無咎

"大人和我去年底一齊年檢之後, 隨即約了明天睇驗身報告。有自知之明, 靚是不會點靚的了。還好沒接到醫務所的電話叫番去, 即管假設可能沒甚麼大問題。近來運動少, 吃得多, 明天且看白袍老友如何說...

"

驗身之後, 事隔一月, 今天去見白袍老友聽報告。

"...、...、...、...正常; 現在食緊降尿酸丸尿酸都已正常; 三酸甘油脂略高, 好膽固醇稍為偏低...。中國人好多都係咁架罅, 做多啲運動喇..."

自知運動少, 吃得多, 尤其上一次天殘腳發作以來, 有一段時間 "郁不得其正(常運動)", 更DUM懶了身, 在運動方面, 至今尚未完全恢復舊觀。有此 "結果" 已經相常滿意, 不由得想起了平南王...。