宜宣之於口, 只宜......... 架咋!!!
老大...................!!
回覆刪除呢幾個月你唔好出街呀!.....我班朋友摷緊你.......!!!
[版主回覆09/08/2008 11:45:00]乜你原來咁多粉頭女朋友?