預算案內的老鼠C

近日陸續見到不少人對今年的財政預算案口誅筆伐!

我這仍然持有香港身份證的名義上的 "香港居民", 不妨也湊熱鬧亂說幾句。

自己覺得這份預算案本來並不算很差。今年還罕有的大手筆派錢, 每個MPF戶口注資六千大元! 相信財爺事前當認為此舉應會博來一些掌聲, 可實際卻反倒引來許許多多人不滿, 實在是始料不及吧

。

若果如澳門般有身份證就有錢派(數額可以斟酌---到時我都會有?!

若然就舉腳贊成!!), 或者是最直接及較少爭議(?)的方法。不過香港人多, 行政費用可能十分昂貴。財爺又說恐怕派錢會直接刺激通脹, 所以選擇注資入MPF戶口, 要若干年後才可以用, 同時也一併帶出要市民為退休作好打算的訊息(?是因為他也明白香港沒有退休福利?!)。

問題可能就是出在注資MPF這個環節上。政府不吝慳囊, 今年打算每人派$6,000給大家(並非全部每一個人, 我就冇嘞!

), 不過要等到六十歲(?)退休之後才能到手拿來用...那目前豈非如蜑家雞所見的 "水" 了嗎? 一向實際的香港人會想, 這筆錢到有資格拿來用的時候, 不知到時在MPF戶口內的實際數額會變成多少? 多了還是少了? 還有, 經過往後許多年的通脹蠶食之後, 筆錢實際價值又剩餘多少?! 如此這般, 心理上覺得政府似乎口惠而實未至...故此不但不多謝, 還要XXX

。(這主要是市民對MPF的表現頗不滿意...)

香港環境比較特殊, 稅基較為狹窄。政府一向奉行的是量入為出---"正常" 情況下, 最好還要有盈餘---的財政預算。經常性的福利開支要建基於經常性的稅收之上, 所以香港的基層一向福利不多, 亦不敢多。政府祇敢在收支盈餘多的時候(通常是該年度賣地成績好、股市旺), 係咁意派些一次過的非經常性的小恩小惠給香港市民。

面對民情洶湧, 隔岸且看今次財爺如何善後, 以安撫人心...哈哈, 沒甚麼微調空間???

搞掂

下午送完大人去打波返歸途中. 接侄女電話, 說佢哋剛食完晏, 高人想現在嚟同我裝ROUTER, 連忙加速趕回家...
(車內沒免提裝置, 揸緊車講手提, 衰一; 路上有少少超速, 衰二...。好在沒見警察哥哥巡邏...

)

費事騷擾高人, 反正我都唔知佢搞乜, 索性坐埋一邊, 冇眼睇...

高人搞了十零廿分鐘, 說：掂了, 現在用唔用CABLE都得...

噫, 希望從此順頭順路...機與股都係!

ROUTER、晚飯、影碟

早前新買的ROUTER安裝失敗, 高人將之 "CERTIFIED", 同我拎去換。

今勻補多幾蚊買過另外一款(高人唔收幾蚊差價

), 看看幾時落嚟同我再搞...

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>


今晚出街食飯, 近來先後光顧幾間食店的乳鴿都不差。不知現在是否有農場養來供應食店, 比起從前的冰鮮乳鴿好吃得多了。

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>




早前聽說有這套戲, 食完飯行經碟舖, 順便逛吓, 老闆娘醒目, 立即說有新碟喎, 於是...

今晚開工若然仍苦仍悶, 或者都可以苦中作樂...

今晚又出街...打邊爐

上次去吃自助火鍋的那間食店, 發覺其水準已不比從前, 所以今回去試另外一間。


臨街的窗口位

隨便混醬

上次食嗰間居然冇糯米飯...

今餐飽都要叫 "煲" 食吓, 好在是迷你煲, 而且好食, 大人試了一啖, 其餘畀我食晒!

題外話...

落坐不久, 有伙記拎住幾枝玫瑰埋嚟兜售, " 買唔買枝花送畀太太? 每枝$10..."
我重未出聲, 大人已即時笑笑口回說..."唔駛罅"...呵呵...唔知係咪老夫老妻的默契呢...

又出街食...飯

今天接放工知道大人無意煮飯, 商量食乜; 一時口痕戲撩大人去食自助餐...。大人的口氣居然沒有堅決回絕!!

幾乎畀大人大番轉頭, 都係咪搞, 食少多覺瞓...叫兩個餸, 簡簡單單食餐算罷咯...

鍋仔鹹菜蘿蔔胡椒豬肚雞

蒸鱔---爽脆好味!

乳鴿仔一隻---細係細, 肉質尚不乾、不鞋, 已算幾好。

我包晒湯內啲蒜子

食粥

知道早前提過的小粥店已經重開一排, 大人心思思...今天放工 "乘機" 要去試試。

從前這間粥店黃昏便收舖, 幫趁要早。

門庭依舊, 似乎人面已非, 應該是換了老闆了...。

我們覺得這間的粥最有香港的大牌檔生滾粥風味...
大人愛吃艇仔粥。
粥底依然尚好, 而且似乎比以前少落了些 "味"...。
以前有兩三 "PAT" 炸粉絲撈碎牛, 現在就祇有較大粒的淨碎牛, 口感差咗少少

, 都OK喇; 當然有些發水魷魚及豬皮添...

未到初七, 都食碗及第粥先...

豬潤爽滑, 最正。

在這邊食及第粥, 至憎是那所謂的肉丸...間間都是用好像批發牛丸般的那些不知所謂肉丸, 全無肉香肉味...
以前老豆自己整的肉丸, 肥瘦適中的刴肉加些冬菜(?)

, 是成碗及第粥之中最好食的料! 廚神現在都整唔到...

布拉腸粉質感比以前還好; 以前滑是滑, 失諸太削...
昨日跌幾百點, 大人未有獲利, 不過昨夜都回吐...只敢吃蝦米腸...

炸腸都可以落些少葱花和蝦米碎的呀?!

當然咯, 老黃賣瓜, 自家的青班粥仍然許之為加粥之最!!!


--------------------------------------------------------------------------------------


一邊開工, 一邊再整碟生果雜拼