過府

昨天去家長屋企黃昏燒烤


稍遠又未去過, 唔識路, 睇定路線點行...


旅行型的氣體燒烤爐

是個比較新發展的住宅區, 後園就是大自然的小樹林, 好地方!

須彌芥子; ...未必一定要去到好遠、去睇好大的森林...
這裏的樹木, 相信四季都各有睇頭! 祇看有沒有心情、有沒有閒情...

下學年轉校了...
見到大人, 當然十分雀躍, 玩埋一堆

哈, (口靚)仔現在玩就過癮, 遞時若要叫你做, 你就知味...

烤好的粟米

天氣好, 平時出嚟坐吓, 應該十分舒服

國、粵、英三條頻道跳來跳去, 又帶童音; 聽唔慣, 耳都側...

毗連多戶的後園, 刻意沒造圍欄分隔, 景觀自然開揚得多
那當然彼此要有公德心, 和需要自重, 不要令鄰居討厭。

待日頭照不到, 開始...

(口靚)仔的口味, 不過我都整咗一個---冇醬的。

主菜：幾大件3A牛扒
佢哋細食, 於是饞人不讓, 食到好飽

之後西瓜、怪獸麻雀、白果腐竹糖水...跟尾;
燒完嘢食轉換主題, 開枱玩陣, 兩公婆打兩公婆, 諗住打到十一、二點就告辭。...打、打、打...到點幾兩點, 主人家尚興致勃勃, 略無收手之意。雖然個人獨食四舖十三么(因是怪獸麻雀, 做13么的成功機率大好多, 但佢哋 "抱殘守缺" , 似乎唔係幾識計呢條數..), 可由於近月罕有操練射雀, 打得咁上下已經眼濕濕頭耷耷, CC吓咁捱...。
主人家還叫不如喺度過夜喎...哈哈, 今日的鐵人, 已非昔日的鐡人鳥...。而且龍床不如狗竇, 好意心領, 還是夤夜鬆人, 走為上著...。