試新

假期多數會同大人去飲番朝早茶, 今天試了間新嘢...

幾多嘢食, 有啲重比較特別
燒鴨潤腸? ...唔係臘腸, 係腸粉嚟架..., 即管試吓...
可惜...太早喎, 未有得食!
改蝦腸囉


去飲茶我甚少食包, 但燒腩卷...搵日想試吓...

叫咗呢幾樣

從餡料所見, 應該不似是出邊有得賣的山寨貨, 幾好。
點解唔食飯而食糉?...哈哈, 因為煲仔飯比XL還貴上一級, 叫 "華麗煲仔飯" 喎...
想朝早食啖飯啫...
(哈哈, 寫到這裡, 忽然有啲好笑...。有位網友曾提過我喺屋企舖flyer墊枱開餐, 乃係小農心態(?)。剛剛想起, 我飲早茶喜歡食飯呢樣咪重似---食啖飯就要落田開工咯...?!
如此這般略盡環保棉力, 到那時方知是小農心態! (這詞如今都已成貶詞了吧?!)。不過, 相信我仍會繼續 "小農" 下去---FLYER墊枱、朝早飲茶會食啖飯...。
至於鄙 "小農" ---甚至有些人...慕 "藍血" ---本身沒有甚麼問題, 反之亦然。出身、條件、價值觀和取向都各各不同嘛...)
哈, 竟然扯遠了...
兜番轉頭......講真早餐食盅飯使要幾華麗呀? 對於在尋常平價食制之中, 阿茂整餅(?!)咁刻意 "踵事增華" (點整到佢華麗呢?)嚟收貴錢, 飯桶一向唔BUY...; 在我看來, 至少是改壞名了...

三文魚頭炸得好食, 冇乜粉...
屋企冇炸嘢食, 大人個人幾乎搞掂晒

稍為普通

哈, 正!
豬潤爽, 粒肉有咬口...

會繼續幫趁, 稍後再試其他的點心

奇怪、奇妙

上星期廿多度, 可四月尾的今天, 竟然仍會落些許濕雪---奇怪的天氣!
接大人收工後去辦件瑣事, 路濕塞車, 幸好時間鬆裕, 沒有遲到。
搞掂後, 順便就在附近開餐---去食久違了的牛雜粉。整多碗燒鴨瀨、炸魚皮...

今晚的芒果, 唔夠香、唔夠甜, 唔夠滑, 聊勝於無。

---------------------------------------------------



生命的奇妙...

父、子、今、昔

特別鍾意---又英又靚仔......HAWA?
呢套衫又型又很有意思, 貼切...佢老豆個名叫BATS架..., 難得畀佢哋買到...

扮晒淡定而好學, 哈哈
個藍色墊係好遠水路喺呢邊帶番去的...睇個樣挨得好舒服...

得意...
有啲心思思...若是大人得閒, 趁淡季機票平, 唐伯虎可能考慮飛返香港...

食粥兼食魚, 探人兼探路

今早做運動遇廚神, 叫晚上去佢度食粥。可以慳番諗少餐, 又啱大人口味, 梗好喇。


泥鯭粥
過來之後, 未買過泥鯭食(喺香港後期都唔敢食)。這些雖是急凍貨, 廚神用魚露稍醃略煎臨尾才放落粥, 居然不腥, 比想像中好食。
瑤柱粥底, 加果皮、冬菜, 甚正。
不過煲好粥內頗多細碎幼骨, 我要先食晒泥鯭, 再慢慢 "妹" 粥, 不敢掉以輕心。

鹹煎餅、牛脷酥、油炸鬼都有, 買漏了煎堆...

廚神家用 "千日" 鹵水所鹵的豬心、豬脷、豬肚、腩肉及雞腳

大人食咗兩碗粥, 不知稍後會否番尋味? 若然, 相信佢會將泥鯭拆肉咯...



---------------------------------------------


食粥前閒話家常, 順便打聽有關護老院的情形。 廚神終於記起我早前提過想跟去探探入面位老人家。

食完出發; 探人兼探路。我未去過, 要佢哋導航...

老人中心由本地知名的華人組織營運, 規模相當, 受政府撥款津貼; 此外, 年中亦會舉辦大型的慈善活動籌募經費;
有多個院舍地點分佈各區, 但仍供不應求, 等候條龍好長...

大堂一角

接待處

上到探人的的樓層

老人家住的是雙人房(月費$1600; 單人房好像是$2200。)
早期主流及華人組織營辦的這類老人中心一般分四人房、兩人房及單人房; 近年興建的就全部是兩人房和單人房, 活動空間較多, 住得比較舒適。

房間內的標準傢俬---床、矮櫃、長椅、單椅

兩人共用的洗手間, 頗為寬敞; 不過要去別處指定地方洗澡。

一簾之隔的 "鄰居"

外面走廊啲牆有啲嘢玩...讓老人家隨時隨地練習腦力

會客室---播緊 "怒火街頭"

還有些中國的坊間古籍

院友見到會有親切感...

探過了老人家---近來雖少見, 她還認得我和大人。
此行說了大半年, 廚神去時總忘記叫我, 終於今晚無心插柳反而成事。
見到這裏的環境甚佳, 乾淨企理, 又有護理人員照顧妥當, 對病人和家人應該都好。親友可以隨時探訪和陪伴病人, 沒甚麼限制。
今次探人順便探路, 參觀了半層地方和設施, 覺得這裏的環境很不錯。
想像有朝一日, 自己不能照顧自己的時候, 又不希望令身邊的人太過勞累辛苦,  這裏或者都算是在部老爺車 "回廠退役" 前不知會停留多久的理想過渡尾站...
不過, 要停這個站, 貴用不菲, 更要排隊...。之前說過的, 金錢未必能買到快樂, 有時卻能以之作藥用, 減輕一些痛苦。可怎樣搵定多啲藥啊? 

夜了, 要走咯...