喪食

雖然先輩教落呻饑莫呻飽，
然而今晚真係...真係...食得...太...滿足!
😁

涼瓜牛肉兩面黃(米粉) 分上

呢碟嘢要咁食法

食肆多數唔會睬你

我自己還有杯奶茶添

---------

會問：
咁都話喪食?

哈哈...嘩哈哈!

稍安毋躁，
讓我慢慢道來!

上面的並非單只是雙英享用，
而是七個人一起食晚飯 ~

差不多用畢之際，
識途老馬說起佢在這裏食過的正嘢...，
逐樣再叫的!!!

事緣
上週六在廚神府做陪客，
食完餐飯圍坐嘆茶噴口水之際，
原班人馬訂下今晚之約。

上去廚神府黐餐不少，
一早私下和廚神兩公婆講定今餐等我嚟...。

諗住普通便飯，
開頭都冇影相。

原來三口之家經常在這裏開餐，
食慣食熟(熟晒尐伙記和老細)，
這裡是他們的飯堂。

雖然是細細間的茶餐廳，
尐嘢真係幾好食(味精就少不免的了...)。

三口家之主預早訂咗煲湯 ~ 番茄木瓜雞腳豬骨湯，
一大煲(個煲真係好大...圍抱都未必可以合手)，有半煲多尐，每人大概有四五碗(白飯碗)，
飲唔晒，要廚神和三口家各拎尐走。

還有...

枝竹羊腩煲跟菜
蒜香骨
欖角蒸鱲魚
咕嚕肉
羅漢齋煲
兩個白飯

食到咁上下又逐樣加...

薑汁芥蘭
涼瓜牛肉兩面黃
最後還要嚟個花生醬西多士
我更整杯奶茶添...

自己覺得，
以茶餐廳的家庭小菜水準來說，
真係幾正架罅!

今晚至弊班友原來唔多食飯，
飯桶當然當仁不讓，
個人連盡碗幾!
隨後的兩面黃和西多，
更無理由唔試的...。

咁食法，

太多固不待言，

夠唔夠喪亂吖?!
書聖有喪亂帖, 饞人亦有喪亂(食得既喪且亂)餐焉!

哼，當饞人流架?!