加國饞人

2012年1月8日星期日

食絮

今天飲完早茶逛了三間超市...。

大人歎了半個月假期, 返工前買餸、煲湯整番一餐, 不過冇煮到飯。 (big grin)

今晚淨食呢兩樣...

冇煮飯, 焗了幾片蒜蓉包

雜菜湯

雞脾完全冇郁過, 是大人預備帶返工的餸

DAP番些少

其實對身體正常的人來說, 龍蝦肉並不算傷身(不過我就有些問題... (tongue)

)。一隻磅多的龍蝦, 大約祇得三幾舊較大的肉, 而且脂肪不多(?)。我諗傷身的是那些龍蝦膏... (big grin)

淨番的, 多過食落肚的好多好多; 既知那些龍蝦膏傷身, 唔敢一餐食晒咯...

呢煲湯好味

...材料：腩碎、小南瓜(BUTTERCUP)、茴香、洋葱、乾葱、西芹、紅蘿蔔、羅馬茄...
為求多些肉味, 大人還買了一包幾舊的火雞頸(不用都應該夠味, 因南瓜夠甜), 有南瓜亦不必用薯仔, 選用較瘦的碎腩沒那麼多脂肪。
先略炒香材料才落煲...
此湯可以飽肚, 呢兜飲剩, 可以晏晝代餐(撈啖飯一齊食, 去做運動都唔怕血糖低), 或許可以調節一下平日的暴食??? (winking)

今天在超市見有 "金黃無核石榴"---無核? 就算搵笨都要試吓... (thinking)

深色的是早前買的特大石榴, 淺色的是今天買的, 買一個試吓。大、小明顯有別, 價錢卻差不多。

肉較細粒, 核亦然---其實不是無核, 是核沒深色的那麼硬, 又細粒, 連我咁OR GOR的, 都可以輕易咬爛吞埋 (big grin)

; 雖細個, 亦幾甜。
咁可以剝開放入雪櫃分開慢慢食, 唔使打汁咁要一杯飲晒, 亦食唔到渣。

上次在廚神家打邊爐食過的韓國魚餅, 大人覺得幾好, 今天搵到買了兩包, 一包諗住給小饞試吓...
95%魚肉...(?)

中間橢圓的相信就是網友說的疑似...鮑魚物體 (big grin)

2012年1月6日星期五

再戰

上週在弟弟家已經打完一餐邊爐, 今天廚神又叫去佢屋企。

再過多兩個星期, 又到農曆新年, 咁搞法... (tongue)

驚還驚, 盛情難卻, 而且鬼叫自己為食咩。擔心何益, 不如放開懷抱...及皮帶, 食在當下罷喇 (winking)

; 至多就住嚟食, 跟住做多啲運動... (liar)

半紅一啤, 俱入吾肚

2012年1月5日星期四

獨食、雀名

趁這個學校長假期大人與家長慣性會相約射雀嬉戲, 一喺唔打, 一打就昨、今連玩兩天。

不知大人是否覺得賣甩我有啲 "內疚" , 昨晚回來, 見我全日掃雪櫃嘢掃了三餐, 慫恿我今午去食自助午餐。

兩個人去食自助餐食得多, 極少一個人獨食...。今朝食唔到馬肉, 提早去瞓。瞓了一覺幾個鐘, 精神稍復, 又見啱時間食晏, 反正無聊, 一兜友就一兜友去食喇... (big grin)

自助午餐除了沒有那些限叫一次的廚師特別推介和各式刺身, 食物基本上和晚餐大致一樣。冇刺身食, 肉的比例較晚餐食少許多。今餐壽司、手卷, 還有那碗牛筋拉麵等, 澱粉質豐富, 啱飯桶腸胃, 不過好快食飽收工...而且可能今晚慳番餐了。 (big grin)

食完印照 "給" 。遞日或者多啲晏晝幫趁, 甚至試吓叫啲價錢較平的散餐, 若都有印 "給", 那儲印食半價和免費餐的成本和傷身程度都可以略為減輕一些! (winking)