瞓醒時近中午, 慣性開電視看看股市及天氣...。
嘩, 原來電視正在即時轉播一單...警察追車
畫面最上方的行車道上, 可見三架警車呈品字形正緊隨一架被偷的拖車行駛...由凌晨四時開始, 鍥而不捨咁追住...
轉彎...
後面至少有五架警車...
在QEW高速公路上
見附近冇乜車, 兩架警車分別超前...
意圖逼慢架車...唔掂; 唔敢夾硬嚟, 拖車大架, 有乜依郁可能會好杰。
拖車沿QEW駛至尼亞瓜拉瀑布區
電視所說的兩條橋應該都是連接美加邊境的行車橋(?)
睇到呢度, 夠鐘接大人放工一齊食晏(今日是學校PA DAY, 祇返半日)...時間是中午12:15分
大約1:45PM回來...
已經逼停架車
錯過了最緊張關鍵的一幕添
差不多十小時的緊張千里追車, 終於將司機拘捕, 在公路上的其他人、車總算無事, 有驚無險...
(這張是觀眾提供給電視台的照片)
呢架好似係第一拖喎﹗可惜終於停咗。
回覆刪除[版主回覆11/01/2011 09:20:18]在香港港交所行緊部東方紅今日唔止停, 重會褪後...。美加普羅市民用的日常用品許多是中國製造, 但呢啲拖車打唔到入西方市場, 否則拖車已是紅底股。
阿大...早晨呀... :)
回覆刪除[版主回覆11/01/2011 10:53:07]MISS早晨...仍然好忙呀? 8-)
嘩﹗好緊張喎，冇咗最好睇嗰截:-( 美加地方周不時有呢d驚險場面。架拖車又長又笨，在公路上一望無際，冇得匿，追到係遲早的事，幸好冇人傷亡(=o=)/ 咦，偷架咁o既車，都好難甩身...
回覆刪除[shadow回覆11/01/2011 13:44:56]架新相機得心應手了﹖:-DDD
得心應手...? 暫時勉強喇, 不過是因為個心唔多識要求啲高深技術, 簡單一兩度板斧庸手已經滿意, 哈哈。但正如大人所說, 我手腳慢, 好多時對得嚟, 遲遲疑疑, 已錯失捕捉目標的良機。 呢個司機的(犯罪... 8-目)心理質素都唔錯, 正如你說, 畀幾架警車跟住, 明知走唔甩, 仍然唔肯趁早投降, 玩咗成十個鐘...。最後幅相用槍招呼...唔使講, 捉到上埋手扣。佢偷呢架車之時, 諗住甩得身卦..?! 佢架車大, 所以警方投鼠忌器; 若是普通房車, 幾架警車一早已用車撞停佢, 唔同佢玩咁耐。
回覆刪除In the US, they would have shot out the tires or have the Spikes strips lay down to break the tires!! Once I chased a speeder doing almost 120 miles, it took me and my partner almost 10 miles before we could catch up with him!! I was driving at almost 130 miles to catch up, even in the police cruiser, it was scary!! (police cruiser usually have the stabalizer bar and special tires, made for high speed chasing)
回覆刪除[版主回覆11/01/2011 21:30:51]不知是否架車大, 驚爆呔失控亂衝撞到公路上的其他車輛呢? 開得太快始終會易出意外, 不過礙於工作需要就冇辦法囉。
阿大...早晨呀...
回覆刪除[版主回覆11/02/2011 10:28:12]MISS早晨! 8-)
在電視，經常睇到外國警察追車，追賊。
回覆刪除[版主回覆11/03/2011 11:24:40]確然, 且時有驚險鏡頭。
你一路報導得咁肉緊, 卻突然間煞仃, 嚡!
回覆刪除[版主回覆11/03/2011 14:38:35]奈何有非常重要任務在身趕著出車... 那司機玩得太耐了, 時不我予...=_='