星期日又有機會同狗狗玩吓
圍了個新地盤闊落好多
漸漸學會放出嚟都多在階磚範圍活動
不過有時玩到發顛...會沿屋內繞圈狂跑...兩圈, 兩圈咋, 跑夠兩圈, 就自動趴響度扯氣...
(似我做運動咁款...行行吓加速跑三兩分鐘就索晒氣...
)據說以前鍾意出街, 試過一次弟弟帶他行得太耐, 可能攰得滯, 行唔郁要抱番嚟...此後, 就唔多想出去了...精過鬼...
百厭、黐身、為食...不過幾好玩
...抱住佢之時, 不停舐呢度、舐嗰度, 有時重擰轉頭兜口兜面...避都避唔切...
見附近有人, 有時會企度搖尾狺人放佢出嚟玩...
冇人睬佢, 自己就CC地氣, 喺入面...玩、咬、扯...抖...
Most puppies act the same....That is what we classfied as 'Toy Dog", they are not Outside pet and will not be able to survive too long on the outdoors...
回覆刪除[版主回覆04/03/2012 09:39:55]哈哈, 唔怪之得; 據說從前一開門就想標出去;
試過嗰次 "長途" 之後, 就冇咁雀躍咯...
正過香港人住劏房
回覆刪除[版主回覆04/03/2012 09:48:43]夜晚瞓覺都要入籠
阿大...早晨呀...
回覆刪除佢個地盤都幾大喎...
[版主回覆04/03/2012 09:55:17]MISS早晨, 就算唔放佢出嚟, 喺個PLAYPEN裏邊都多啲地方活動, 稍後熱啲, 我諗會畀佢出後園玩...
“會沿屋內繞圈狂跑...” 我其中兩隻貓每晚都會咁暴走一輪，但現在D架步執過位，佢地沿舊路線跑，跑到個起跳位...冇咗﹗窒步...茫然 有一隻仲好似卡通片咁，唔記得少咗個位，跳到一半，“董”咁跌番落黎，笑到我死﹗
回覆刪除[版主回覆04/03/2012 12:54:54]哈哈, 都是慣性之累...
隻百厭仔一追嘢就忘晒形, 又跑得快, 在地磚上又 "先刂", 成日驚佢收唔到掣, "砍" 頭埋......
好慘！遲Ｄ佢會跳出嚟啦！
回覆刪除[版主回覆04/03/2012 21:42:39]都唔算太慘罅...圍欄尚算闊落; 而且不時會放佢出來走動吓, 玩吓的, 天氣暖啲, 重會放佢出後園玩及同佢出街散吓步...。主要是目前尚細, 待佢識得去廁所之後, 就會盡量由得佢自由活動...
好快 d 俾心機教導佢, 唔喺大 d 就惡教啦, 到時你就知味道, 生番咁,爛玩兼爛鬥就弊啦
回覆刪除[版主回覆04/04/2012 01:17:04]我祇負責玩, 教是弟弟的 "責任"
阿大...早晨呀...
回覆刪除狗狗都幾幸福...
今日兒童節...記得阿大好似應該要去慶祝喎...
[版主回覆04/04/2012 12:20:37]MISS早晨!
好記性, 心水清...
今年特別...讓期予弟弟, 清明正日, 喺佢屋企家人坐埋食餐先;
慶祝我哋兩個超大齡兒童嗰餐遲的都冇所謂...
多謝曾到訪我的網站，看到你的小狗，回想我的小狗，牠於兩年前年邁過世，再没有養狗。
回覆刪除[版主回覆04/04/2012 15:04:41]這是我弟弟新養的狗, 我間中去佢度, 才同佢玩吓。