近幾天頸側淋巴又似乎開始腫脹起來, 一邊頸扯緊, 頗不舒服。昨天老人家和家人已返回滿地可, 一身輕鬆; 今天中午往與白袍老友敍舊...
"這幾天呢邊頸又好似腫左D..."
(望了兩望) "唔係好似腫左D, 直情腫晒..."; (
)(例牌攞枝探射燈照喉嚨) "喉嚨紅左, 有D發炎..."。
(上次摸左、按左條頸一排, 今次慳番)
"我個喉嚨唔覺痛乜滯架喎?"
"好衰架, 有時D菌不是聚晒在喉嚨...; 開劑抗生素清清佢喇。"
"即是都係喉嚨發炎D菌, 不過在其他部位? ......呢排個口生左幾粒痱滋..."
(一邊耷低頭寫藥, 一邊...) "係呀......。要唔要寫埋枝搽痱滋藥膏?"
"...都好丫。唔該晒。"......(攞了藥單, 起身告辭。)以前喉嚨發炎, 病灶多僅在喉嚨, 會感到乾涸、發痛, 嚴重時沾寒沾凍。近兩次喉嚨的不適感覺似有若無, 又無鼻水、咳嗽; 不過條頸就腫脹及梗梗地(開頭個心驚住可能係其他大劑野
), 於是才去搵白袍老友傾偈。莫非D菌覺得原居地冇乜新鮮感, 移居別處另起爐灶?
今午所吃藥、膳
港股上午停市半天, 星期二的今早遂有半日閒...
半日閒後記
今次的痱滋勢猛, 慣常多用左邊牙齒咀嚼(明知是壞習慣, 不過有 "苦" 衷
), 所以幾粒痱滋集中在左舌及口腔黏膜, 目前觸到便相當疼痛 。於是唯有被逼改用右邊, 還不敢大啖, 慢條斯理, 與平素大相逕庭。今晚的一碗牛肉、牛丸、雲吞湯烏冬居然花了近半小時才吃完。網友說用鹽水漱口會有幫助, 於是晚餐後預備雙管齊下, 希望早日解除痛苦...。
