加國饞人

2010年12月10日星期五

凍到唔想出 "街" 食

目前使用的一部DESKTOP電腦已是幾年前的產品---雜嘜的減價貨---那時貪平又覺得自己祇用來上網及做些簡單的文字處理及EXCEL等工作, 已經足夠有餘。

一分錢一分貨, 用了不久, 個MON已經開始不大穩定, 風扇亦壞過..., 而且似乎愈用愈慢。自己是電腦盲, 人又懶(又懶又蠢, 無得救!

), 一有些甚麼問題, 就要四處找高人求救, 人家不煩, 自己都先覺得煩了。(再向被我煩過的網友

..., 深致謝意

!!)

常想買多一部LAPTOP, 以防萬一---部DESKTOP幾時突然跪低, 都不用企響度, 妨礙搵食。而且LAPTOP有需要時可以帶出帶入, 比較方便。

姪婿早前買了一部10"的所謂NETBOOK(?), 我嫌稍細。

趁最近好些機稍為減價, 選中一部12" 的HP。部機的特色是可以TOUCH SCREEN控制、個MON可以旋轉甚至放平、可以手寫英文數字、用指紋LOGIN...。哈, 好似幾好玩...

今天姪女夫婦上我家SET機及搞埋無線上網, 現在兩部機可以一齊用...

。搞完機食晏之後, 他們先行回家, 我自己摸索吓部新機, 今晚他們再會和小饞落嚟食飯。

機面有花紋, 幾靚。

(影相時部機前後調轉了...

)

TOUCH SCREEN 用手指篤又得, 用呢枝筆篤又得; 枝筆寫都得...

常用的本地網頁...

個MON可以任擰...

放平...

部機的規格據說頗高, 相對價錢不算平, 相信根本我連其性能的一成(甚至更少

)都用不到。不過就喜歡其大小和其中的某些功能, 也就無所謂了。反正祇要不壞, 對我來說, 往後應該足夠我使用一段很長很長的時間了吧...。

>>>>>>>>>>>>>>>>>>>>>>>>>>>>>>>>>>>

後記：13/12/10 12：52PM

今晚六個人食飯, 大人要早早準備...

本來諗住斬隻燒鴨添, 侄婿說他們可以落嚟時順路去買...

今朝飲完茶回來煲湯---花膠黨蔘豬展湯;
煲時不知他們今晚要自己搞掂餐飯, 沒特別預多一些份量, 雖然平常一定一餐飲晤晒。

燒鴨(佢哋買時要等出爐, 所以新鮮好食)、燒雞潤(

引到我食咗半舊)、鹵水豆
腐、蝦炒蛋、蒸青班、皇子菇炒豬頸肉、淥油菜
全部掃清, 只淨番幾舊鴨頸!!! 今餐連湯都冇剩番畀大人第二餐飲...

大人見到大家咁欣賞佢啲手勢, 暗裏沾沾自喜!

2010年12月6日星期一

家庭日

今天又是家庭日, 冷而有雪, 打完牌就打邊爐...

有麻雀打, 無乜邊個得閒, 求其簡簡單單, 唔使點整就算

一樽細啤少不免

飲完細啤, 來多杯橙汁...

打完邊爐出嚟, 雪已停; 不過...

架車要掃吓雪先走得...

2010年12月2日星期四

新不如舊

佳腳過幾天坐郵輪去遊船河。搞手又約了昨天打雀局, 讓他出發前上足癮後才落船。

之前盛讚雀局抵玩的那間酒樓十分旺場, 早一星期訂位都竟然向隅。搞手唯有四處張羅, 找了另外一間。

雀局菜每枱$100, 即$25一位。其餘飲茶、午餐、下午茶等幫趁與否, 悉隨尊便, 幫趁就另外計數。

雖然唔包飲茶, 我們都要食飽才上戰場。此外, 還有三位非雀腳前來一起茶聚吹水。食到滿枱狼藉, 還有食剩的打包留作下午茶。今餐每位盛惠$8。

大人今次無緣參與, 雀腳陣容有變, 搵了位男性外援。此君喜親近男性, 一向不愛與女士一枱, 以往多是佳腳搶著過枱搵食。不過此役事前已與佳腳達成協議, 今場由我客串, 受教三娘, 蓋星期三通常特別唔夠精神...

。

一向甚少和女士那枱交鋒, 然而她們的實力大致已了然於胸。接戰之下, 三位女士賦得快、勇兩字, 技術就略遜一籌

! 雖然睡眼惺忪, 都勝來易如, 終局贏了將近16底

! 噫, 難怪佳腳食髓知味。

完場計數之際, 鶯聲燕語, 聒聒噪噪, 異類成為了眾矢之的---幾位女士都說下次唔受我玩...。

八點打完開餐, 初試新架步, 眾人都想看看餸菜如何。

例湯及湯渣、豉油雞半隻、勝瓜雲耳炒雞片、牛筋腩煲、魚香茄子、咕嚕肉、蒸肉餅、豆腐扒生菜。...(嘿嘿, 打開門做生意, 這桌雀局菜家常得竟讓人覺得有些寒酸---咁就$200!!

)

...新不如舊..., 新不如舊遠甚 !!

2010年11月12日星期五

賽後談

佳腳闊別半載, 早前由香港回來, 雀友為之躍躍。上次組局, 未竟全功, 幾兜友無奈祇好在家中私枱先慰離情...。

昨天雀局終於組成

。一眾在酒樓早茶, 然後直落遣興。席上還有一位移民袋鼠國的同事千里而來茶聚, 益添熱鬧。

我若是星期三雀戰, 一般會是接連鐵人三項玩意的最後一項, 因此實際上未戰已先輸精神。然而一向自恃技高一籌, 就算非在最佳狀態應戰, 都該游刃有餘

。

昨仗出閘輕輕彈出, 守在前列位置。沿途彼此距離不大; 此上彼落, 亦步亦趨...。到賽事尾聲, 由於另一評分較高(我做埋評分員

)者求勝心切, 屢屢出銃, 落後包尾。直至部長通知收檔準備開餐, 以為大局已定, 會以首名過終點之際, 最後一舖變生不測, 包尾大幡竟然絕地反擊成功---自摸十一番---形勢登時逆轉！包尾者後來居上, 榮登榜首, 我就屈居次席。佳腳上次包尾, 今次亦然, 此佳腳之為佳腳也。

酒樓的雀局價錢是$30一位, 包早茶、下午茶、晚飯三餐。

原則上早茶及下午茶都不限吃些甚麼, 晚飯則由部長視乎前兩餐的 "消費" 餘額寫菜。昨天早茶因有千里來客, 當然叫到滿枱都是點心, 吃得很飽很飽。(哈哈, 他們常以我最 "後生" 為名, 要我清枱; 饞人自然樂於應命

。惟是甜品則統歸佳腳。)

下午茶只叫了茶、啡及兩籠糕點, 沒叫炒粉麵。晚上酒樓部長來寫菜問想吃些甚麼, 我們亦派出對口的 "外事女部長" 發揮專長：...蒸條魚(!

)喇, 多些菜喇, ...牛肉? 佢哋有人唔食的............。

終於七餸一湯, 白飯任裝：例湯一窩、海蜇走地雞半隻、蒸青班一條(居然接近兩磅!)、三色蛋、菜心炒蝦球、上湯芥蘭苗、韮菜花帶子、洋葱炒豬頸肉。還有糖水及美點雙輝。

飲茶食到滿枱大點、特點...; 晚上的餸菜仍相當對板, 不算 "微薄"。$30一位的雀局, 可算抵食抵玩。可惜祇小勝, 僅能略為挹注雀局使費。

從前光顧的一間酒樓早前已被我們幫趁到執笠, 希望呢間捱得住就好。