加國饞人

2012年4月9日星期一

假期前後二三事之二

放幾天復活節假期, 大人班中一些學生的家長約好在假期首天組團帶自己啲(口靚)去玩, 情商大人陪團。

大人客串做陪團義工, 我就當去旅行, 做大人跟班, 聽候差遣...

位處頗遠, 走高速公路亦要個多鐘頭的車程
入場費每位$10

中國有啞子背瘋, 這裏有靚女騎雞

農場

排隊搵蛋

喺呢度搵...

專人化粧, 塗到鬼五馬六, 下面有 "板" 睇...

PUPPET SHOW

畫得都幾過癮

場地的運輸工具---夢想38幾時能夠進軍國外市場就發咯... (day dreaming)

地方夠大, 充滿園、野風味

振翅欲飛...

坐晒...落車

噫, 平時一星期大概玩兩次, 都想試吓身手... (day dreaming)

平時玩的全操縱在別人手上, 自己任憑宰割; 今次有機會自己控制一次嘞卦...
搞錯呀...限身高咪好囉, 限磅?
不合資格, 唔受我玩...

睇動物

迷宮

真雞嚟架, 任玩唔嬲

模擬 "揸牛奶"

時間長過返工---早上未夠九點約了家長一齊食早餐, 直踩到五點幾才收工...攰到C...
鍾意買嘢嘅, 亦會樂而忘返, 裏邊好多好多嘢賣...食的, 玩的, 扮靚的, 做紀念的...
不過 (hurry up!)

, 要趕住出嚟同家人食晚飯, 臨走順便買了個新鮮蘋果批冧小饞。 (big grin)

稍後尚有下文...

2012年4月7日星期六

假期前後二三事之一

網友倒記得我們在兒童節會食餐慶祝的。 (winking)

不過, 今年呢餐要順延了; 有心唔怕遲。

因為今年四月四日碰巧也是清明節, 弟弟一早約好了家人食飯, 佢嗰餐當然緊要啲...

接完大人放工, 上到去做了應做的事...
然後埋去睇吓狗狗先...今次見到似乎又乖咗啲

人多, 一放出嚟就唔驚冇人同佢玩

預備開飯咯

廚神的生炒糯米飯, 用美國的磨碌(肥肥短短)糯米, 油少唔肥膩, 啱食。
第一碗食糯米飯, 之後再添1/3碗白飯...撈些少魚汁 (big grin)

...從前好喜歡食齋鹵味...
上次我哋買, 今次侄女買

飯後甜品
大人還浸發了一大碗雪蛤膏拎上去煲糖水, 侄女鍾意飲, 飲完再拎
CIMG1112

時間大神, 請繼續發功...

2012年4月4日星期三

車龍

往接大人放工, 在車內聽收音機叫人快啲今日入油, 明天每公升會狂加4.5仙!!! (今日$1.35 / 公升)

瞄瞄油錶, 還有半缸油多啲...不過既然事先張揚加價, 重加得咁重手, 諗住經過油站都順便入滿佢...

接到大人, 沿途的油站都已見車龍, 有些還在馬路邊排著隊, 未曾入到油站。看形勢至少要排四、五十分鐘以上...。都係咪搞, 入唔夠半缸, 排成個鐘, 通常如此情況又會比較混亂, 終於過門不 "入" 。到食完自助餐回家, 車龍仍未散...

烏龍(烏, 所以命色也; 與矇無關 (big grin)

)

大人收工, 要去買些咖喱角明天返學校食。幫趁慣一間印度食品專門店, 裏邊好多叫不出名堂的食物, 單是甜品都睇到眼花撩亂。幫趁的九成以上是印度人。(據說印度人好像都分幾忽, 譬如東部、西部...等, 佢哋自己友當然識分邊忽打邊忽, 忽忽啲人會有啲佢哋不同的生活習慣, 包括飲食。此外, 印度果忽附近還有斯里蘭加, 巴基斯坦...等等, 我覺得 "差" 唔多又好, "差" 多少都好, 根本唔識分, 總之是膚色較深就是了 ...)

平常不會咁多人的, 但今日好似約埋一齊趁墟咁, 條龍有成廿人, 烏媽媽的, 儼然一條...烏龍。我和大人排埋去, 似乎亂了套, 有點兒唔係幾夾的感覺。 (big grin)

病龍

買完咖喱角, 又去見白袍老友。月初和大人一齊驗身, 佢今日才返去聽報告, 我就去聽埋上次自己的手尾。去到見人頭湧湧, 幾乎冇位坐。通常放完假尤其長假才會咁多人, 今日星期二喎... (confused)

。等了大半個鐘輪到我哋, 今次我哋都喺入面傾咗好耐, 應該破了紀錄 (tongue)

。耐的原因, 是白袍老友最近開始將病歷及藥物等資料輸入電腦, 諗住一勞多逸。佢一邊講吓問吓, 一邊打嘢, 見佢都唔係咁熟手, 搞一個都花了唔少時間, 難怪...出面咁多人喇...。

問佢點解唔搵個秘書做, 佢話秘書係有, 但呢啲嘢要自己落手落腳做才放心喎。早前佢趁春假放了兩個星期, 原來都係搞呢樣嘢。如此看來, 白袍老友似乎尚未有退休之意, 咁我哋都比較安心。