星期六得閒, 大人郁手清潔爐頭, 我...就在旁聽候差遣。
拆開...拎晒啲污糟的舊錫紙走
連扭掣都擰埋出嚟
先搞掂一邊...
再搞另外一邊...
全部搞掂
-----------------
上次去食沒有甜蝦供應, 大人心中耿耿。當時據小妹說, 要假期才有...(?)。於是不惜食貴$2, 揀昨天假期去食甜蝦。豈料...; 今次有蝕水的感覺!!!
覺得蝕水是因為...以為昨日食夠五次有半價, 原來下次才有; 而且, 另一位小妹又話平日都有甜蝦架喎...咁就唔使特意揀假期去食喇...
-----------------
食得好飽...返屋企焗番杯墨汁消滯...
哈﹗好一齣婦唱夫隨 :-))) 現在呢家餐廳的食物睇落真係好過以前(執咗)嗰間好多﹗
回覆刪除[版主回覆11/21/2011 09:33:31]哈哈, 廚房重地乃大人管理的領域, 清潔及搬抬粗重工夫佢差遣我做, 但拆爐、舖鍚紙和 "芒" 保鮮紙就佢手勢好啲...。以前我哋去開那間並非此店前身, 離住處較遠, 仍在營業中, 不過我哋已貪新忘舊。呢間的食物及賣相的確幾好, 所以...先密密去食。目標是食到餐免費的...8-目
阿大...早晨呀...:)....其實上次見你張印仔咭已經覺得係食五次之後至有半價...不過......咁豐富食多餐都無所謂啦...^^
回覆刪除[版主回覆11/21/2011 09:45:32]早晨呀 MISS, 你心水清...我弊在先入為主, 成日諗住第五次嗰格印住50%, 咪以為...。好在星期六我算狀態大勇, 食得比平時多些, 食到甜品都重覺得好好味, 沒甚麼勉強的感覺。食完半夜同寵物玩耍都唔使食宵夜咯, 不過就飲了好幾杯墨汁解渴...;-))。
Good team work! The sell the aluminum covers for stove top, this way you can just put one one, quick and simple...
回覆刪除[版主回覆11/21/2011 10:40:28]換錫紙蓋及圍邊...一污糟就換, 比較乾淨, 又唔使抺餐C, 略慳工夫...;-)
下次洗廁所，又可以慰勞一下。
回覆刪除[版主回覆11/21/2011 15:14:00]咁即是叫大人慰勞番我咯噃...大人管轄的領土僅及廚房, 而且一年之中大概祇行春、秋兩潔大典, 餘多由我打點; 廚房以外, 更俱屬於我的...清潔範圍, 有時就算慰勞都補唔番的...T_T
我的爐頭買自煤氣公司，標明唔可以舖錫紙，每日都要清潔。
回覆刪除[版主回覆11/22/2011 00:14:35]可能因為煤氣爐用明火...?! 咁我用電的, 舖錫紙會否有問題呢...?
食物好新鮮＋豐富，加拿大衛生監控較嚴。香港好多連鎖壽司店，魚生來自國內或東南亞，＄５蚊一件壽司，我唔敢生食。去正宗日本餐廳，取價好貴。
回覆刪除[版主回覆11/22/2011 00:26:09]大人和我都喜歡吃刺身, 若在其他的餐館散叫嚟食, 普通嘢都唔平, 稍為矜貴的食材更貴得厲害, 要常食又要食得過癮, 嘿嘿, 我哋肯定難以負擔啊。所以...食吓呢啲日式自助餐, 都已經好滿足架嘞...8-)
阿大...早晨呀...^^....慰勞多幾次...好快就有免費餐食....:)
回覆刪除[版主回覆11/22/2011 10:29:48]早晨呀...MISS, 慰勞多幾次...好快就屋企冇錢開飯...8-)
阿大...早晨呀......屋企冇...咪出街囉...:P
回覆刪除[版主回覆11/23/2011 10:09:10]MISS...早晨呀......屋企冇(飯開)...咪出街(去睇吓邊度有免費餐派)囉...? ;-(
你間屋保養得好好喎! 住左咁多年都仲好新淨。連啲餐具碗碟都「省」到立立令，睇黎你地的清潔功夫做得很不錯呢。我間屋就百廢待舉，真唔敢攝入鏡頭，哈哈! 睇黎要「的」起心肝，明年要認真諗下大裝身了。
回覆刪除[版主回覆11/23/2011 19:28:33]這邊冇香港咁潮濕, 較易保養。廚房相對少用(! ;-) ), 用時更不炸亦少煎, 以蒸、焗、淥為主, 故油煙不太多。 8-)
阿大...早晨呀.....仲未慰勞完呀?...快d去食半價餐啦......^^
回覆刪除[版主回覆11/24/2011 10:07:48]MISS早晨!! 自助餐的QUOTA有限, 至少要守齋至下星期呀, 間嘢唔好咁快執就得嘞... 8-P
阿大...早晨呀.....我地守齋時都可以食海產架...:P....你多d幫襯佢咪唔怕會執笠囉...^^
回覆刪除[版主回覆11/25/2011 10:46:58]MISS早晨...8-) 我哋自己守的齋叫 "隨意齋" (同陳意齋冇關係的), 原則上食乜都冇所謂, 不過係唔食自助餐...8-P...計落現在都已幫趁甚密, 唔使日日午、晚兩餐都落去佢度食HAWA, 若然係咁, 就算佢唔執笠, 我都破產咯 --- 一樣以後冇得食!! = =
阿大....早晨呀...週末快樂!
回覆刪除[版主回覆11/26/2011 09:45:58]MISS早晨! 天天快樂呀!!...8-)
"廚房以外, 更俱屬於我的...清潔範圍",點解我相公就睇唔到呢段文字呢?我真係好羨慕大嫂呀.....
回覆刪除[版主回覆11/30/2011 14:08:42]你相公生有神眼, 具"自動選擇盲點特異功能", 佢唔想睇嗰啲就睇唔到架嘞...;-)