這兩天頗凍, 早晚都在零下十多度。
昨晚大人懶煮, 我提議去吃許久沒光顧的自助火煱。價錢貴了(加海鮮碟每位$17.88), 食材一般, 相信又有一段時間不會回頭了。
這些相影得橙兮兮的, 是因為坐在紅色燈光招牌後面的卡座
一次過的海鮮, 每人加二元...
所謂肥牛+魚麵
>>>>>>>>>>>>>>>>>>>>>>>>>>>>>>>>>>>
今天獨自尋歡, 約了舊同事雀局。天寒地凍, 大人放工要自己返歸...
早排說過從前我們常去的酒樓, 做我們的雀局生意做到執笠。最近改了名字重開, 老細轉了, 伙記就頗多熟面孔。
雀局仍然照前收費, 每位15元。
由頭輸到尾, 最多輸過20底(成百蚊!!)...。還好最後追回不少失地, 終輸$12(兩底幾)收場食飯, 執番身彩。
通常女士點餸...這裏是六個菜, 半隻燒鴨、半隻走地雞、番茄煮鱲魚、中式牛柳(少可!)、冬菰海參芥膽、肉崧豆腐...不知如何, 影完相之後, 又拎多個皇子菰磨菇白菜苗來。那時女士計數仍未出來, 我們不知就裏, 肚餓食住等...。
女士出來才發覺原來中間的肉崧豆腐不是我們的... 唔理咁多咯, 都食緊了...
七個餸...EAT SEVEN ?
>>>>>>>>>>>>>>>>>>>>>>>>>>>>>>>>>>>
正在酒樓埋首方城之際, 大人已放工歸家。來電告知高人會來裝ROUTER...。稍後又說新ROUTER原來是壞的, 今晚裝唔到, 高人過兩天要拎去換...。
新玩具目前可以用番舊ROUTER無線上網; 並且駁埋CABLE落ROUTER, 一旦再唔掂, 插線入NOTEBOOK就可以。暫時用住先, 稍後換了新ROUTER又要麻煩高人搞多次, 真有些不好意思...。
>>>>>>>>>>>>>>>>>>>>>>>>>>>>>>>>>>>
大人和我去年底一齊年檢之後, 隨即約了明天睇驗身報告。有自知之明, 靚是不會點靚的了。還好沒接到醫務所的電話叫番去, 即管假設可能沒甚麼大問題。近來運動少, 吃得多, 明天且看白袍老友如何說...
雖然現在匯水高企，但要在香港花@ $17.88自助火煱(dinner) 和@ 15元 雀局 ， 也揾唔到咁平幫襯。
回覆刪除所謂十年河東十年河西。
我諗你等日返港 吃喝玩樂 ，必鬼殺咁嘈，興奮到嚟唔切.....
[版主回覆01/21/2011 15:41:00]我都約略知道香港目前百物騰貴... 由細至大, 習慣量入為出, 不會太過揮霍。尤其離開職場及移民之後, 更學會精打細算 。 幾時回港與故舊聚首, 柴娃娃去邊度玩、邊度食, 都冇乜所謂的。...自己呢, 茶餐廳的一碗牛什粉, 一杯奶茶(從前會整枝啤酒架!), 已是吃得十分愜意的一餐。
哈哈！
回覆刪除茶餐廳的一碗牛什粉 HK$ 28
一杯奶茶 HK$ 15
整枝啤酒 HK$ 35
以不是你所言賴 ..... down to earth ..... 了。
因一碗牛什粉，以經係好多人嘅〝成個鐘頭有多〞嘅工資。
Bye Bye...
[版主回覆01/21/2011 16:39:00]因一碗牛什粉，以經係好多人嘅〝成個鐘頭有多〞嘅工資。 我明白... 這也是無可奈何的事...在現實生活中, 總難免會有些人因為種種原因, 致令生活得相對比較困難...。就算福利再好, 這種情況還是會存在的, 分別是多少和程度, 因為所謂的福利, 根本沒可能照顧所有有需要的人...。
您都好傳統－ 七個餸...EAT SEVEN ? 我都係唔會點單數。９就可以。
回覆刪除[版主回覆01/21/2011 19:21:00]哈哈, 傳承自上一輩的嘛...; 人總喜歡討個吉利, 反正祇單單是7比較顧忌, 避得咪避囉。 至於五和九, 就沒有問題---五是梅花宴; 九食九大簋...
What a life in Toronto!!
回覆刪除[版主回覆01/22/2011 03:45:00]頹廢的生活, 不過幾啱自己! 波士頓之行好玩喇...!!!
頹廢的生活... 我都o岩，數緊手指 底子所限，唔可以好似你咁頽，哈哈﹗
回覆刪除[版主回覆01/22/2011 20:27:00]數緊手指--- 呵呵, 光陰似箭, 日月如梭... 底子所限--- 知你一向底子... 謙虛! 唔可以好似你咁 ( 四聲中...那聲(不是粗口!! )? 上聲(咁樣)抑去聲(咁鬼)? 頽--- 我...咁...頹, 是結合經濟和喜好的頹法 ; 不過有些你的確未必得...譬如去打雀局!!! ...到時自會找到適合自己的頹法...
我都想過d咁頹廢的生活...
回覆刪除[版主回覆01/22/2011 20:51:00]心有所屬, 得到引領...相信MISS無論何時, 人、心俱不會頹廢。 ---用在MISS身上, 到時是 "有意義、有質素的優游" 生活 !