21/8/12 星期二 (第四天)
行程最後一天。
清早離開紐約, 起程返回多倫多了。
要整天坐車, 中途會在一個大型購物商場停留兩小時許自由活動 --- 食晏, 買吓嘢...
回程經過較多山區, WIFI 時有接收失靈的情況。多倫多地勢平坦, 湖光是有的, 山色卻闕如。於是叠埋心水, 睇一陣山區風景、影吓相, 眼睏又瞌一陣...
山巒叠翠, 都幾養眼
山區比較潮濕, 有霧
坐到...有啲痛, 終於到商場, 可以落車鬆吓。
嘩...104間, 大人心情想必興奮 , 祇歎時間唔夠r啫
貢咗幾間, 剩番時間己經不多。匆匆買兩隻, 囫圇吞狗, 唔使十分鐘搞掂。
食完續行多一間, 大人仍意猶未盡, 提醒佢夠鐘上車罅
, GUT GUT吓有排行番去架...
又要再坐近三個鐘先到邊境過關
返到瀑布區
過關前去免稅店諗住買箱啤酒, 原來全部係24罐庒, 冇12罐庄的;
平係平, 買咗就梗密密飲, 24罐實在太多; 而且大箱好重, 大人腳傷已幫唔到手拎行李, 又買了些衣服, 咁多嘢都幾難拎, 終於放棄......買啤酒, 係咁意買枝紅酒算數。
坐旅遊車陸路入境返加拿大好易話為, 今回真係唔使我哋落車檢查。兩個人上嚟旅遊車, 一個做前, 一個做後, 我哋揚吓本護照就掂, 相都唔使望。收了報關表, 買幾多嘢入境問都冇問。好似早前我哋囫圇吞狗咁, 不過我哋吞一隻, 佢哋最多吞隻半咁多時間, 好快搞掂。
兩個小時之後, 廚神同妹夫嚟落車地點接我哋回家... 之前, 梗係一齊去食埋飯先喇...
掛住講旅途花絮, 全部慢半拍甚至一拍, 幾乎食晒先記起未影相...
燒鴨半隻
黃旗班兩味：西芹蜜豆皇子菇炒球、豆腐蒸骨腩(好在重有啲
)
梅汁排骨
兩人份...今回連我都收獲甚豐, 底底面面都有...
早前想吼吓買件羽絨背心, 不過嫌多數都臃腫漏 "暴", , 穿起漲卜卜, 好似機械人。而且羽絨含量有番咁上下、衫型稍佳的, 又實在覺得太貴
。 今次無心插柳...
這件羽絨背心減價(雙面架, 可以反轉著), 現在大概原價五折, 若非減咁多, 我一定唔捨得買...
現在加幣兌美金已高過平算, 而且加拿大一概收13%稅, 美國100元以下消費祇收4%...難怪近來加拿大人過境購物蔚然成風, 一如中、港情況...
美東遊至此圓滿結束!
Good buy! Polo Vest and Loste cap!! US is very cheap if you know where to go!!!
回覆刪除[版主回覆08/29/2012 22:26:49]一來時間匆匆, 二來盲頭烏蠅, 而且要碰巧睇到啱心水的...
美東遊印象盡在不言中 ---------- 一舊雲
回覆刪除[版主回覆08/30/2012 09:49:01]豈祇一舊呀?
阿大...早晨呀...
回覆刪除收穫豐富...
[版主回覆08/30/2012 10:33:40]MISS早晨!
今次自己都算收穫豐富咯...我甚少出手, 偶一為之咋。
大人就發揮得未夠淋漓盡致...同廚神食飯之時講開, 若佢哋自己落美國, 可叫埋大人睇佢得唔得閒, 同佢舖定條路。
...山巒叠翠, ... 現在上下班乘巴士時都見到差不多的風景，當然冇咁“闊”啦，因為多數有位坐，眼瞓時瞌下，醒時睇下風景，唔錯0架。
回覆刪除以前都會買羽絨背心，但著時個身夠暖，對手又凍...所以束諸高閣，冇著好耐LU﹗
[版主回覆08/30/2012 20:03:43]坐車反正無聊, 欣賞吓風景, 都係閒趣。
講真唔使返工, 尤其在呢邊, 衣著隨便好多, 過到嚟我都已經極少添置出嚟見人的衣服了, 反正現有的都根本著唔通; 當然裏邊穿的損耗較大, 久不久還是要買啲更換。
認真大減價的時候, 偶然手痕會買一兩件(多是冬天衫), 許多不是需要, 祇是見抵貪平
這件羽絨背心今個冬天就多數會開齋, 認真凍尤其風大的時候, 裏面有呢件嘢打底, 個身會暖好多, 而且貪佢不太臃腫。
D飯餸好有親切感
回覆刪除[版主回覆08/30/2012 21:27:27]對, 跟團的團餐多數在埠仔的中餐館食, 唔會有乜好嘢食架罅, 多倫多和溫哥華算係海外華人社會中比較多啲好食中菜的地方。
[shadow回覆08/30/2012 20:57:18]哈﹗其實應該咁寫：D飯餸好有親切感呢~~ 係你們“久違”了的中國餸
我家比較少外出食飯，燒鴨係有時唔知食乜餸，就會斬半隻。
[版主回覆08/30/2012 19:33:50]你同家人都好呢幾味?
阿大...早晨呀...
回覆刪除今日好D未呀.......其實買嘢好多時美加仲抵過香港....
[版主回覆08/31/2012 10:23:49]唔出奇, 不過就睇一啲啲嘢。
[版主回覆08/31/2012 10:21:52]MISS早晨!! 啱啱開完枱返嚟...
有心。終於頂唔住, 打敗了。
前幾日食感冒藥頂住, 星期二咳埋, 知唔掂。星期三醫務所休息, 今日又約了舊同事開枱, 嗱嗱聲星期二晚食藥庫存倉的抗生素和咳水, 並在今朝開枱前去搵白袍老友報告病情及照喉嚨, 睇吓有冇食錯藥。
自作主張食抗生素, 好在白袍老友無鬧, 仲寫番另一劑畀我睇門口添, 哈哈。
食咗兩日抗生素, 今日咳少咗, 亦咳得鬆啲; 人爽番少少咯。
坐車可以去多一些地方, 逐個停吓、睇吓, 不過其實我麻麻地喜歡旅行, 咁玩法, 3-5日夠晒皮。
回覆刪除有心。
大人已去睇了醫生, 唔使食藥, 祇熱敷了幾日, 逐漸復元。
[版主回覆09/01/2012 12:09:37]跟著差啲團, 真係幾激氣。
呢便啲巴士團都係坐車時間多過睇嘢, 收費就唔算貴, 兩個人四日三夜, 共500元團費多啲(連保險), 若是自己住幾晚酒店都差不多了。不過食就真係冇乜好食, 求其食飽就算。