三合一大餐

想是昨晚廚神屋企食蟮, 留了一小兜醃好未蒸的給我, 今朝來做運動時順便送上門 ...
就算沒打算煮飯, 都要趁新鮮, 即晚蒸嚟食喇。

大人冇餸帶飯, 外賣多幾樣...
肉碎四季豆、茶皇豆腐牛仔肉、魚露雞

(一邊食, 一邊開飯)

自己祇淥個莧菜湯, 咁比較快有得食...

此之謂三合一大餐
終於祇清晒碟蟮

見捐

中秋節過後, 月餅大平賣。

昨天我們和香港來客四處逛, 在間華人超市見到這個...哈哈, 香港來客其生也晚, 話未見過。

之前嫌貴, 冇考慮買。現在祇賣1/4價錢, 唔食都買個回來掛吓...

豬籠和我那個年代的製作有些不同...從前是有蓋的
現在開了一邊, 比較簡單;
不過就加了個吉祥繩結和粒石, 予人稍為矜貴的感覺, 可以賣貴啲

造型幾過癮

街邊小食

弟婦回家前說忽然想食以前我們煮給小饞吃的JUNK FOOD---咖哩魚蛋豬皮魷魚。

我亦學小饞說...易事喇。因為都唔使乜技巧, 買齊料就得。不過今日買發水魷魚, 走了三間超市才買到。



豬皮和發水魷魚分別出水, 將魚蛋、魷魚和豬皮依次先後放入咖哩汁內, 慢慢煮讓其索味...

此兜拎去小饞家, 另一兜給廚神試吓。
哈, 發覺原來香港來客都好鍾意食, 不過她要小心飲食, 唔敢食咁多...

小饞今日又下廚

佢切架, 砌得甚有心機

跟住煎牛扒

重有碟榨菜蒸豬肉冇影...

明天同佢哋飲早茶...希望今晚贏番多少。

天涯共此時

中秋節。

若是仍在香港, 外母肯定又會整餐豐富的做節, 食到捧住個肚。

大人亦問煮唔煮飯(意思是當做節卦?!)。見得兩個人, 買隻雞浸都食唔晒, 而且放工有排搞, 不如出街求其食餐算數。

茄子枝竹豆腐班腩煲

磨菇炒豬頸肉

食唔晒, 拎走。


----------------------------------


大人今年收了兩盒月餅

今晚試一個

稍叮一叮...

試埋冰皮

月餅吃得不多, 或者根本未食過正嘢。由細到大, 始終覺得吸引力平平, 許是因為不大嗜甜的緣故。尤其現在的所謂蓮蓉, 食落更冇乜香味, 當中有多少蓮子成份實在成疑。當然, 亦唔知是否關乎戒用豬油...。
... 試過之後, 無甚驚喜...自己留番一兩個, 其餘的睇吓小饞哋吼唔吼...

昨日、今日

星期五食了餐自助餐, 昨天當然要食齋...些少的了

, 大人趁得閒煮番餐飯及煲定些麥皮做早餐。

在香港多魚食, 返到嚟幾乎獨沽一味...

---------------------------------------


今天家庭日去細佬屋企開枱, 循例上磅。

保持...

今晚本來想試吓呢盒冰皮月餅,
點知打開一看, 原來是...
棋子月餅

袖珍得厲害...咁不如明晚先同大人一人一個。